Abakuk 1:16 - DAWAN BÎLA AISKA

¹⁶ Baha mita inska âialkra nani ba inska alkaia dukia nani bri ba, baha dukia nani ra mayunisa, kîa yamni daukaia dukia nani angki, pain kulkan lâka dauki yabisa, baha dukia nani ra ai pura suni tingki wisa, kan baha dukia nani ba wina, witin nani ai pata ailal pali saki pîsa bamna.

Abakuk 1:16 ပူးပေါင်းရင်းမြစ်များ

Lawana Nani 22:29

Man nani, witin ra bawi bas, witin ra baman mayuni bas man nani sut diara ailal bri iwisma ba, baha nani sut tasba yuya ra tawaia kan ba, witin nani yakan ai wîna ra rayaka âpu ba.

Aiseya 37:24

Man nani dukiam dadaukra nani bâk Dawan mapara saura aisaram: ‘Yang waginki aiklabaia ailalka ba wal, il purara uli wari, bara Líbano ra tawi dimi wari. Bara ai yalamka, ai awaska kau pranakira bara yari nani ba sin klakri. Bara sin kau unta biara ra dimi wamna, baha untika puka, tangni kau pranakira bâra ba kat.

Jirimaya 44:17

Sakuna yang nani dîa daukaia lukri ba baha ban dauki kamna, yang nani gâdki Kwin Kasbrika Purara bara witin ra kîa pain sakripaiska dauki wain sin bri sal yabamna, yang nani kainara dauki kapri ba baku nanara sin dauki kamna, damiki nani, king nani bara wihta nani Juda tawanka nani ra Jerusalem yabal ra sin dauki kan ba baku. Blasi yang nani plun ailal bri katna, diara sut yamni kan yang nani ra pât balras kan;

Jirimaya 44:8

¿Dîa muni man nani daukankam nani ni swiri daukisma, Idsip ra gâd wala nani ra kîa pain nani angki yabisma, baha tasbaya ra man nani takaski iwaia balram apia? Baha daukanka ba ni munisma man nani ra mai sauhki tikaia lâka ba, nisan nani tilara tasba aiska ra man nani ba lahtuban swiram takan uplika nani kama.

Isikiel 28:3

¿Dîa lukisma Danel wal man kau sinskira sma? ¿Dîa man wina diara yukuwan ra âpu sa ki?

Isikiel 29:3

Wis: ‘Dawan naku wisa: Yang param takisni man waihlam, king fero, Idsip kingka, daiwan aihka saura tara, awalkam ra bâra sma bara aisisma: Nilo awala ba yang awalki, yang daukri.

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Daniel 5:23

Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.

Abakuk 1:11

Witin nani prari baku bal luisa; dawan wala nani ra sin kulkras, ai karnika ba baman ai dawanka kulkisa.”

Kli Smalkanka 8:17

“Kupiam ra lukpara: ‘Naha kukanka sut na, yawan wan karnika ni sakan.’