Abakuk 1:14 - DAWAN BÎLA AISKA

¹⁴ ¿Dîa kan man upla nani ba, inska nani kabu ra bâra ba baku munisma, daiwan nani ai tâ uplika âpu kan ban watauki baku?

Abakuk 1:14 ပူးပေါင်းရင်းမြစ်များ

Sins Lâka 6:7

Witin ba ai wihtka tara âpu, pura kakaira sin âpu dîa daukaia ba.

Jirimaya 16:16

“Inska âialkra nani ailal balaia daukamna —yang, Dawan, kasak aisisna— Israel luhpia nani ba miski alkaia. Yang sin daukamna antin uplika nani ailal balaia, il nani ra walpa unta nani ra, kiuhsi nani ra sin antin dimi uplika nani ba sakaia.

Abakuk 1:13

Man ban sunukira pali aihwa sma ba mita, saura ba aitani kulkaia sip apia sma, baku sin watawika lâka ba aitani yamni kulkaia dukiara; ¿bamna, nahki man upla âikra nani ra kaiki diara daukras sâp sma ki? ¿Bara upla kau saura nani ba mita upla wala kau yamni nani ra rausauhki ba ra, man diara sin daukras sma ba?

Abakuk 1:15

Caldea uplika nani ba, nisan wala purara karnika alki brisa, inska mamiskra nani, inska nani purara karnika alki bri ba baku; inska ba kabu ra kiulh ni, apia kaka ilis nani wal alkisa ningkara inska ba ai lamara sal kaikuya ba ra, asla sut lilia ni aibanhwisa.