Abakuk 1:13 - DAWAN BÎLA AISKA

¹³ Man ban sunukira pali aihwa sma ba mita, saura ba aitani kulkaia sip apia sma, baku sin watawika lâka ba aitani yamni kulkaia dukiara; ¿bamna, nahki man upla âikra nani ra kaiki diara daukras sâp sma ki? ¿Bara upla kau saura nani ba mita upla wala kau yamni nani ra rausauhki ba ra, man diara sin daukras sma ba?

Abakuk 1:13 ပူးပေါင်းရင်းမြစ်များ

2 Samuil 4:11

¡Baha daukri ba baku man nani wal kau tara daukamna, watawikira nani, upla pâtkas kum man nani ikram ai watla pali ra aitniki kan! ¡Baha mita, ai pruanka mana ba maikrika man nani aibapma! ¡Naha tasba wina mai diki mai sakamna!

1 King Nani 2:32

Bara Dawan bui ai tâlia ba tahki witin lal ra sunbia, kan witin bui Ner luhpia Abner, Israel war wihtka tara wâl kan ba ikan skiru ni, bara Jéter luhpia Amasá ba sin, witin Juda war wihtka tara pali kan ba.

Ester 4:14

Bara man naha yua ra diara aisaras bîlam praki sâp kama kaka, Ju nani prika lâka ba tani wala wina balbia, sakuna man bara papikam watla uplika nani sut ba lika prui âpu tiwi banhma. ¡Ya pan nu sa, man naha awarka na baha dukiara kwin lâka ra waram sapa!”

Job 15:15

Insal nani ra sin kasakkira kulkras sa, kasbrika pura bahara ba ra sin sunu kulkras sa.

Job 21:7

¿Dîa muni upla saura nani ba kau ban raya sa ki, bara almuk takisa ai karnika uya pali ba wal?

Job 24:23

Gâd mita ban swika raya iwi kabia pât sin âpu, sakuna ai mina lulkanka bani ba aihwaki kaiki kabia.

Lawana Nani 10:15

¡Upla watawi nani ba karnika kriks! ¡Watawika daukan ba mana makas aibapbia, diara kumi sin ban takaskbiara!

Lawana Nani 18:26

Kunin âpu uplika ba wal kunin kaia, âuyama uplika ba wal âuyama kaia.

Lawana Nani 25:3

¡Baha nani man ra bîlam kaiki ba, kumi sin swirka swira takbiara! ¡Baha nani kaiki lâ kriki ba, mampara bûi ba mita ai swira takbia!

Lawana Nani 35:17

Dawan, ¿man ahkia kat diara daukras ban sâp ai kaiki kama? ¡Rayaki swaki sâks, baha layanka nani ihbi watauki ba bîla wina, rayaki kumi baman brisma bamna!

Lawana Nani 35:22

¡Dawan, man naha sut kaikram! ¡Ai kaikras baku sâp kapara! ¡Laima wina kitwi takpara!

Lawana Nani 35:25

Swirka witin nani naku wibiara: “¡Naku sika yang nani daukaia kapri ba! ¡Nanara yawan bui witin ba aiska pali sauhkan sa!”

Lawana Nani 50:21

Man nani naha sut daukram, sakuna yang sâp kapri; ba mita kupiam ra lukram yang lika man wal baku sna. Sakuna yang bui man mamwan kat damhra kwahkaisna, dîa daukram klala maiki wapni daukaisna.

Lawana Nani 50:3

Wan Gâdka ba aula, sakuna sâp lika balras sa; witin aula ba, ai kainara pauta klauhi, skwal baku diara sauhki tiki balbia.

Lawana Nani 73:3

Prautkira nani bara watawikira nani ra tumri, nahki ai tâura pâwi bamna.

Lawana Nani 83:1

¡Man Gâd, sâp kapara! ¡Aiawi bas bara bîlam praki sâp kapara!

Aiseya 21:2

Diara aihka saura karna pali kan Dawan mairikan ba pât ra dadingkra ba, upla pât dingkisa, sauhki tatikra ba sauhki tikisa. ¡Elam, bus! ¡Media uplika nani, dimi alks! ¡Brukwi ba kau walan ai daukras!

Aiseya 24:16

Tasba tâ wala wina aiwananka nani yawan walan: “¡Kasakkira ba mayunra kabia!” Bara yang wîri: ¡Ay, dîa kan uba umpira uba umpira sa! Upla kuninkira nani ba kunin lâka ra ai uplika ra atkisa.

Aiseya 33:1

¡Sasauhkra, man ra saura pali kabia, man ra lika mai sauhkras; pât ra dadingkra man ra lika pât mai dingkras! Sut sauhkma ba ra, man ra sin mai sauhkan kabia, sut pât ra lakma bara man ra sin pât ra mai lakan kabia.

Aiseya 64:12

Bara baha sut daukan ba kaiki si, ¿Dawan, man ban sâp kama ki? ¿Man sâp kaisma, bara yang nani na mâya pali kat ai batakaisma ki?

Inanka Nani 3:36

lâ kum kasak wapni ba warbi laki saura daukaia ba, baha sut ba Dawan yamni kaikras sa.

Abakuk 1:14

¿Dîa kan man upla nani ba, inska nani kabu ra bâra ba baku munisma, daiwan nani ai tâ uplika âpu kan ban watauki baku?

Sakaraya 8:17

bara pana pana saura munpara, swer taki kunin aisapara. Kan baha sut yang misbara kaikisna. Yang, Dawan, kasak aisisna.”

Apastil Nani Sturka 2:23

Blasi piua wina Gâd mita ai Luhpia ba ridi dauki dîa takaia kan ba pain kaiki si, man nani mihtam ra mangkan ba ra, witin ba silak ra mangkram, baha ningkara upla watawikira nani mihta ra mangki bri si dus prihni ra sabi ikram.

Kli Smalkanka 23:15

“Alba kum ai dawanka wina plapi man nani ra wih yukuwaia pliska makabia kaka, kli dawanka ra laki yapara.