Abakuk 1:11 - DAWAN BÎLA AISKA

¹¹ Witin nani prari baku bal luisa; dawan wala nani ra sin kulkras, ai karnika ba baman ai dawanka kulkisa.”

Abakuk 1:11 ပူးပေါင်းရင်းမြစ်များ

Job 12:6

Tahplu nani ba ai watla ra ai âuyapah sa; Gâd mapara uplika nani ba ai âuyapah iwisa ai watla nani ra, kan witin nani lukisa, Gâd ba witin ai mihta bilara alki brisa.

Aiseya 10:13

Asiria kingka ba aisin: “Yang karniki ni baha sut daukri; yang sinskira sna, baha nani daukaia ba yang luki kaikri. Nisan nani tasbaya piarkika ba yang mita wala daukri, ai dukia kukanka nani ba sin dakbi briri, âu, yang waitna kum kupi karna, king nani bâra iwi kan ba bataki slingbi tikri.

Jirimaya 2:3

Israel ba yang baman mayi kan, mâ kau pain nani ba witin wina dâki kapri. Upla kum witin ra saura munuya ba ra, uplika ba klala yabi kapri pât saura nani baha uplika ra bliki. Yang, Dawan, kasak aisisna.”

Jirimaya 9:22

Upla pruan nani wîna ba tasba kat prawisa daiwan tâskika nani tasba ra bâra ba baku, aya dâkaia mihta wina kauhan ba baku, upla kumi sin bal alki bukras.” Dawan ba kasak aisisa.

Daniel 4:27

Baku bamna, king dîa mai wisna ba kat dauks, diara sut wapni kat dauks bara sin kli saura daukpara, saurkam nani ba mahka swis, bara umpira nani ra hilp muns, ban kra baku lika sip kama king ban kaia kupia kumi lâka ra pâwi kaia.’ ”

Daniel 5:20

Sakuna ai kupia ra pura luan lâka ni banhwan, ai kupia karna daukan, ai wîna kulkanka lâka sin brin. Bamna karnika bara prana kulkan lâka king bri kan ba, witin wina sakan.

Abakuk 1:16

Baha mita inska âialkra nani ba inska alkaia dukia nani bri ba, baha dukia nani ra mayunisa, kîa yamni daukaia dukia nani angki, pain kulkan lâka dauki yabisa, baha dukia nani ra ai pura suni tingki wisa, kan baha dukia nani ba wina, witin nani ai pata ailal pali saki pîsa bamna.