3 Jan 1:6 - DAWAN BÎLA AISKA

⁶ Latwan kaikisma ba dukiara, baha wan muihni nani mita, Kraist daknika aiska ba mawanra param aisan. Pliskam pali, Gâd pain kaikbia ba tânka kat, man baha nani ai impakanka dukiara hilp muns.

3 Jan 1:6 ပူးပေါင်းရင်းမြစ်များ

Blasi Sturka 4:7

Yamni daukram kaka, man purara mai bukan kaia kan. Sakuna man yamni daukras kapram bamna, saurka ba durkam kat bâra sa. Saura lâka ba puram luaia munisa, ban sakuna man mita baha ba sip muni pura luaia sma.”

Jona 4:4

Sakuna Dawan pana witin ra win: —¿Man baku kupiam baikisma ba aitani lukisma ki?

Apastil Nani Sturka 15:29

daiwan wîna aidul nani ra sakripais daukan ba lika pipara, tâlia ba sin apia, daiwan nani langki ikan wîna ba sin apia, bara upla kumi marit takras kaka ai maya ba briaia apia sa. Naha diara nani alki brima kaka, man nani pain daukisma. Bara yamni wama.”

Apastil Nani Sturka 15:3

Antíoco sertska uplika nani mita witin nani ba blikan, bara ai impakanka ba brin. Bara ban Fenicia bara Sameria tasbaya nani bâk maisa paki wan, nahki Ju apia nani ai lukanka almuk nani ba lulki si, Dawan nina blikan ba tânka. Wan muihni nani naha sturka walan ba ra, uya lilia pali takan.

Apastil Nani Sturka 21:5

Sakuna wik kum ba luan ningkara, yang nani mahka taki impakri. Lalukra nani sut ai maya mairin nani, ai luhpia nani aikuki yang nani yuli kahbi tawan ba wina takan, bara auhya ra luli kriki, puri suni banhri.

Roman 15:24

yang lukisna Ispail kuntrika ra waia impakamna, man nani mai kaikaia, bara aikuki lilia aitani bribia ba ningkara, man nani yabalki daukma Ispail kuntrika ra waia.

2 Korint 1:16

Macedonia ra lui wamna ba ra man nani mai kaikamna luki kapri, bara baha wina kli balamna taim sin kli mai kaikamna. Baku lika man nani sip kaia kapram hilp ai muni Judia ra ai blikrika waia.

Pilipai 4:14

Ban sakuna, yang wal pâtki nani wauhram ba pain daukram sa.

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

1 Tesalonaika 2:12

Mai smalkri, man nani lika Gâd uplika nani watauki ba baku kama; witinka mai paiwi ba, ai kingka lâka bara ai prana ba sin witin ai dukia sa.

Taitus 3:13

Zenas layar waitna ba, bara Apolos ba sin, man sip muni hilp muns, ai impakanka ba ban alki banhwi kabia dukiara, diara sut yabi, bara witin nani diara kumi sin luha kabia apia.

1 Pita 2:20

Kan man nani diara kum saura daukisma ba tâwan, klala maikisa bara baha ba ban bapi bûi wahwisma kaka, ¿dîa mana brima ki? Sakuna diara kum yamni daukram tâwan ban bapi mita pât wahwisma kaka, baha ba pain sa Gâd mawanra.

3 Jan 1:12

Upla sut Demetrio dukiara pain baman aisisa, bara diara kasak ba sin, witin dukiara pain aisisa. Bamna yang nani sin baha witniska nani sna, bara man nani pain nu sma, yang nani lika diara kasak ba dukia nani sna ba.