2 Timoti 4:17 - DAWAN BÎLA AISKA

¹⁷ Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan,

2 Timoti 4:17 ပူးပေါင်းရင်းမြစ်များ

Lawana Nani 109:31

Kan witin mita upla umpira ba tâwan aisi swaki sakisa, bara wala nani mapara aisi ba pât ra dingkisa.

Lawana Nani 22:21

Layanka nani ba bîla wina sin ai dakbi ai sâks; ¡bîp wainhka nani aringka ba wina, man bui yang kaini kahs!

Sins Lâka 20:2

King kupia baiwanka ba sika, layan ihbi ba baku sa; ya witin kupia baiwan bara tuski ba, witin ai rayaka pali mapara saura daukisa.

Sins Lâka 28:15

Layan ihbi ba, wingku tara sin plun wahwi ba, baku sa upla wihta watawikira kum, umpira uplika nani wihtka aimaki ba.

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 41:14

Dawan wisa: “Israel, Jekob uplika nani, man nani maura lupia bara karnikas sma sakuna, yang lika man hilpkam sna; si bripara. Yang, Israel Gâdka Holikira, man sasakrikam sna.

Jirimaya 2:30

Bahki baman luhpiam nani ra klala yabri, smalkanka ba witin nani lan takaia brin daukras. Man nani klauna layan kras baku, prapitkam nani ba ikram.

Daniel 6:22

Yang Gâdki bui ai insalka blikan, bara layan nani bîla ba prakan yang ra dîa kra ai munbia sîa, kan Gâd kaikisa yang na pâtkas sna, bara sin, king, man mampara sin saura kumi sin daukras sna.

Daniel 6:27

Witin ba swaki sasakra bara dakbi sasakra sa, sain aihkakira dadaukra sa, kasbrika purara naha tasba ra sin witin bui Daniel ba swaki sakan, layan nani asmala nani ba wina sin.”

Matiu 10:19

Sakuna wihta nani mihta ra mai mangkbia ba ra, dîa aisaia bara nahki aisaia sma ba dukiara lika uya lukpara; kan aisaia piua aimakbia ba ra, Gâd mita maikbia diara aisaia sma ba.

Luk 1:1

Kulkanka tara brisma Teófilo: Upla ailal wilin takan diara nani wan tilara takan ba sturka aitani kat ulbaia. Baha nani ulban, tâ pali piua wina upla nani ai nakra ni kaiki banhwan ba bara sturi yamni wan smalkan ba dukiara. Bamna yang sin kulkanka tara pali ni, tâ pali wina naha diara nani na tânka pain pliki kaikri, bara aitani lukisna naha diara takan na man ra ulbaia,

Luk 21:15

kan yang mita dîa aisaia sma bîla nani bara sinska lâka ba sin maikamni, bamna waihlam nani kumi sin baha mapara bubia apia, aisabia sin apia.

Apastil Nani Sturka 23:11

Tihmia wala ra, Dawan mita Pal ra bal win: “Pal, kupiam karna bri bas; Jerusalem ra, yang witniski aisaram ba baku, man Rom ra sin aisama.”

Apastil Nani Sturka 9:15

Sakuna Dawan bila: “Man was, kan yang baha waitnika ba pliki sakri sa, yang dukira witnis aisaia, nisan wala nani ra bara ai kingka nani ra, bara Israel luhpia nani ra sin.

Roman 15:31

Gâd ra puram suni makabi bas, lukras uplika nani Judia ra banhwi ba mihta wina ai dakbi sâkbia, bara naha prisantka Jerusalem ra wan muihni nani ra brih auna na, baha nani pain luki bribia,

2 Korint 12:9

kuna Dawan ai win: “Yang latwanki lâka sika man want sma ba; yang karniki ba kau pain param marikisni upla ba swapni ba ra.” Baha mita uya lilia sna swapnikira sna bamna, bara baku mika Kraist karnika ba yang ra param marikan kabia.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

1 Timoti 1:12

Wan Dawan Jisas Kraist ra yang tingki wisni, witinka mita warkki na daukamna wisi karnika aikan. Witin ra tingki wisna yang ra kasak ai kulkan bamna, bara ai warkka daukamna wisi ai mangkan bamna.

2 Timoti 2:1

Bara man, luhpi, yawan na Kraist Jisas wal asla ba mita yamnika bri ba wina karnika bris.

2 Timoti 2:9

Naha sturka yamni tâwan, yang pât nani wahwisna, bara ban sin lâ sasauhkra kum baku sîn ni ai priski ai brisa; sakuna Gâd bîla yamni ba lika sîn ni priskras sa.

2 Timoti 3:11

nini bliki rau ai sauhkan ba bara pât wauhri ba sin. Man pain kaikisma diara nani yang ra takan ba Antíoco tawanka ra, Iconio ra bara Listra ra sin, bara rausauhkanka tara nani wauhri ba sin; sakuna Dawan baha sut wina dakbi ai sakan.

2 Timoti 4:5

Sakuna man lika sinskam ba ban yamni bri bas, pât nani wahwi bas, swaki sakan sturka yamni aisi smalkaia warkka ba dauki bas, napakan warkka brisma ba sin pain pali dauks.

Taitus 1:3

bara nanara, ai piua pali ba kat, baha ba latan wan marikan sa, ai bîla blikan ba bâk. Baha ba yang mihti ra mangkan sa, bara Gâd wan Sasakra adarka mita yang aisi smalkri.

Hibru Nani 11:33

Kasak lukan lâka mita, witin nani aiklabi kuntri nani win takan, pain wihta aimakan, bara Gâd mita hilp yaia pramis munan kan ba sin alki banhwan. Layan nani bîla nani prakan,

1 Pita 5:8

Tânkira watauki bara aihwaki bas; kan waihlam dibil ba ya ya piaia wisi, layan ihbi baku pliki taukisa.

2 Pita 2:9

Bamna Dawan kaikisa, witin ra luki uplika nani ba, traika kaikanka wina swaki sakisa, bara sin nu sa saura dadaukra nani ba, pât mununhtara bri kaia lâ tara yua ba kat.

1 Samuil 17:37

Layan bara wingku tara nani asmala wina Dawan ai dakbi pri ai sakan ba, baku sin baha filisteo mihta wina ai dakbi pri ai sâkbia. Bara Saúl bila win: —Ban kaka, was, Dawan ba man wal wabia.