2 Timoti 4:12 - DAWAN BÎLA AISKA

¹² Tíquico lika Epesus tawanka ra blikri wan.

2 Timoti 4:12 ပူးပေါင်းရင်းမြစ်များ

Apastil Nani Sturka 18:19

Witin nani Epesus tawanka ra wan ba ra, Pal mita Priscila bara Áquila ba swi si, Ju nani priaska watla ra wan, bara Ju nani bahara bal asla taki kan nani ra aisi kan.

Apastil Nani Sturka 18:21

Bamna witin nani ra lakula dauki si, win: “Dawan hilpka ra yang kli bal, man nani mai kaikamna.” Bara witin duri tara ra aimaki, mahka takan Epesus wina.

Apastil Nani Sturka 19:1

Apolos ba Korint ra kan ba ra, Pal lika laih il nani tasbaya nani bâk impaki ban Epesus kat balan. Bahara kristian tila nani wal prawan.

Apastil Nani Sturka 20:25

“Bamna yang naiwa kasak pali mai wisna, man nani tilamra Gâd King aimaki ba lâka smalki tauki kapri ba, kli maiwan kaikma apia.

Apastil Nani Sturka 20:4

Witin wal wan nani ba sika, Sópatro, Berea wina; Pirro luhpia ba; bara Tesalonaika nani wina Aristarco, Segundo sin; bara Gayo Derbe wina; wala Timoti; bara Asia wina Tíquico, Trófimo sin, witin aikuki Asia kat wan.

Epesus 6:21

Wan muihni latwankira Tíquico, witin lika Dawan warkka dadaukra painkira pali sa, bamna witin mita yang tâinka na bara dîa daukisna ba sut mai wibia.

Epesus 6:22

Baha mita yang bui witin ba man nani ra blikuna, yang nani nahki sna ba mai wiaia, bara tâm baikaia sin.

Kolosi 4:7

Bamna wan muihni latwankira Tíquico, witinka lika wark dadaukra painkira kan, bara yang wal Dawan dukia daukan ba mita yang tâinka nani sut pali witin mita man nani ra mai wibia.

1 Timoti 1:3

Mahka Macedonia tasbaya ra waia tauki kapri ba ra, pat mamkabatna ba baku, yang want sna man Epesus tawanka ra takaskma. Bahara upla tila nani smalkanka kunin baman aisi smalkisa, bara man baha nani ra adar yas baha ba mahka swibia.

Taitus 3:12

Man ra Artemas, apia kaka Tíquico ba blikamna ba ra, trai muni Nicópolis ra bal ai kaiks, kan yang na kauhla piua ba bahara luaia wîri sa.