2 Timoti 3:11 - DAWAN BÎLA AISKA

¹¹ nini bliki rau ai sauhkan ba bara pât wauhri ba sin. Man pain kaikisma diara nani yang ra takan ba Antíoco tawanka ra, Iconio ra bara Listra ra sin, bara rausauhkanka tara nani wauhri ba sin; sakuna Dawan baha sut wina dakbi ai sakan.

2 Timoti 3:11 ပူးပေါင်းရင်းမြစ်များ

Blasi Sturka 48:16

bara insalka diara saura nani sut yang ra aula ba wina swaki ai saki ba, witin nani ba mita naha tukta nani ra yamni munbia. Tukta nani na tâka mita yang nini ba upla sut kau ban luki kabia, yang aisiki nani Ebraham, Aisak nina ba sin, witin nani ai luhpia nani ailal bribia bara tasba ra daknika tara nani takbia.”

2 Samuil 22:1

Debit naha lawana Dawan ra aiwanan, Saúl mihta ra bara ai waihla nani sut mihta ra sin kauhaia kan ba wina, Dawan bui swaki sakan ba ra.

2 Samuil 22:49

Witin bui yang waihli nani wina dakbi ai sakisa, maipara babura nani maipara buan ba wina. ¡Dawan, man swaki ai sakisma upla saura nani mihta wina!

Lawana Nani 34:19

Upla yamni baman dauki ba, pât uya wahwisa, sakuna Dawan mita baha pâtka nani sut ba wina pri sakisa.

Lawana Nani 37:40

Dawan bui witin nani ra tâ baikisa plapi swakwaia. Watawikira nani wina witin baha nani pri saki, swaki sakisa, kan baha nani witin wina ai kan kahbaia plikan bamna.

Lawana Nani 91:14

“Yang bui swaki sakamna baha nani sut ba mihta wina, kan witin latwan ai kaikisa ai kakaira ba mita.

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 41:14

Dawan wisa: “Israel, Jekob uplika nani, man nani maura lupia bara karnikas sma sakuna, yang lika man hilpkam sna; si bripara. Yang, Israel Gâdka Holikira, man sasakrikam sna.

Aiseya 43:2

Man lî nani bâk lui wama ba ra, yang sin man wal bâra kamna, bara awala nani luma kaka, lî dih pruma apia. Pauta klauhan lama bâk luma sin, mai angkbia apia, pauta lakni ba sin mai ambia apia.

Jirimaya 1:19

Witin nani mampara war aiklabia, sakuna puram lubia apia, kan yang lika man wal kamna kainam kahbaia. Yang, Dawan ba, yang bîli mai wisna.”

Daniel 6:27

Witin ba swaki sasakra bara dakbi sasakra sa, sain aihkakira dadaukra sa, kasbrika purara naha tasba ra sin witin bui Daniel ba swaki sakan, layan nani asmala nani ba wina sin.”

Apastil Nani Sturka 13:14

Witin nani Perge wina Antíoco tawanka ra balan, baha ba Pisidia kuntrika wal lamara sa. Bahara witin nani ris yua ra Ju nani priaska watla ra dimi iwan.

Apastil Nani Sturka 13:45

Sakuna Ju nani kaikan nahki upla ailal aidruban kan ba, bara mahka tumi banhwan, Pal mapara sin aisi, saura sin win.

Apastil Nani Sturka 14:8

Listra ra waitna kum kan sip wapras. Witin aisubi takan ba wina ai kuhma ba skahwa kan bamna, ban bahara iwi kan.

Apastil Nani Sturka 20:19

Piua bani, bawikira man nani tilamra Dawan warkka dauki kapri, naikra laya saki, traika kaikan manis tilara, Ju nani mita sin ai alki ai munaia luki kan ba tilara.

Apastil Nani Sturka 23:10

Blahwanka ba tara kan bamna, kamandanti ba sibri kan. Witin luki kan ban kra upla nani mita Pal ba alki kalki yuya man daukbia. Baku bamna, witin mita suldiar nani paiwan, Pal ba baha nani tila wina saki, kli kwartil ra brih wabia.

Apastil Nani Sturka 26:17

Yang swaki mai sakamna, Ju nani wina bara Ju apia nani wina sin, nanara baha nani tilara mai blikuna ba.

Apastil Nani Sturka 26:22

Sakuna Dawan hilpka ba mita, ban nanara kat bapi buisna, bara sip sna upla sut ra Dawan sturka yamni ba wiaia. Moses bara prapit nani mita dîa takbia aisin ba, diara sât wala kumi sin yang aisaras.

Apastil Nani Sturka 9:16

Yang mita witin ra marikamna nahki pât nani uya yang dukira wahwaia ba.”

Roman 15:31

Gâd ra puram suni makabi bas, lukras uplika nani Judia ra banhwi ba mihta wina ai dakbi sâkbia, bara naha prisantka Jerusalem ra wan muihni nani ra brih auna na, baha nani pain luki bribia,

2 Korint 1:5

Kraist pât tara wahwan ba baku yawan sin pât nani wahwisa, bahamna Kraist ba mita sin yawan maisa nihkra tara kum brisa.

2 Korint 1:7

Yang nani bapi bûi man nani ra bîla kaikanka kum brisna, baku man nani pât wahwisma ba mita yang nani kaikisna, maisa nihkra Gâd wina yang nani ra aiki ba man nani ra sin maikan sa.

2 Korint 12:10

Baha ba mita swapnika lâka nani wal lilia sna, swira paskan lâka nani, dîa dîa want kaia, rausauhkan lâka nani Kraist tâwan trabil nani brisna ba sin. Kan ani piua kau swapni sna kaka, kau karna sna baku daira walisna.

2 Timoti 4:7

Aiklabanka pain ba yang aiklabri, yabal ba aiska tnata kat plapri, kasak lukan lâka ba ban alki bri kapri.

2 Pita 2:9

Bamna Dawan kaikisa, witin ra luki uplika nani ba, traika kaikanka wina swaki sakisa, bara sin nu sa saura dadaukra nani ba, pât mununhtara bri kaia lâ tara yua ba kat.