2 Timoti 2:7 - DAWAN BÎLA AISKA

⁷ Dîa mai wisna na man luki bas, bara Dawan mita maikka diara nani sut tânka brima.

2 Timoti 2:7 ပူးပေါင်းရင်းမြစ်များ

1 Kronikas 22:12

Dawan bui diara tânka briaia lâka bara sins lâka ailal maikbia, witin bui Israel kingka mai mangkbia yua ra, bara Dawan Gâdkam lâka nani sut ba kulki kama.

1 Kronikas 29:19

Baku sin luhpi Salaman ra kupia wapni kumi yas, baku mika man lâmka nani ba alki bri kabia, man witniskam bîla nani dîa lâ nani aisi mangkram ba sin, bara baha nani sut ba sin dauki kabia, bara tempel watla ba mâkbia, baha dukiara yang diara nani sut asla daukri ba.”

Lawana Nani 119:125

Yang na, man nampakan. Diara tânka nani briaia ai smalks, kan man lâmka bîla nani kaikaia sna bamna.

Lawana Nani 119:144

Man lâmka bîla nani kasakkira sa ban kaia ra; ¡diara tânka alkaia aik, bara baha wal yang raya kamni!

Lawana Nani 119:73

Mihtam ni ai daukram bara sin ai paskram; sins lâka aik, bara man lâmka bîla nani lan takamni.

Lawana Nani 64:9

Bara upla sut Gâd ra kulkbia, baku sin upla sut aisi kabia dîa daukan ba bara tânka bribia, witin dîa daukan ba.

Sins Lâka 24:32

Yang baha kaikri bara kupi kat mangki lukri; kaikri bara naha smalkanka lan takri:

Aiseya 1:3

Wark bîpka wainhka ba ai dawanka kaikisa, biriku sin ai dawanka daiwan watla ba; sakuna Israel yang upliki nani ai dara walaia tânka âpu sa.”

Aiseya 28:26

Gâd mita smalkisa, witin ra sin marikisa nahki daukaia ba.

Aiseya 5:12

Pata tara dauki ba ra, arp, gitar tara, kingbi nani, plut bara wain sin bâra brisa; sakuna Dawan warkka nani ba lika kaikras, Dawan mihta warkka nani ba dukiara sin luki kaikras.

Daniel 1:17

Naha wahma walhwal ra, Gâd bui sins lâka bara diara tânka kaikaia lâka yan wauhkataya ulban ba ni, sinska lâka nani sut tânka briaia. Daniel ra lika baha purkara diara aihka nani yaprisauhkan nani kaikaia tânka yaban.

Luk 21:15

kan yang mita dîa aisaia sma bîla nani bara sinska lâka ba sin maikamni, bamna waihlam nani kumi sin baha mapara bubia apia, aisabia sin apia.

Luk 24:45

Bamna Ulbanka nani tânka ba yan brin,

Luk 9:44

—Man nani naha na pain wals, bara âmya sin tikpara: Upla Luhpia Waitna ba upla nani mihta ra ai mangkan kabia.

Jan 14:26

Sakuna Spirit Holikira Aisa mita yang nini ra luki blîkbia ba lika, man nani ra hilp mai munaia bara maisam nihkaia dukiara, bara witinka mita diara sut mai smalkbia, bara dîa dîa mai wîri ba sut kupiam kraukbia.

Jan 16:13

Kasak tânka Spiritka balbia ba ra, witin mita mai smalkbia diara pali ba tânka. Witin ai brinka ba kat aisabia apia, sakuna dîa witin walbia ba baha aisabia, bara dîa dîa naika takaia ba sut mai wibia.

Apastil Nani Sturka 7:10

Bamna Gâd mita trabil nani sut wina swaki saki kan, sins lâka ba yan, ban sin Idsip kingka fero mita yamni kaikaia ba sin. Bara Josep lika Idsip wihtka tara mangkan, bara king fero dukia aiska wihtka sin.

1 Korint 12:8

Spirit ba bâk, witin bui upla tila nani ra sins tara brih aisaia sinska yabisa, bara wala nani ra lika, baha sim Spiritka bâk diara tihu tânka kaiki aisaia sinska yabisa.

Kli Smalkanka 32:29

Sinskira kan kaka ai tânka briaia kan, ai dahra walaia kan anira buaia ba.

Kli Smalkanka 4:39

“Baku ba mita, sinskam ra pain ulbi mangks Dawan ba Gâd sa, kasbrika pura bara tasba ra sin witin baku wala âpu sa.

Pilipai 4:8

Bara tnata kat, muihki nani, diara pain bara mayunra briaia aitani ba lukankam ra mangki bris. Diara kasak nani ba, dîa dîa kulki briaia aitani ba, diara wapni nani ba, diara sunu nani ba, dîa dîa upla mita lihki ba bara dîa dîa upla mita pain kulki ba.

Kolosi 1:9

Baha mita yang nani baha walri yua ba wina, man nani mamta takaskras puri suni banhwisna, bara Gâd ra yang nani makabisna, man nani ra ai kupia lâka yamnika ba mamrikbia, bara sins lâka sât sât nani sin maikbia, bara diara tânka kaikaia spiritka ba sin.

1 Timoti 4:15

Naha dukia nani ba karna pali dauki bas, bara baku lika upla sut mita kaikbia man nahki kainamra auma ba.

2 Timoti 2:6

Insla ra wark taki ba, witin pas baha nasla wina ai dukia briaia sa.

2 Timoti 2:8

Jisas Kraist pruan wina kli buan ba kupiam krauki bas, witinka king Debit kiamka wina kan ba. Naha sika yang mita aisi smalkisna swaki sakan sturka yamni ba.

Hibru Nani 12:3

¡Man nani Jisas dîa daukan ba kat luki bas, nahki upla saurakira nani mihta ra kasak pât wahwan ba! Baha mita, man nani swappara, dring sin iwpara.

Hibru Nani 13:7

Man nani tâm brin uplika nani ba kupiam krauki bas, witinka nani Gâd sturka yamni mai smalkan ba. Witin nani nahki iwi kan bara nahki pruan ba sin man nani luki bas, bara ai kasak lukan lâka natka nani ba kat dauki bas.

Hibru Nani 3:1

Baku bamna, muihki kristian nani sma ba, man nani sin Gâd mita ai luhpia nani kaia wisi mai paiwan ba, Kraist Jisas ra kaiki bas, witinka Gâd mita blikan ba, yawan wan kasak lukan lâka warkka dauki ba Prîska Tara kaia dukiara.

Hibru Nani 7:4

Baku bamna, ¡man nani kaiks, nahki witin lika upla tara pali kan ba! Ebraham wan damika ba mita war aiklabi king nani wina diara win takan ba matawalsip bani wina kumi ba witin ra yaban.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.

Jems 3:15

Nahmuna sinska lâka, Gâd wina balras; naha tasba sinska sa, upla lukanka wina, Sitan pali wina sa.

Jems 3:17

Sakuna Gâd wina sinska lâka bri uplika nani ba, tâura ai rayaka ba sunu brisa; baha ningkara, kupia kumi lâka brisa, upla ra pain munisa, bara diara tânka kat dauki uplika nani sa. Umpira lâka brisa bara ai uplika ra yamni munisa; witin nani kasak kat daukisa kunin lâka âpu.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.