2 Timoti 2:4 - DAWAN BÎLA AISKA

⁴ Suldiar bisniska dauki nani ba, yu bani ai wihtka dîa daukaia wibia ba kat witin daukaia lukisa, bara baha mita witin ba suldiar apia nani bisniska tilara dimras.

2 Timoti 2:4 ပူးပေါင်းရင်းမြစ်များ

Luk 8:14

Saumuk mâ nani kiaya nani tilara kauhan ba lika bîla smalkan ba waluya uplika nani, kuna ban ai yabalka nina bliki auya, bara yan taibuya kupia trabilka nani mita, bara lalah nani, bara tasba liliaka nani mita sin yan blakuya, bara baha mita mâ kumi sin sakras.

2 Korint 5:9

Baha mita piua bani Dawan dîa want ba kat daukaia trai muni banhwisna, wan wîna tara kau raya na piua ra sapa, wan wîna tara wina laihura kabia kra sin.

Galesha 5:1

Bamna yawan pri kabia wisi, Kraist mita pri wan sakan. Baku bamna baha pri lâka ba kat ban bapi bûi bas, bara kli sin alba lâka twilkaika ra kapara.

1 Tesalonaika 2:4

Sakuna, yang nani lika piua sut dîa Gâd want ba kat aisisna, kan witin mita trai wan munan, bara sturi yamni ba smalki kamna wisi aikan. Yang nani mita upla nani dîa brin dauki ba kat daukras, kuna Gâd brinka ba kat mika, witinka wan kupia nani tânka pliki kaiki ba.

2 Timoti 4:10

kan Dimas ai lulki ai swih Tesalonaika ra wan, witin naha tasba dukia nani ba kau want kan bamna. Crescente lika Galesha tasbaya ra wan, bara Taitus ba Dalmacia ra.

2 Pita 2:20

Baku sin, baha nani wan Dawan Sasakra Jisas Kraist wal kakaira takan ba, witin nani lika naha tasba tâskika wina swak takan sa, sakuna baha diara tâski nani ba mita kli blaki pura lubia kaka, witin nani lika kanra kata ba wal kau saura takan sa.