2 Timoti 2:22 - DAWAN BÎLA AISKA

²² Baku bamna, wahma nani brinka karna ba wina tnaya ra taws, bara kasakka lâka nina blîks, kasak lukan lâka, latwan lâka bara kupia kumi lâka ba sin, baha nani ai kupia klin brih, Dawan ra hilp makabi wini nani ba sut aikuki.

2 Timoti 2:22 ပူးပေါင်းရင်းမြစ်များ

Lawana Nani 119:9

¿Nahki wahma kum sip kabia, ai rayaka ba tâski âpu briaia? ¡Man bîlam dîa wi ba kat dauki ba mita!

Lawana Nani 17:1

Dawan, kasakka tânka pliki, puri sunisna na kiamam ra aman wals, aisinki na, kuninkira nani aisi ba baku apia sa.

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Sins Lâka 6:5

Sula baku plaps daiwan âikra aula ba wina; daiwan tnawira baku plaps, mina mangki alkaika wina ba.

Sins Lâka 7:8

Yabal un kum kat wan ba ra, baila wala ra luan baha mairka watla tani ra.

Libait Lâka 15:18

“Waitna kum mairin kum wal yapbia kaka, wâlsut aihtabi klin takbia, sakuna ban yu aiska tâski kulkan kabia tihmia kat.

Apastil Nani Sturka 7:59

Witin nani mita walpa ni sabi kan ba ra, Stiben ai pura suni, win: “Dawan Jisas, yang spiritki na man mihtam ra bris.”

Apastil Nani Sturka 9:14

Bara nanara witin Damaskus ra aula kan, prîs tara nani wina karnika brih, baha nani man ninam ra ai pura suni nani ba alki priski silak ra brih waia.”

Roman 14:17

Bamna Gâd King aimaki ba lâka lika piaia, diaia wal tânka apia sa, sakuna baha lika wan rayaka wapni briaia lâka sa, bara kupia kumi lâka bara lilia lâka Spirit Holikira bâk yawan bri ba tânka sika.

Roman 14:19

Baku bamna, kupia kumi lâka dauki dukia nani ba nina blîkpi, baha diara nani wal sip ba, wan walka wal pana pana hilp munaia spirit lâka mapara pâwaia dukiara.

1 Korint 1:10

Muihki nani, wan Dawan Jisas Kraist nina ra man nani ra makabisni: diara nani aisisma ba mapa ra aikuki kupia kumi asla taks, bara baku mika, man nani tilamra dakwi takan lâka nani âpu kabia; sut aikuki asla pali banhwi bas, kupiam lukanka kumi brih, bara dîa daukaia lukisma ba mapa ra sin kumi kaia.

1 Korint 1:2

Korint tawanka ra wan muihni nani, Gâd sertska uplika nani ba ra ulbisna, witinka nani Kraist Jisas wal asla ba mita Gâd uplika holi takan ba. Gâd bui man nani ba holikira nani kaia mai paiwan sa, ani anira wan Dawan Jisas Kraist nina mâki, witin ra wini uplika nani ba aikuki, witinka lika baha nani Dawanka bara yawan Dawanka sin ba.

1 Korint 10:14

Baku bamna, muihki laitwankira nani, aidul nani ra puram suni mayunaia ba wina man nani plaps.

1 Korint 14:1

Bamna man nani trai kaiki bas latwan lâka ba bri kaia, bara Gâd mita spirit sinska lâka nani maikbia dukiara sin karna pali pliki banhwi bas, kau pali witin wina sturi nani brih aisaia ba.

1 Korint 6:18

Baku bamna, tâski lâka wina man nani plaps. Saurka wala nani upla tila dauki ba, ai wîna tara lata tani ra daukisa; sakuna ai maya briras tâski lâka dauki uplika ba, ai wîna tara mapara saura daukisa.

1 Timoti 1:14

Baha mita, wan Dawan ai kupia yamnika lâka uya bri ba ni yang ra ai banhkan, bara kasak lukan lâka, latwan lâka yawan Kraist Jisas wal asla ba, baha sin Dawan mita yang ra aikan.

1 Timoti 1:5

Baha smalkanka ba sika, pana pana latwan kaikaia wan walka ra, kupia tâski âpu ba wina aula, kupia dara lukra yamni ba wina, bara kasak lukan lâka kunin âpu ba wina sin taki aula.

1 Timoti 2:8

Baku bamna, yang want sna waitna nani ba plis sut ra ai pura suni kabia, bara ai kupia sunu brih ai mihta nani purara buki kabia, lawan âpu bara unsaban sin âpu.

1 Timoti 4:12

Wahma sma ba ra wisi, upla nani mita yarka mai kulkras kabiara; sakuna tânkam ba ni lalukra nani ra lâ yabi bas, bîlam aisisma ba wal, taukisma ba wal, latwan lâka, kasak lukan lâka bara sunu lâka ni sin.

1 Timoti 6:11

Sakuna man, Gâd uplika sma ba, naha dukia nani sut wina sîa bri plaps. Kasakka lâka ba nina blîks, Gâd ra luki kaia lâka ba, kasak lukan lâka, latwan lâka, ban bapi buaia lâka, bara wan kupia swapni bri kaia lâka ba sin.

Hibru Nani 12:14

Man nani upla sut wal kupia kumi lâka bri kaia trai kaiki bas, bara rayakam ba sin holikira bri kaia trai muns; kan holi lâka âpu kaka, upla kumi sin Dawan ba kaikbia apia.

1 Pita 2:11

Laitwankira nani, man nani ra bik takisna, man nani naha tasba ra impapakra tringsar nani baku, wan wîna brinka nani wan sulka mapara aiklabi ba, dauki banhpara.

1 Pita 3:11

Saurka ba wina tnaya ra taki diara yamni daukaia sa; witin kupia kumi lâka pliki, baha nina kat waia sa.

3 Jan 1:11

Muihki laitwankira, tânka saura nani nina blîkpara, kuna tânka pain ba lika. Ya diara pain dauki ba Gâd wina sa, kuna ya saura dauki ba lika, Gâd kakaira apia sa.