2 Timoti 2:19 - DAWAN BÎLA AISKA

¹⁹ Sakuna Gâd mita playa kum karna bapan ba lika ban buisa, bara naha bîla nani na bahara ulban sa: “Dawan mita ai uplika nani ba kakaira sa”, bara: “Ani uplika nani Dawan nina bri ba, witin nani ba saurka wina tnaya ra takaia sa.”

2 Timoti 2:19 ပူးပေါင်းရင်းမြစ်များ

Job 28:28

Bara Gâd mita upla nani ra win: “Dawan dukia ba kasak daukaia ba, baha sika sins lâka ba, saura wina tnaya ra tawaia ba sika, diara tânka kaikaia lâka.”

Lawana Nani 1:6

Dawan bui kasakkira nani yabalka main kaikisa; sakuna upla watawi nani yabalka lika sauhki tikaia ra brih wisa.

Lawana Nani 112:6

baha mita witin tanis kauhbia apia. ¡Upla kasakkira ba ban ai kupia krauki kabia!

Lawana Nani 34:14

Watawi lâka ba wina irbi taks, bara yamni ba dauks, kupia kumi lâka ba pliki nina bliki bas.

Lawana Nani 37:18

Dawan lika, lukanka yamni bri nani ba aihwaki kaikisa; ai yuyaka bri ba ban kaia ra ban bâra kabia.

Lawana Nani 97:10

Dawan ba latwan kaikisa, baha uplika nani saura ra misbara kaiki ba; kasak luki nani rayaka ba, kan kahbi brisa; upla watawikira nani mihta ra kauhaia ba wina dakbi sakisa.

Sins Lâka 10:25

Prari ba lui auya ba ra watawikira ba lap tiwisa, sakuna kasakkira nani lika, ban kaia ra ban bâra sa.

Sins Lâka 3:7

Man ba sinskira pali sma lukpara; Dawan ra kulkanka yas, bara saura ba wina mahka tawi was,

Aiseya 14:32

¿Baha kuntrika ra blikan uplika nani aula blikan pana dîa wibia? Dawan mita Saion ba nikbras, bûi kaia daukan, baha nani sarka pakan ba bahara bri yukuwaika ba yabia.

Aiseya 28:16

Baha mita, Dawan ba naku wisa: “Saion ra walpa kum mangkamni, walpa kum mana tara pali bâk saki briri ba, walpa pas, sut wihtka ba, baha purara mâki kaia walpaya ba, ya witin ra kasak luki ba ai âuyapah kaia sip kabia.

Aiseya 63:19

Yang nani na, man mita wan tâ briras baku banhwisna, ninam ba, yang nani aima kumi sin briras kan baku banhwisna.

Aiseya 65:15

Bara man nani ninam ba mâki, yang upliki nani ba upla wala nani ra lahtubi kabia, bara Dawan mita ai dukia dadaukra nani ra nina wala ni mâki kabia.

Isikiel 9:4

Bara win: “Jerusalem lila bâk lui was, bara sain kum mangks upla nani lal purara, baha nani sari bri nani ra, baha saurka nani witin nani ai tilara dauki ba dukiara.”

Nahum 1:7

Dawan ba yamni sa; pât bri uplika nani yukuwaika watla kum sa; witin ra luki uplika nani ba kan kahbisa.

Hageo 2:23

Duki dadaukra Zorobabel, baha yua ra yang mihtidingka, sîl mangkaika ba baku main mai kaikamni, kan yang bâk mai saki mai briri bamna. Yang, Dawan karnika sut brisna ba, kasak aisisna.”

Sakaraya 3:9

Yang sin Jasua mawanra walpa kum tnaya 7 bri ba mangkri, bara yang mihti ulbanka kumi baha walpaya ra swimna. Baha wina yu kum bilka ra, yang naha tasbaya uplika nani saurka wina dakbi sakamna.

Kulki Kaikanka 16:5

bara Coré nina blablikra nani ra sin win: —Yauhka titan ra Dawan mita mamrikbia yamna witin ai uplika sa bara yamna sin sunukira sakan ba, witin nani ai lukanka yamni diara bri sal yabaia. Yamna witin mita bâk sakan ba kaikma, baha nani baman ai mawanra balbia altar ra.

Kulki Kaikanka 6:27

“Bamna witin nani baku yang nini ba Israel luhpia nani purara aisabia, bara yang mita yamniki ba yamna.”

Matiu 24:24

Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia.

Matiu 28:19

Bamna man nani nisan sut uplika nani ra was, bara yang disaipilki nani dauki banhs; tahbi dauki banhs, Aisa ba nina ra, Luhpia ba nina ra, bara Spirit Holikira ba nina ra sin.

Matiu 7:23

Sakuna yang mita pana witin nani ra wimna: ‘Yang bui man nani ra mai kaikras pali katna; ¡diara saura baman dadaukra nani, maiwan wina taki was!’

Matiu 7:25

Lî ba auhan, awala nani ra lisamra dingkan bara pâsa nani ba watla ra karna prukan, sakuna sip batakras kan, ai playa ba walpa purara bapan kan bamna.

Mark 12:16

Witin nani sal yaban, bara Jisas baha ra kaiki, witin nani ra makabi walan: —¿Naha mawan lilka na, ya dukia, bara nahara nina ulban na ya nina sa? Witin nani pana win: —Rom wihtka dukia sa.

Mark 13:22

Bamna kuninkira nani ba Misaya baku balbia, prapit baku sin, bara sain tara nani, diara aihka nani sin upla nani ra kunin munaia wisi, daukbia; bara sip kabia kaka, Gâd pali pliki sakan nani ra ban kunin munbia.

Luk 13:27

Sakuna witin pana mai wibia: ‘Pat mai wîri, man nani ba ani wina sma sapa yang mai kaikras. ¡Yang maiwan wina taki was, man nani saurakira nani!’

Luk 6:48

baha ba lika waitna kumi ai watla mâkan baku sa, witinka ai watla playa ba kasak pakni salhkan bara walpa purara bapan. Lisamra ba dingkan, lî ba baha watla ra karna prukan, sakuna sip batakras kan, ai watla playa ba walpa ra kasak bapan kata bamna.

Jan 10:14

“Yang sika Sepad yamni ba. Aisiki mita ai kakaira ba baku, yang mita sin Aisiki ba kakaira pali sni, bara baha sim natka ra, yang na sîpki nani mita sin ai kakaira ba baku. Bara sîpki nani ba tâwan yang rayaki ba yaia wilin sni.

Jan 13:18

“Man nani sut dukiamra lika aisaras sna, kan yang kaikisna ani uplika nani ba bâk saki briri ba. Ban sakuna, Ulbanka dîa aisi ba sut aimakaia sa: ‘Yang wal plun pi ba maipara buan sa.’

Jan 3:33

Sakuna ani uplika kasak lukisa kaka, witin param marikisa Gâd bui dîa aisi ba kasak pali sa;

Apastil Nani Sturka 11:26

Witin nani bahara serts uplika nani ba wal takaskan mani kum, ban upla nani ra sin smalki kan. Bamna Antíoco ra sika pas lalukra nani nina kristian nani mâkan ba.

Apastil Nani Sturka 15:17

Upla wala nani sut Dawan plikbia ba mata, bara nisan wala nani sut purara yang nini ra mâkan sin.

Apastil Nani Sturka 9:14

Bara nanara witin Damaskus ra aula kan, prîs tara nani wina karnika brih, baha nani man ninam ra ai pura suni nani ba alki priski silak ra brih waia.”

Roman 11:2

Kan tâ wina Gâd bui Israel luhpia nani ba ai uplika baku kaikan, bara nanara baha nani ba sip lulkbia apia. ¿Kaikras sma ki man nani, Ulbanka ra prapit Ilayas aisi ba, witinka mita Gâd ra ai pura sunra bâk Israel luhpia nani dahra sakan ba? Witin naku win:

Roman 12:9

Latwan kaiks kasak tânka ra wal pana pana. Saura lâka ba misbara kaiks, kuna diara pain ba nina blîks.

Roman 15:20

Baku sika trai kaikri swaki sakan lâka sturka ba smalkaia, Kraist nina kau walras pliska nani ra, upla wala mita pat playa kum bapan purara utla paskamnara sîa.

Roman 15:9

Kraist sin balan Ju apia uplika nani sin Gâd ra mayunaia ai kupia pihni ba mita, Ulbanka wi ba baku: “Baha mita Ju apia uplika nani tilara dimi mamyunamni, lawana nani sin man ninam ra aiwanamni.”

Roman 8:28

Bamna yawan kaikisa, diara sut Gâd mita mangki ba lika witin ra latwan kaiki nani ba hilpka pali sa, baha nani Gâd ai kupia lâka kat luki si paiwan ba.

Roman 9:11

sakuna baha tuktika waitna wâl ba kau aisubi takras kan, bara witin nani mita diara pain, apia kaka diara saura sin kau daukras kan ba ra, Gâd bui Rebeca ra win: “Luhpiam almuk ba ai muihni sirpi ba dukia daukbia.” Naha na sin Ulbanka dîa aisi ba kat sa: “Jekob ra latwan kaikri, kuna Isau ra lika misbara kaikri.” Bamna Gâd mita ani ba bâk saki briaia kan ba baha kat ban swin, ai kupia brinka ba kat, yaura witin mita paiwaia luki ba, dîa dîa witin nani daukan ba kulkras pali.

1 Korint 1:2

Korint tawanka ra wan muihni nani, Gâd sertska uplika nani ba ra ulbisna, witinka nani Kraist Jisas wal asla ba mita Gâd uplika holi takan ba. Gâd bui man nani ba holikira nani kaia mai paiwan sa, ani anira wan Dawan Jisas Kraist nina mâki, witin ra wini uplika nani ba aikuki, witinka lika baha nani Dawanka bara yawan Dawanka sin ba.

1 Korint 8:3

Sakuna ani uplika Gâd ra latwan kaiki ba, Gâd mita witin ra kaikisa.

2 Korint 7:1

Baku bamna, muihki laitwankira nani, naha sika pramiska nani yang nani brisna ba. Bamna wan wîna bara wan spiritka sut ba tâski âpu klin bri kap; bara Gâd sibrinka ra, yawan na aiska holikira takaia sa.

Galesha 4:9

Sakuna nanara Gâd kakaira takram na ra, apia kaka kau param wiaia, Gâd sin man nani mai kakaira takan na ra, ¿nahki baha karnika swapni bara umpira nani kata ba ra kli tawi alkma, baha nani albika kli takaia wisi?

Epesus 2:20

Man nani ba utla kumi baku apastil nani bara prapit nani playa bapan ba purara mai paskan sa, bamna Jisas Kraist pali sika baha playa bapan walpaya kau tara ba.

Epesus 3:15

witinka ba wina upla sut kiamka ba ai nina brisa, kasbrika purara bara naha tasba ra sin.

Epesus 4:30

Gâd Spiritka Holikira ba sarka paskpara, kan man nani aihka saki mai muni baha sim Spiritka Holikira ni, Gâd dukia kaia wisi sîl mai mangkan sa, aiska mai swaki sakan kaia yua witin maikbia ba kat.

1 Timoti 3:15

yang na kau takaskamna kaka, kaiki kama yawan na Gâd uplika nani tilara nahki daukaia ba, baha sika Gâd rayakira sertska ba, bara baha sertska mita sika kasak tânka ba tâ baikisa bara kaina kahbisa.

1 Timoti 6:19

Baku lika witin nani ai kaina dukiara yuya nani suni bri kabia, sim walpa bapan kum baku. Bara witin nani sip kabia raya ban kaia bara kasakkira ba win takaia.

Hibru Nani 11:10

Kan Ebraham ba baha tawanka playa bapanka nani karna bri ba bîla kaiki kan, baha tawanka mâmakra ba bara papaskra ba sika Gâd.

2 Pita 3:14

Baha mita, muihki laitwankira nani, naha diara nani bîla kaikisma ba ra, dîa sip sma ba kat trai kaiki bas; bara Gâd bui man nani mai kaikbia ba ra, kupia kumi, tâski âpu bara pâtkas nani kama.

1 Jan 2:19

Witin nani ba lika yawan wan tila wina takan sakuna kasak pali mai wisna, baha nani ba yawan nani wina apia sa, kan yawan wina kata, witin nani yawan wal ban kaia kan. Sakuna baha ba baku ban takan, upla nani mita param kaikbia dukiara, baha nani ba kasak pali yawan wan tila na wina apia sa.

Param Marikanka 17:8

Bara daiwra saura kaikram ba lika pas piua raya iwi kan, sakuna nanara âpu sa; ban sakuna, witin ba tihu tara ba wina uli balbia ai pruanka tnata pali ba ra waia kainara. Tasba ra iwi uplika nani, tasba paskan wina kau ai nina nani raya kaia wauhkataya ra ulbi mangkras ba, daiwan saura na kaikbia ba ra, aihka pali lukbia. Kan baha ba kanra raya kata, bara nanara lika âpu sa, sakuna witin kli balbia.

Param Marikanka 2:13

Yang kaikisna, man ba Sitan king aimaki pliska ra iwisma, sakuna man lika yang tâiwan kasak pali ban sma. Antipas mita, yang witniski kasakkira ba, man nani tilamra Sitan iwi pliska ra ikan piua ra, man lika yang ra ban kasak luki kapram.

Param Marikanka 21:14

Tawanka walpaya kutbanka ba walpa 12 purara bapan kan, bara baha nani purara Sîp Luhpia apastil 12 nani nina ba ulban kata.

Param Marikanka 22:4

Witin nani pana pana ai mawan kaikbia, bara witin nina ba ai lal purara ulban kabia.

Param Marikanka 3:8

Dîa daukisma ba sut yang kaikisna; kaiks mamwanra dur kwâkan kum mangkri sa, bara baha ba upla kumi mita sin sip prakras sa; man karnika wiria man brisma, sakuna yang bîli ban wali kapram ba ra, yang ai kulkaia apia wiras kapram.