2 Timoti 2:16 - DAWAN BÎLA AISKA

¹⁶ Tasba lâka, bîla bahki nani bara tânkas nani ba wina tnaya ra taws, kan bahmuna dukia aisi uplika nani ba, Gâd wina kau kau laihura takisa.

2 Timoti 2:16 ပူးပေါင်းရင်းမြစ်များ

Esdras 10:10

Bara prîs Esdras witin nani mawanra buan bara win: —Man nani saura daukram, Israel mairka briras mairin tringsar mayam bri banhram ba mita, baku Israel pâtka ba kau tara daukisma.

Oseas 12:1

Efraín ba, pâsa pih ai biara banhwisa: yu aiska, lalma payaska krawi ba ninara auya. Kunin aisi ba kau aisaia, lâ krikanka nani dauki ba kau daukaia lan takisa. Asiria wal lâ nani daukisa ba ra, batana laya prisantka nani, Idsip ra blikisa.”

1 Korint 15:33

Man nani mamwahkpara. Aisanka kum aisi ba baku: “Wan pânika saura nani mita wan lâka pain nani ba sauhkisa.”

1 Korint 5:6

Man nani diara daukisma na kalwi banhwaia apia sma. Sturi aisinka kum naku wi ba man nani kaikisma: “Îs wiria baman plawar akban aiska ba yan puskisa.”

1 Timoti 1:9

Wan kupia kraukaia sa, lâ ba upla yamni nani dukia wisi daukras sa; lâ ba lika mangkan sa, kiamapara nani ra klala yaia, bîla wali daukras nani ra, watawi dadaukra nani ra, saura dadaukra nani, Gâd ra kulkras nani ra, kristian lâka sin kulkras nani ba, ai aisa ra, apia kaka ai yaptika ra iki uplika nani ra, upla âikra nani sut,

1 Timoti 4:7

Sakuna tasba uplika sturka tânkas nani ba bîla walpara. Man wînam ba wark yabi bas, Gâd ra luki kaia ba dukiara.

1 Timoti 6:20

Timoti, dîa mihtam ra mangkan ba pain main kaiks. Tasba lâka bîla nani, bahki baman ba, tanis bara sins lâka wi ba, sakuna kunin aisi ba, man bîla walpara.

2 Timoti 2:14

Uplikam nani ra naha na kupia krauks, bara Gâd mawanra sin karna smalki wis, bîla nani dukiara unsabiara. Naha blahwanka nani lika bahki baman sa, wali uplika nani ra sauhkaia baman.

2 Timoti 2:21

Bâk sakan ra yus munaia dukia ba, Dawan mapa ra diara pain bara sunu kaia sa, yawan nani kumi bani ba klin kaia sa, saurka sut wina; baku lika diara pain baku ridi kabia wark yamni sut ra.

2 Timoti 3:13

sakuna upla saura nani bara upla ra kunin mamunra nani ba, ban kau saura taki kabia, bara upla ra kunin muni nani kabia, bara panaura sin upla nani mita kunin muni kabia.

Taitus 1:11

Baha nani bîla ba prakaia sa, kan witin nani mita diara smalkaia apia ba smalki, watla bîla aiska nani kupia aihka lakisa; ai swira sin âpu lalah nahki briaia dukiara baman luki banhwisa.

Taitus 1:14

bara Ju nani kisi sturka nani aisi nani ba, bîla walbiara, kasak lâka ra bahki kulki uplika nani lâ nani yabi ba sin alki bribiara.

Taitus 3:9

Sakuna blahwanka tanis nani, wan almukka nani sturka yari nani ba, Moses lâka tânka, unsaban nani bara aiklabanka nani ba, man lamara wapara. Baha diara nani ba bahki bara tânkas nani sa.

Hibru Nani 12:15

Man nani damra wali bas, upla kumi sin Gâd yamnika lâka ba wina ai ninara tawbiara sîa. Damra wali bas, man nani wina kumi sin dus tahpla kum pâwi ai puisinka ni upla ailal ra trabil muni ba baku kabiara.

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.

2 Pita 2:2

Upla ailal witin nani daukanka saura nani ba nina blîkbia, bara witin nani tâka mita, kasakka lâka yabalka ba dukiara saura aisabia.

Param Marikanka 13:14

Bara baha sainka nani daiwan saura pas kata ba mawanra yan dauki kan bâk, tasba ra iwi uplika nani ra kunin munan, bara witin nani ra adar yan baha daiwra saura ba sord ni klakan sakuna ban raya kaia sip kan ba, lilka kum daukaia.

Param Marikanka 13:3

Daiwra tringsar, lal kumi ra insauhkan kum bri kan pruaia praiska; sakuna insauhkanka ba rakan, bara tasba aiska ba tâ iwan, bara daiwra tringsar ba nina blikan.