2 Timoti 2:1 - DAWAN BÎLA AISKA

¹ Bara man, luhpi, yawan na Kraist Jisas wal asla ba mita yamnika bri ba wina karnika bris.

2 Timoti 2:1 ပူးပေါင်းရင်းမြစ်များ

Hageo 2:4

¡Zorobabel, waitna bas! ¡Jasua prîs nani wihtka sma ba, waitna bas! Juda uplika man nani sut sin lukankam karna bris. ¡Wark taks, kan yang lika man nani wal sna! Karnika sut brisna Dawanka, yang aisisni.

1 Korint 16:13

Man nani aihwaki bas, bara kasak lukan lâka ra bapi bûi banhwi bas. Waitna bas. Karnakira nani bas.

Epesus 6:10

Bara nanara, muihki nani, karna bas Dawan asla lâka ra, witinka karnika tara pali bri ba wal.

Pilipai 4:13

Diara sut mapara karnika brisni, Kraist mita karnika aiki ba mita.

1 Timoti 1:18

Luhpi Timoti, naha lâka na man mihtam ra mangkisna, kasak lukan lâka wal bara sinskam pain brih, aiklabanka yamni ba aiklama, wan muihni nani Gâd nina brih, patitara man dukiamra aisi banhwan ba kat. Upla tila ba, ai kupia dara lukra ra bîla wali daukras ba mita, ai kasak lukan lâka ba sauhki tikan sa.

1 Timoti 1:2

Timoti, man kasak lukan lâka mapa ra luhpi kasak pali sma ba, naha wauhkataya mai ulbisna. Gâd wan Aisa bara Jisas Kraist wan Dawan ba mita man ra ai yamnika maikbia, umpira kaikan lâka bara kupia kumi lâka sin.

2 Timoti 1:1

Yang Pal, Jisas Kraist apastilka sna, Gâd kupia lâka ai blikan uplika, Dawan Kraist Jisas wal asla lâka ra, rayaka bri kaia pramiska wankan ba, yang aisi smalkamna dukiara.

2 Timoti 1:2

Luhpi laitwankira Timoti, naha wauhkataya mai ulbisna. Gâd Aisa bara wan Dawan Jisas Kraist wal mita, ai kupia yamnika lâka, umpira kaikan lâka bara kupia kumi lâka sin man puramra laikbia.

2 Timoti 1:7

Kan Gâd mita si briaia spiritka lika wankras sa; sakuna, ai Spiritka ba mita karnika tara wankisa, latwan lâka bara wan sinska yamni bri kaia ba sin.

2 Timoti 2:10

Baha mita sika, yang diara sut mapara ban bapi buisni, Gâd mita bâk saki brin uplika nani painka dukiara, bara baku mika ban kaia ra swaki sakan lâka pranakira yawan Kraist Jisas wal asla mita bri ba, witin nani sin alki banhbia dukiara.

2 Timoti 4:17

Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan,

Jasua 1:7

Diara kumi baman yang bui man ra mamkabisna ba man daukaia sma, kupiam karna pali bri bapi bûi kama, naipakan Moses lâ nani daukaia maikan ba sut dauks. Lâka nani daukaia maikan ba, kumi sin daukras swipara; sakuna titikbi dauks, baku man bui diara sut daukisma ba yamni baman takbia.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.