2 Timoti 1:8 - DAWAN BÎLA AISKA

⁸ Bamna, wan Dawan witniska takaia man swiram yapara; witin tâwan yang silak ra sna na dukira sin, swiram lukpara. Ban sakuna, sturi yamni ba tâwan pât nani wahwaia ba, man sin dukiam bris, Gâd mita karnika maiki ba kat.

2 Timoti 1:8 ပူးပေါင်းရင်းမြစ်များ

Lawana Nani 119:46

Bara man lâmka bîla nani ba, king nani mawanra aisamni bara yang swiri brimna apia.

Lawana Nani 19:7

Dawan lâka smalkanka ba kasak yamni pali sa, kan rayaka raya yabisa. Dawan adarka bîla ba kasak ban buisa, ai dahra yamni walras nani ba, sinskira daukisa.

Aiseya 51:7

“Yang ra ai wals, man nani kasakka lâka kakaira sma ba, upliki nani lâika nani bîla kaikanka brisma ba. Swappara witin nani saura mai wi ba dukiara,

Aiseya 8:20

dîa daukaia bara dîa aisaia bîla kum wan wibia ba walaia?” Âu, witin nani baku aisabia sika, sakuna tanis lâka kabia.

Mark 8:38

Ya ya yang dukira, smalkanki yamni ba dukiara sin, naha piua uplika lukras bara saura nani na mawanra ai swira lukbia kaka, Upla Luhpia Waitna sna na sin, witin nani dukiara swiri lukamna, Aisiki prana ra insal holikira nani aikuki balamna piua ra.

Luk 9:26

Kan ani uplika yang dukira, smalkanki nani ba baha dukiara ai swira lukbia kaka, Upla Luhpia Waitna ba mita sin witin dukiara swiri lukamna, king baku Aisiki prana wal bara insal holikira nani kira balamna piua ra.

Jan 15:27

Bamna man nani sin yang dukira witnis aisama, kan man nani lika tâ pali piua wina yang wal kapram.

Jan 19:35

Baha uplika naha sturka aisi ba lika, witin pali mita ai nakra ni kaikan, bara diara kasak ba aisisa; bamna witin ai dara pain walisa, dîa aisi ba lika kasak sa; bara baku mika man nani sin kasak lukma.

Apastil Nani Sturka 5:41

Apastil nani lika lâ wihtka nani mawan wina liliakira pali taki wan, kan Gâd mita adar yan kata, witin nani ba Jisas nina tâwan swira bara pât wahwaia sin.

Roman 1:16

Sturi yamni smalkanka ba dukiara yang swiri lukras sna, kan baha ba Gâd karnika sa swaki sakaia ya ya kasak lukbia ba, tâura Ju nani ra, bara Ju apia nani ra sin.

Roman 16:25

Bara nanara, Gâd ra mayunpi, witinka sip pali ba man nani karnakira mai daukaia, dîa yang swaki sakan lâka bara Jisas Kraist tânka sin mai smalkisna ba baku. Naha tânka na lika Gâd kau tasba paskras kan piua wina, diara yukuki bri kata ba nanara param sakan ba sika,

Roman 8:36

Ulbanka ra naku aisisa: “Man nani tâmwan yu aiska pali prura mihta ra ai mangkan sa; sîp nani ra ikaia watla ra brih auya ba baku.”

Roman 9:33

Ulbanka ba ra dîa aisi ba: “Yang bui walpa tara kum Saion ra mangkuna, walpa kum bahara witin nani ai mina prukaia; ya bahara kasak lukbia ba, ai lukanka ba kunin munbia apia.”

1 Korint 1:6

Baku bamna, Kraist dahra aisin kata ba, man nani mampa ra kasak aihwa takan sa.

2 Korint 6:7

diara kasak pali dukiara smalkanka yabi banhwisna ba bui bara Gâd karnika ba mita sin. Aiklabaia dukia wapni pali ba yus muni banhwisna, wan dukiara aiklabi pura luaia ba dukiara bara wan mapara aiklabaia aula ba mapara sin.

Epesus 3:1

Naha tâwan, yang Pal, Kraist Jisas tâwan silak ra sna, man nani Ju apia nani mampa ra pain kaia ba dukiara.

Epesus 3:13

Baha mita, mamkabisna man nani swapni nani kama apia, yang na man nani dukiamra pât wahwisna ba tâwan, kan naha na man nani mampa ra prana kum sa.

Epesus 4:1

Baha mita, yang Dawan warkka ba tâwan silak ra sna ba, man nani ra mamkabisna, Dawan mita mai paiwan tânka kat iwi kama, sim piua luan ra nahki kapram ba baku.

Epesus 4:17

Bamna Dawan nina ra, yang naha na taibi pali mai wisna: man nani kli Dawan ra tawras uplika nani baku raya iwi kapara, kan baha nani lika gâdkas nani ba tânka kat baman taukisa,

Pilipai 1:7

Aitani pali sa man nani sut dukiamra baku lukamna, uya latwan mai kaikisna bamna, bara yang wal sin asla yamnika nani brisma, silak watla ra kamna kra, wihta nani mawanra sturi yamni ba tâwan kasak pali wisi wih aisi kamna kra sin.

Pilipai 3:10

Yang want sna ba lika Kraist ra kakaira kaia, bara yang wîni ra sin witin pruan wina buan karnika ba bri kaia, ai pâtka wahwan nani ba sin witin wal yang asla wahwaia, bara ban sin witin pruan baku pruaia,

Pilipai 4:13

Diara sut mapara karnika brisni, Kraist mita karnika aiki ba mita.

Kolosi 1:11

Yang nani Gâd ra makabisna, witin ai karnika pranakira ba ni man nani sut karnakira mai sâkbia, baku mika diara sut ra liliakira bapi bûi, wihka sin bîla kaiki kama.

Kolosi 1:24

Bamna nanara lilia sna, man nani tâmwan pât wahwisna ba, kan naha natka bâk, yang wîni tara ra kaikisna Kraist pât wahwanka nani kau âpu ba ai sertska dukiara, witin ai wîna tara ba.

1 Tesalonaika 3:4

Kan yang nani kau man nani tilamra katna ba ra, yawan sari nani wahwaia ba latan mai wîri; bara baha ba baku takan, bara man nani pain kaikisma.

1 Timoti 2:6

Jisas Kraist ai wîna tara ba prura mihta ra mangkan, upla sut swaki sakan kaia ba mana aibapaia dukiara; bara naha na ai piua aimakan kat latan marikan kata.

2 Timoti 1:10

sakuna nanara wan Sasakra Jisas Kraist balan ba mita, naha latwanka lâka na latan marikan sa. Kraist bui prura karnika ba sauhki tikan, bara sturi yamni bâk, sip sauhki tikras rayaka ba witin param marikan.

2 Timoti 1:12

Baha mita sika, yang naha pâtka nani wahwisna ba. Sakuna yang swiri lukras, kan pain kaikisna yaura kat kasak lukri ba, bara kasak pali lukisni, witin ba karnika brisa, dîa yang mihti ra mangkan ba, pain suni bri kaia, baha yua ba kat.

2 Timoti 1:16

Dawan Onesíforo watla uplika ba ai yamnika yabia, kan witin aima manis hilp aikan, bara yang silak ra sna ba dukiara sin ai swira lukras kata.

2 Timoti 2:3

Bamna man lika, pât nani wahwi bas, Jisas Kraist suldiarka pain kum baku.

2 Timoti 2:8

Jisas Kraist pruan wina kli buan ba kupiam krauki bas, witinka king Debit kiamka wina kan ba. Naha sika yang mita aisi smalkisna swaki sakan sturka yamni ba.

2 Timoti 2:9

Naha sturka yamni tâwan, yang pât nani wahwisna, bara ban sin lâ sasauhkra kum baku sîn ni ai priski ai brisa; sakuna Gâd bîla yamni ba lika sîn ni priskras sa.

2 Timoti 4:17

Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan,

2 Timoti 4:5

Sakuna man lika sinskam ba ban yamni bri bas, pât nani wahwi bas, swaki sakan sturka yamni aisi smalkaia warkka ba dauki bas, napakan warkka brisma ba sin pain pali dauks.

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.

1 Jan 4:14

Yawan pali mita baha ba kaikan, bara param aisi wisa: Aisa ba kasak ai Luhpia blikan, naha tasba ra iwi uplika nani ba swaki sakaia.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.

Param Marikanka 1:2

Diara nani Gâd bîla aisaia dukiara, Jisas Kraist mita marikan witin kaikan ba sut witniska ba kasak aisin.

Param Marikanka 1:9

Yang Jan, man nani muihkam sna, bara man nani wal aikuki asla sna pât wahwan nani mapa ra, Gâd King aimaki ba lâka ra, bara ban bapi buaia lâka Jisas Kraist mita wanki ba ra sin. Kî dakura kum nina Patmos wi ba ra lulki ai swin kan, Gâd sturka yamni aisi smalkri ba tâwan, bara Jisas Kraist witniska aisari ba tâwan sin.

Param Marikanka 12:11

Wan muihni nani witin pura luan sa Sîp Luhpia ba ai tâlia laikan ba mita, diara kasak kat witniska aisi ba mita sin; kan witin nani ai rayaka ba tikaia sibrin âpu, sakuna pruaia lika wilin nani kan.

Param Marikanka 19:10

Yang insal ba mina kat kauhri, puri suni mayunaia wîri, sakuna witin mita ai win: “Man baku daukpara; kan yang na Gâd dukia dadaukra kum sna, sim man bara muihkam nani baku, Jisas sturka yamni kat kasak lukisma ba baku. Gâd ra puram suni mayuns.” Kan Gâd prapitka nani ba lika, Jisas sturka yamni witniska nani sika.