2 Tesalonaika 3:16 - DAWAN BÎLA AISKA

¹⁶ Bara kupia kumi lâka Dawanka ba mita, piu bani kupia kumi lâka natka sât sât ra maikbia. Dawan ba man nani sut aikuki kabia.

2 Tesalonaika 3:16 ပူးပေါင်းရင်းမြစ်များ

Lawana Nani 29:11

Dawan lika ai uplika nani ra karnika yabisa; Dawan lika ai uplika nani ra kupia kumi lâka ni yamni munisa.

Lawana Nani 46:11

¡Dawan karnika sut bri ba yawan nani wal sa! ¡Jekob Dawanka, yawan yukuwaika sa!

Lawana Nani 46:7

¡Dawan karnika sut pali bri yawan nani wal sa! ¡Jekob Gâdka ba yawan yukuwaika sa!

Lawana Nani 72:3

Unta tara nani bara il sirpi nani ba wal, kupia kumi bara wapni kaia lâka uplikam nani ra yabi banhs.

Lawana Nani 72:7

Kupia kumi lâka bara wapni kaia lâka, king aimaki piua nani ba sut ra, kati ba kasbrika purara âpu takbia ba kat ban kabia.

Aiseya 26:12

Dawan, man bui yawan ra wan kupia kumi lâka ba wankma; kan man sika yawan wan warkka nani sut daukisma.

Aiseya 45:7

Ingni ba daukisna bara tihmia tara nani ba sin, kupia kumi lâka daukisna bara mapara buanka ba sin. Yang Dawan, yang naha diara nani sut ba daukisna ba.

Aiseya 54:10

Ban kra il nani ba, ai pliska wala ra tawbia kra bara kiuhsi nani ba tasba ra kauhbia kra, yang latwanki ba lika man dukiamra aihka lakamna apia, baku sin tasba ra kauhbia apia sa, yang lâ daukri kupia kumi lâka ba.” Dawan umpira mai kaiki ba baku wisa.

Aiseya 66:12

Kan yang Dawan sna ba, naku wisni: Yang bui witin ai purara kupia kumi lâka durka ba sakamna, awala kum baku, bara nisan nani dukia kukan ba, lî kârma nani iswi taki ba baku takbia. Bara man nani baha tialka laya ba dima, witin ai klahkla nani ra mai twilkbia, ai kuhma purara sin mai klâkan kabia.

Aiseya 8:10

Daukaia luki ba lilka dauks, kan baha ba sauhki tikan kabia; dîa lâka upla wala ra kabia want ba kat daukbia apia, kan Gâd ba yawan nani wal sa bamna.

Hageo 2:9

Tempel raya na kau pranakira kabia, almuk kata ba wal. Bara naha tasbaya ra kupia kumi lâka briaia daukamni. Karnika sut brisna Dawanka, yang kasak aisisna.”

Sakaraya 6:13

Dawan tempelka ba witin kli mâkbia, bara king kum ra kulkanka lâka yabi nani ba bribia. Witin ai iwaika ra iwbia bara tâura wihta aimaki kabia, bara prîs ba sin ai iwaika lamara iwbia, bara wal ai lukanka kumi laman lâka ra iwbia.

Kulki Kaikanka 6:26

Dawan latwan mai kaikbia, bara kupia kumi lâka sin maikbia.”

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Luk 2:14

“¡Gâd ra mayunan kabia laih purara! ¡Kupia kumi lâka tasba ra, witin mita yamni kaiki uplika nani tilara!”

Jan 14:27

“Man nani wina dakwi takuna kupia kumi lâka ra. Kupi kumi lâka man nani ra maikisni, sakuna tasba uplika nani kupia kumi lâka yabi ba sât lika apia. Man nani kupiam trabil bripara bara sibrin kapara.

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Roman 1:7

Bahamna man nani Rom ra iwi banhwisma ba sut ra mai ulbisni, Gâd latwan kaiki mai paiwan ba, witin bui ai uplika holikira kaia dukiara. Gâd wan Aisa bara Dawan Jisas Kraist mita yamni mai munbia bara kupia kumi lâka sin maikbia.

Roman 15:33

Kupia kumi Gâdka ba, man nani sut wal kabia. Baku kabia.

Roman 16:20

Bara naika pali kupia kumi Gâdka mita man nani minam mununhtara Sitan ba taibia. Bamna wan Dawan Jisas Kraist mita yamni mai munbia.

1 Korint 14:33

kan Gâd ba kupia kumi lâka Gâdka sa, tanis turban lâka Gâdka lika apia. Gâd uplika nani asla takanka sut ra dauki natka ba baku,

2 Korint 13:11

Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

Epesus 6:23

Bamna Gâd Aisa bara Dawan Jisas Kraist mita, wan muihni nani ra kupia kumi lâka bara latwan lâka yabia, kasak lukan lâka ba wal;

1 Tesalonaika 3:11

Gâd wan Aisa pali, bara wan Dawan Jisas Kraist wal mita, yang nani ra hilp ai munbia man nani wih mai kaikamna dukiara.

1 Tesalonaika 5:23

Gâd pali mita, witinka kupia kumi lâka wanki ba, man nani ba witin ai uplika pali mai daukbia, bara spiritkam, sulkam bara wînam tara ba sin tâski âpu yamni bri kabia, wan Dawan Jisas Kraist balaia ba dukiara.

2 Tesalonaika 3:18

Wan Dawan Jisas Kraist, man nani sut puramra yamni mai munbia.

2 Timoti 4:22

Dawan Jisas Kraist man wal kabia, bara Gâd mita man nani sut ra yamnika maikbia. Baku kabia.

Pilimon 1:25

Wan Dawan Jisas Kraist man nani ra yamni mai munbia.

Hibru Nani 13:20

Gâd mita wan Dawan Jisas Kraist ba pruan wina kli bukan sa, witinka ba ai tâlia ni ban kaia lâka ba karna saki, sîp nani Sepadka Wihta takan ba.

Hibru Nani 7:2

Ebraham mita war aiklabi diara nani dakbi brin ba matawalsip bani wina kumi ba, witin ra yan. Melkisedek nina tânka pas ba lika “king kasakkira”; bara witin Salem kingka kan ba mita, ai nina tânka ba sin “kupia kumi lâka kingka”. Salem tânka ba “kupia kumi lâka” sa.

Wihta Nani 6:24

Bara Gedeón baha tasbaya ra altar kumi paskan, bara Dawan ra pain kulkan lâka yabaia bahara ai pura sunan, bara altar nina ba ‘‘Dawan ba kupia kumi lâka’’ mâkan. Naha altarka ba naiwa kat Ofrá ra kau ban bâra sa, baha lika Abiézer masraka nani tawanka tara ba.

Rut 2:4

Bara Booz lika Betlehem wina insla ra wan, bara mâ kriki uplika nani ra lakula win: —¡Dawan ba man nani wal kabia! Bara witin nani pana witin ra win: —¡Dawan ai yamnika maikbia!

1 Samuil 17:37

Layan bara wingku tara nani asmala wina Dawan ai dakbi pri ai sakan ba, baku sin baha filisteo mihta wina ai dakbi pri ai sâkbia. Bara Saúl bila win: —Ban kaka, was, Dawan ba man wal wabia.

1 Samuil 20:13

sakuna papiki saura mai munaia lukisa kaka, Dawan bui yang ra klala karna aikbia maisam paki hilp mai munrika âmyapah plapi swak takras sma kaka. ¡Bara sin Dawan hilp mai munbia, papiki ra hilp munan ba baku!