2 Tesalonaika 3:15 - DAWAN BÎLA AISKA

¹⁵ Bara witinka ba, waihlam baku kulkpara, sakuna muihkam baku lâ yabi bas.

2 Tesalonaika 3:15 ပူးပေါင်းရင်းမြစ်များ

Lawana Nani 141:5

Upla kasakkira klala aikbia kaka, kupia pihni lâka kabia, bara lawi ai daukbia kaka sin isint kîa kum baku kabia. Baha sut bahki lulki swimna apia; yang ra ai prukbia sin ban puri suni kamna.

Sins Lâka 25:12

Gul kau pain ba ni mihtadingka kum, lilura kum daukan ba baku sa, sinskira wan kupia kraukaia smalkan bîla ba, upla kum baha alki briaia tânka bri ba.

Sins Lâka 9:9

Sinskira ra diara yas, bara witin kau sinskira takbia; upla pain ra diara smalks, bara witin kau aiska sinskira takbia.

Matiu 18:15

“Muihkam mita mampara saura yabia kaka, wal mânkam aisi, ai saurka ba latan mariks. Bîlam walbia kaka, muihkam ba pat kupia alkram sa.

1 Korint 4:14

Man nani swiram dauki baku lika naha na mai ulbras, sakuna kupia kraukanka kum maikaia dukiara, luhpi laitwankira nani ra baku.

1 Korint 5:5

baha waitnika ba Sitan mihta ra mangkan kaia sa, ai wîna tara ba sauhki tikaia dukiara, bara ai spiritka ba lika Dawan Jisas balbia yua ra, swaki sakan kabia.

2 Korint 10:8

Bamna baha karnika yang nani ra aikan ba purara kau munisna kaka, dîa dukiara swiri lukaia tânka ba âpu sa; kan Kraist mita naha karnika na yang nani ra aikan, man nani ba kau maikrika pâwaia spirit lâka mapa ra, man nani sauhki mai tikaia lika apia.

2 Korint 13:10

Kau man nani ra waras sna ba ra naha wauhkataya ulbisni, baku mika yang wamna ba ra, lâika ba lâ karna baku mai alkan kabia apia, baha lâka wan Dawan aikan ba man nani ba spirit lâka mapa ra maikrika pâwaia, âpu mai daukaia dukiara lika apia.

Galesha 6:1

Muihki nani, upla kum saurka ra kauhan sa kaka, man nani spiritkira nani sma ba mita saura ba wapni dauks. Sakuna latwan lâka ra daukaia sa; bara kumi bani sin aman kaiki kaia sa, witin pali ra sin traika kaikan kabiara sîa.

1 Tesalonaika 5:14

Baku sin, muihki nani, yang nani mamkabisni, wark takan daukras nani ba ra lawi daukma, si brabrira nani ba tâ baikma, swapnikira nani ba hilp muni banhma, bara upla sut wal kupiam alki takaski bri bas.

2 Tesalonaika 3:13

Muihki nani, diara pain daukisma ba ra swappara.

2 Tesalonaika 3:6

Muihki nani, wan Dawan Jisas Kraist nina ra adar maiki banhwisna, ani uplika nani wark takan daukras ba wina tnaya ra tawma, witinka nani ra yang nani mita smalkanka yabri ba kat sip iwras ba.

Taitus 3:10

Upla kum mita serts ra dakwi takan lâka daukisa kaka, witin ba aima kumi, apia kaka aima wâl kupia krauks, bara bîlam walras sa kaka, kangbi sâks;