2 Tesalonaika 3:14 - DAWAN BÎLA AISKA

¹⁴ Ya ya naha wauhkataya ra ulbi wisna na bîla wali daukras kaka, uplika ba aman pali kaiki bas, bara witin wal bisnis âpu bas; baku witin ai swira bri kabia.

2 Tesalonaika 3:14 ပူးပေါင်းရင်းမြစ်များ

Esdras 9:6

naku aisi: “Yang Gâdki, yang Gâdki, yang kupi turban bara swiri lâka ra sna, nahki man ra mai wiaia sapa kaikras. Yang nani saurki ailal ba laila pura luan sa, baha purkara yang nani lâ kriki banhri pâtka ba kasbrika kat ulan sa.

Lawana Nani 83:16

¡Dawan, witin nani ra swira dauks, yarka witin nani man ra waia!

Sins Lâka 5:13

¡Walan ai daukras kan smasmalkriki nani ra, kiaima pri tniki walras kapri, dîa ai smalki nani ra,

Jirimaya 3:3

Baha mita sika lî auhaia piua ba bara lî sikwaia piua ba lî auhras kan. Man mamwan ba swiram âpu sa yabal mairka mawan baku sa; ¡man swiram bri kaia kapram!

Jirimaya 6:15

¡Witin nani ai swira briaia kan baha dukia nani witin nani dauki ba yang kau sip kupi alki takaskras sna ba dukiara! Sakuna apia, witin nani ai swira lukras. ¡Witin nani ai swira ba dîa sapa tânka sin briras takan! Baha mita, yang bui witin nani ra klala yabamna ba ra, witin nani ai mina pruki kauhbia wala nani kauhan ba baku. Yang, Dawan ba, aisisna.”

Sofonías 3:2

Witin ba Dawan bîla baikra ba walan daukras sa, ai saurka nani wina wapni takaia sin brin daukras sa, witin ra kasak lukras kan, ai Dawanka ra plikras kan.

Kulki Kaikanka 12:14

Dawan bui Moses ra pana aisin: “Âu, ai aisika mita ai mawanra yabalaya tuhban kata kaka, ¿yu matlalkahbi pura kumi baha dukiara ai swira luki kaia kan apia? Baha natka ra witin ba yu matlalkahbi pura kumi utla wina saki swin kabia, bara baha ningkara kli dakni ba tilara balbia.”

Matiu 18:17

Baha nani ra witin bîla walras kaka, serts ra dahra sâks; bara serts ra sin bîla walras kaka, baha uplika ba swis Gâd kakaira nani apia ba baku takbia, apia kaka Rom ra lal mana aibapaia saki ba baku kabia.

Roman 16:17

Bamna muihki nani, aman kaiki bas baha nani aihka dakwi takaia lâka bara mina prukaia lâka buki banhwi ba, kan baha uplika nani ba lika man nani dîa smalkanka lan takram ba mapara sa. Bamna witin nani wina aihka dakwi taks,

1 Korint 4:14

Man nani swiram dauki baku lika naha na mai ulbras, sakuna kupia kraukanka kum maikaia dukiara, luhpi laitwankira nani ra baku.

1 Korint 5:11

Yang wiaia lukri tânka ba lika naha: upla kum wan muihni wisa, sakuna tâski lâka daukisa, gridikira sa, aidul nani ra ai pura suni mayunisa, upla dusa kakuhbra sa, rum dadira sa, âimplikra kaka sin, witin wal taukpara. Bahmuna uplika wal iwi plun sin piaia apia sma.

1 Korint 5:9

Wauhtaya wala mai ulbatna ba ra man nani ra mai wîri, upla rugkira nani wal diara âpu banhwi kama.

2 Korint 10:6

bara ridi pali banhwisna bîla wali daukras nani ba sut klala yaia, man nani bîla wali dadaukra apia sma ba bîla wali dadaukra taki banhma ningkara.

2 Korint 2:9

Naha diara na tânka pat mai ulbri kata, bara baha lika man nani ba, yang smalkanki kat ban kaia banhwisma sapa tânkam pliki kaikisna.

2 Korint 7:15

Bara Taitus mita man nani ra kau uya pali latwan lukisa, kan dîa dîa witin makabi kan ba daukram, bara witin ba man nani tilamra briram bawikira bara sibrinkira.

Kli Smalkanka 16:12

Luki bas man nani sin Idsip ra alba kapram ba, lâ nani sut ba trai kaiks daukaia.

Pilipai 2:12

Baku bamna, muihki laitwankira nani, piu bani man nani wal kapri bara bîli kat wali dauki kapram ba baku, nanara laihura sna ba ra, kau bîli wali dauki banhwi bas. Ban Dawan warkka taki bas, bawikira lâka brih bara sibrinkira sin, swaki mai sakan lâka briaia dukiara;

Kolosi 4:16

Naha wauhkataya man nani tilamra aisi kaikan kabia ningkara, Leodisia sertska ra blîks witin nani mita sin aisi kaikbia; bara Leodisia wina wauhkataya brima ba ra sin, aisi kaiki bas.

1 Tesalonaika 4:8

Baku bamna, ya naha smalkanka nani bahki kulkisa kaka, upla kum ra lika bahki kulkras sa, sakuna Gâd ra sika, witinka pali ai Spiritka Holikira wankan ba.

2 Tesalonaika 3:6

Muihki nani, wan Dawan Jisas Kraist nina ra adar maiki banhwisna, ani uplika nani wark takan daukras ba wina tnaya ra tawma, witinka nani ra yang nani mita smalkanka yabri ba kat sip iwras ba.

Taitus 2:8

Bîla tânkira kat aisi bas, upla kumi sin baha mapara brukwaia apia bara baku mika waihlam nani ba ai swira takbia, kan witin nani ba yawan wan mapara, diara saura kumi sin aisaia âpu kabia.

Taitus 3:10

Upla kum mita serts ra dakwi takan lâka daukisa kaka, witin ba aima kumi, apia kaka aima wâl kupia krauks, bara bîlam walras sa kaka, kangbi sâks;

Pilimon 1:21

Naha man ra ulbisna, kan kasak lukisna kiamam lihni sa, bara dîa mamkabisna ba kau pura lui sin daukma.

Hibru Nani 13:17

Man nani tâm bri uplika nani ba bîla wals, bara ai adarka nani kat dauki bas. Witin nani sika ris âpu pali sulkam nani main kaiki ba, kan kaikisa ai warkka daukan ba tânka Gâd ra saki aisaia sa. Witin nani bîla walma kaka, ai warkka nani ba liliakira daukbia, sarikira lika apia; kan baku daukma kaka, baha ba man nani mampara hilp kumi sin apia kabia.

2 Jan 1:10

Ani uplika naha smalkanka brih man nani ra balras sa kaka, wamtla ra dingki bripara, bara lakula sin wipara;