2 Tesalonaika 3:1 - DAWAN BÎLA AISKA

¹ Tnata ra, muihki nani, yang nani maita puram suni bas, Dawan sturka yamni ba aihni pali plis plis ra wabia, bara baha ba yamni kulki bribia, man nani tilamra takan ba baku.

2 Tesalonaika 3:1 ပူးပေါင်းရင်းမြစ်များ

Lawana Nani 138:2

Man tempelkam tani luli kriki puri sunamni, tingki mai wiaia, man lamtwanka lâka ba bara kasakkam tânka dukiara. Man ninam bara bîlam aisinka ba diara sut purkara mangkram sa.

Matiu 9:38

Baha mita, insla dawanka ra makas, ai nasla dâkaia wark uplika nani blîkbia.

Luk 10:2

Bamna witin nani ra win: “Kasak pali mai wisna, insla mâ dakbaia ba uya sa, sakuna wark uplika nani ba lika wiria baman sa. Bamna wark Dawanka ra man nani makas, wark uplika nani ai nasla ra dakbaia blîkbia.

Apastil Nani Sturka 12:24

Sakuna Dawan sturka yamni ba lika kau ban tara pâwi kata, ban plis nani sut ra sin smalkan kan.

Apastil Nani Sturka 19:20

Baku sika Dawan sturka yamni ba kau aiska pali pâwi kan, ai karnika ba tânka sin mariki kan.

Apastil Nani Sturka 6:7

Dawan bîla ba kau pâwi kan, bara kristian nani sin kau ailal taki kan Jerusalem ra. Ban Ju prîska nani wina sin manis kasak lukan lâka ba alkan.

Roman 15:30

Muihki nani, yang bui man nani ra mamkabisna wan Dawan Jisas Kraist ba tânka bara Spirit wina latwan lâka wanki ba dukiara sin, aiklabanka ra yang wal asla taki kama, bara yang maita sin Dawan ra puram sunma.

1 Korint 16:9

Bahara yang maipa ra sans tara pain kum bâra sa, Dawan warkka pain pali daukaia dukiara, bara upla ailal baha mapara banhwi ba bâra sa.

2 Korint 1:11

man nani sin puram sunra bâk hilp wan muni kama kaka. Bara upla manis pura sunra bâk hilp wan munbia kaka, Gâd ai kupia yamni lâka wanki ba dukiara upla manis tingki wibia.

2 Korint 13:11

Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

Kolosi 4:3

Yang nani dukira sin puram suni bas, Dawan mita yang nani ra dur kum saki aikbia sturi yamni ba smalkaia; bara Kraist tânka prakan ba sin aisaia, kan naha sin dahra prakan tânka na dukiara silak ra ai brisa.

1 Tesalonaika 1:5

Kan yang nani mita swaki sakan sturka yamni ba mai smalkri ba ra, bîla nani wal baman apia kata, sakuna Spirit Holikira karnika wal bara kasak lukanka aihwa ni sin, naha sturka na kasak pali sa. Man nani pain kaikisma nahki tilamra iwi kapri ba, baha ba painkam dukiara kata.

1 Tesalonaika 1:8

Dawan sturka yamni ba, baku man nani mita smalki laihura blikram; bara Macedonia ra bara Acaya ra baman apia, kuna kasak lukankam lâka Gâd ra brisma sturka ba plis sut ra kaikisa. Baku bamna, yang nani diara kumi sin aisaia want apia sna.

1 Tesalonaika 2:1

Bamna muihki nani, pain kaikisma man nani ra wih mai kaikatna ba lika bahki baman apia kan.

1 Tesalonaika 2:13

Yang nani naha tâwan, piu sut Gâd ra tingki wisna. Gâd sturka yamni ba sal maikri ba ra, man nani walram bara alki briram; upla bîla baku lika briras katma, sakuna Gâd bîla baku mika. Bara kasak pali baha ba Gâd sturka yamni sika, bara man nani kasak lukisma ba tilamra baha ba wark daukisa.

1 Tesalonaika 4:1

Nanara, muihki nani, Dawan Jisas nina ra man nani ra mamkabisna bara sin kupiam kraukisna: man nani iwankam natka yamni ra yu bani kau pâwi kama, baha sika yang nani wina lan takram ba Gâd kupia lâka daukaia dukiara, bara pat baku dauki banhwisma ba.

1 Tesalonaika 5:17

Piu bani puram suni banhwi bas.

1 Tesalonaika 5:25

Muihki nani, yang nani dukira puram suni bas.

2 Timoti 2:9

Naha sturka yamni tâwan, yang pât nani wahwisna, bara ban sin lâ sasauhkra kum baku sîn ni ai priski ai brisa; sakuna Gâd bîla yamni ba lika sîn ni priskras sa.