2 Tesalonaika 2:9 - DAWAN BÎLA AISKA

⁹ Baha saurakira balaia ba lika, Sitan hilpka wal balbia, bara karnika tara wal balbia, sain nani, diara aihkakira kunin sâtka nani wal sin.

2 Tesalonaika 2:9 ပူးပေါင်းရင်းမြစ်များ

2 Kronikas 18:20

Bara spirit kum taki Dawan mawanra bûi, win witin mita baha ba daukaisa. Bara Dawan ba makabi walan baha ba nahki daukaia,

Impakan Sturka 7:22

Ban sakuna, Idsip sukika nani sin baku daukan, witin nani diara aihka daukaia sinska bri ba wal. Bahamna, king fero ai kupia ban kau karna dauki kan: Moses bara Eran wal aisi ba bahki pali kulki kan, Dawan mita witin nani ra win ba baku.

Impakan Sturka 8:18

Nanara sukia nani ba sim sât dauki, tairi nani sakaia trai munan, sakuna sip diara bal takras kan. Sakuna tairi nani ba upla daiwan nani ra sami iki lap tiki kan.

Impakan Sturka 8:7

Ban sakuna, Idsip sukika nani mita sin Eran daukata baku daukan, witin nani diara aihka daukaia sinska bri ba wal. Bara witin nani mita sin pikpik nani Idsip tasbaya purara bri balan.

Aiseya 29:10

Kan man nani puramra upaia spiritka laikan, man nani prapit nani ba sika namkra nani, sakuna Dawan mita lal purara kwala prakan.

Isikiel 14:5

“Israel luhpia nani sut kupia alkamna, witin nani ba yang wina dakwi taki banhwan ba ai aidulka nani dukiara.

Matiu 12:22

Bara Jisas ra waitna kum bri balan, witin ba blain bara sturi sin aisaras, pirit saura kum bri kan ba mita. Jisas mita rakan, bara waitna ba diara kaikaia bara aisaia sin sip kan.

Matiu 24:24

Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia.

Matiu 4:10

Bara Jisas bila: —Sitan, na wina taki was, kan Ulbanka ra wisa: ‘Man Dawan Gâdkam ra lulam kriki puram suni mayunma, bara witin dukia baman sin daukma.’

Mark 13:22

Bamna kuninkira nani ba Misaya baku balbia, prapit baku sin, bara sain tara nani, diara aihka nani sin upla nani ra kunin munaia wisi, daukbia; bara sip kabia kaka, Gâd pali pliki sakan nani ra ban kunin munbia.

Luk 11:25

Kli aula ba ra, baha uplika ba sakuya sim utla kum pahban, pain sin skahkan ba baku.

Jan 4:48

Jisas pana wisata: —Man nani sip kasak lukras sma, wark aihka nani ba kaikras kaka.

Jan 8:41

Man nani daukisma dîa aisikam daukan ba. Baha nani pana win: —¡Yang nani lika bastar apia; Aisa kumi baman brisna, baha ba Gâd!

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

Apastil Nani Sturka 13:10

naku win: —Man kuninkira, saurakira, dibil luhpia, diara pain nani sut wailhka sma ba. ¿Dîa kan man Dawan yabalka wapni nani ba warbi lakaia munisma?

2 Korint 11:14

Naha na lika diara aihkakira apia sa, kan Sitan pali sin ingni insal baku takisa,

2 Korint 11:3

Kuna si brisna piuta ai kuninka ba ni Iv ra kunin munan ba baku, swirka man nani ra sin kunin mai munbia, bara kupiam lukanka kumi ba bara sunu kaia lâka Kraist tani brisma ba sin swima.

2 Korint 4:4

Witin nani sip kasak lukras sa, kan naha tasba gâdka ba mita sinska nakra ba blain daukan; Kraist pranakira smalkanka ingnika ba kaikbia sîa, witinka lika Gâd talia pali ba.

Epesus 2:2

Bamna baha piua luan ra, man nani naha tasba daukanka saura nani ba nina bliki banhwi katma, bara pirit pâsa purara karnika bri ba bîla wali dauki katma, baha piritka sika Gâd bîla wali daukras nani tâ bri ba.

2 Timoti 3:8

Bara Janes, Jambrés wal, witinka nani sukia nani kan ba, Moses mapara buan ba baku, baha uplika nani sin kasak tânka mapara bûi banhwisa. Baha uplika nani sinska ba aihka saura takan sa, bara kasak lukan lâka mapa ra witin nani pain aihwa apia sa.

Jems 3:15

Nahmuna sinska lâka, Gâd wina balras; naha tasba sinska sa, upla lukanka wina, Sitan pali wina sa.

Param Marikanka 12:17

Baku bamna, dragun ba mairka mapara uya ai kupia baikan, bara mairka kiamka nani kau bâra nani kan ba mapara aiklabaia wan, baha nani Gâd lâka bîla nani alki ba, bara Jisas Kraist sturka yamni kat kasak nani ba.

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.

Param Marikanka 18:23

Lamp kumi ingnika sin man ra kli angkan kabia apia, marit takan lilia binka nani sin kli walan kabia apia. Dukiam âiatkra nani ba tasba aiska ra kau karnika bri kan, bara sukikam lâka ni nisan sât sât nani ra kunin munram ba.”

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.

Param Marikanka 20:10

Bara dibil ba, witin nani ra kunin munan kan ba, pauta klauhan sulpa wal klauhi kan lakunka ba ra lulkan kata; bahara sika daiwan saura ba prapit kuninkira ba wal lulkan kan ba. Bahara witin nani rausauhkan kabia kakna bara tihmia, ban kaia ra ban.

Param Marikanka 9:11

Tristrisia nani ba ai wihtka kum bri kan, baha lika tihu tara insalka ba. Naha insalka nina lika Hibru bîla ra Abadón mâkisa, bara Grik bîla ra Apolión.