2 Tesalonaika 2:10 - DAWAN BÎLA AISKA

¹⁰ Bara watawi lâka sât sât daukbia, sauhki tikan lâka ra auya nani ba, kunin munaia dukiara; kan baha nani kasakka lâka ba alki briaia bara latwan kaikaia want apia kan, ai swaki sakanka alkaia dukiara.

2 Tesalonaika 2:10 ပူးပေါင်းရင်းမြစ်များ

Sins Lâka 1:7

Dawan ra kulkaia lâka ba sins lâka tâ krikanka sika; taniskira nani ba, sins lâka bara diara wan smalkan ba bahki kulkisa.

Sins Lâka 8:17

latwan ai kaiki uplika nani ra, yang mita latwan kaikisni; bara ya nani ai pliki ba ai sakisa.

Matiu 13:11

Witin bila: “Man nani ra lika Gâd mita kasbrika purara ba Kingka Lâka dahra yukukan nani ba param mamrikisa; sakuna witin nani ra lika apia.

Jan 3:17

Gâd mita ai Luhpia naha tasba ra blikras kan, upla nani na pât ra lakaia, sakuna witin mita swaki sakaia.

Jan 5:34

Sakuna yang, upla kum witnis aisinka ra sin tniwaia apia sna; naha aisisni man nani swaki mai sakan kabia dukiara.

Roman 10:1

Muihki nani, yang pali kupi brinki ba, bara Gâd ra puri sunisna ba sika Israel luhpia nani dukiara witin nani sut ba swaki sakan lâka ba alkaia.

Roman 16:18

kan bahmuna sât uplika nani ba wan Dawan Jisas Kraist dukia daukras sa, sakuna ai biara warkka daukisa, bara witin nani ai bîla damnika bara ai bîla ni pain aisi ba mita upla sins aitani briras nani ra kunin munisa.

Roman 6:17

Sakuna Gâd ra tingki kabia, man nani lika kaina piua ra saurka lâka albika nani katma, kuna nanara mai smalkan ba kat kupiam aiska ni witinka mihta ra aimakram ba bîla wali daukisma.

1 Korint 1:18

Kraist dus prihni ra pruan sturka ba lika, tanis tiwi nani ba mapa ra sins âpu tânka baku sa; sakuna yawan swaki sakan lâka mata auya na wan mapa ra lika, bîla na Gâd karnika sa.

1 Korint 16:22

Ani uplika Dawan Jisas Kraist ra latwan kaikras kaka, witin ba lahtuban kabia. ¡Wan Dawanka, bal!

2 Korint 11:13

Kan baha nani ba apastil kuninkira nani, kunin mamunra nani sa, bara Kraist apastilka nani baku talia takisa.

2 Korint 11:15

bara baha mita Sitan dukia dadaukra nani ba sin diara pain dauki uplika talia takisa. Sakuna baha nani yua tnata ba alkbia ai warkka nani ba kat.

2 Korint 2:15

Kan yawan na lika Kraist mita, Gâd ra kîa damni yamni painkira angki yabi ba baku sa, bara baha dus nani mâka kiawalisa, swaki saki uplika nani bara tanis tiwi uplika nani sin.

2 Korint 2:17

Yang nani lika Gâd smalkanka bani bisnis daukras, upla manis mita aihka laki dauki ba baku; sakuna, yang nani lika baha smalkanka ba aitani kat kunin âpu smalkisna, Gâd mita wan blikan baku, bara Gâd mawanra aisisna sim Kraist uplika nani baku.

Epesus 4:14

Bara yawan na tuktan ban kaia apia sa, witin nani ai natka isi sât wala takisa, ya ya smalkanka raya smalki nani ba payaska ba mita raski brih auya, âuya mâira nani aimawahkan yabalka ra tauki nani ba mita sin kunin munisa.

1 Tesalonaika 2:16

Ju apia nani ba ra sin yang nani aisaia lukri, witin nani sin swaki sakan kaia mata, sakuna witin nani bui yang nani ai swin aisaras. Bara baku natka ra witin nani saura daukan ba kau tara daukan. Sakuna nanara lâs kat, klala saura pali ba Gâd wina witin nani purara balan sa.

2 Tesalonaika 2:12

Naha tâka mita, ya ya kasak tânka ra uya lukras, sakuna saurka lâka ra kau lihki kan nani ba, pât ra lulkan kabia.

2 Tesalonaika 2:13

Muihki nani, Dawan mita latwan mai kaikan ba, yang nani lika piu bani man nani dukiamra Gâd ra tingki wiaia sna, kan patitara piua wina, Gâd mita bâk mai sakan sa, man nani pas sika swak takan lâka briaisma ba, Spirit Holikira karnika bâk Gâd uplika pali mai daukbia, bara kasak tânka ra kasak lukram ba mita sin.

1 Timoti 2:4

kan witin want sa, upla sut ba swaki sakan kabia, kasak tânka ba sin witin nani kakaira taki banhbia.

Hibru Nani 3:13

Sakuna, man nani wina kumi sin saurka mita kunin munka bara ai kupia ba sin karna takbia apia, yu bani walkam nani aikuki pana pana tâm baiki bas, “naiwa yua” na kau dimi waras ba ra.

2 Pita 2:12

Bara naha uplika nani kupia lukra ba, sim daiwan wail aisubi takan ningkara, upla nani mita alki iki ba wal baku sa; witin nani diara sip tânka briras ai sinska lukra wal baman iwisa, diara tânka briras ba dukiara saura aisisa; bamna daiwan baku prubia,

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.