2 Samuil 9:10 - DAWAN BÎLA AISKA

¹⁰ Baku ba mita man, luhpiam nani bara albikam nani sin sut, tasba baikma witin ai dukiara. Plun mâ nani ba plun watla ra kuki sunma bara baku dawankam taika nani ba kan sunan kabia. Mefi-bóset ai mulika ba lika, ban yang wal tibilki ra ban kaia ra plun pi kabia. Sibá ai luhpia waitna nani 15 bri kan, ai albika nani lika yawanaiska kum,

2 Samuil 9:10 ပူးပေါင်းရင်းမြစ်များ

2 Samuil 16:3

King ba makabi walan: —¿Anira sa dawankam mulika ba? Sibá pana win: —Witin Jerusalem ra takaskan, bara lukisa ai damika kingka lâka kan ba, nanara Israel luhpia nani witin ra laki yabia.

2 Samuil 19:18

bara awala ba puswi luan, king taika nani ba hilp muni baila wala ra lukaia, bara baku witin wal pain takaia. King ba sin mahka awala ba luaia buan ba ra, Simí witin ai mawan kat aimakupan,

2 Samuil 19:28

King tara, man mamwanra yang papiki luhpia nani sut ba pruaia aitani pali kan. Naha man albikam na paiwram kan king tibilkam ra iwi plun piaia. ¿Kau dîa wala king tara ra makabaia sip sna ki?

2 Samuil 21:7

Witin Mefi-bóset, Janatan luhpia, Saúl mulika ba dukiara lika ai kupia swapni takan, aisika Janatan wal kasakka lâka ra swer takan ba mita.

2 Samuil 9:7

Debit bui witin ra win: —Si bripara, yang bui man ra yamni mai munaisna, papikam Janatan ra luki. Daukaia sna ba damikam Saúl tasbaya nani kan ba sut kli laki maikaia, bara man lika yang tibilki ra ban kaia ra plun pi kaia.

1 King Nani 2:7

Barzilai, Galaad wina ba luhpia nani wal kupia kumi lâka daukma, witin nani ba sin paiwi, tibilkam ra aikuki plun pi bas. Kan witin nani bui yang ra baku pali daukan, muihkam Absalón wina plapi katna piua ra.

2 King Nani 25:29

Naku natka ra, ai prâka silak watla ra dimi kan ba daiki wala dingkan, bara witin wal ai rayaka sut yua nani ra plun pi kan.

Jirimaya 52:34

Yu bani Babilon king ba Joaquín main kaiki kan, witin pruan ba kat.

Luk 14:15

Naha walan ba ra, baha nani tibil ra iwi kan ba wina kum mita Jisas ra win: —¡Lilia pali sa ani uplika Gâd king aimaki tasbaya ra brit pibia ba!