2 Samuil 8:1 - DAWAN BÎLA AISKA

¹ Baha ningkara Debit filisteo nani pura luan, kingka lâka karnika ba sut mihta wina dakban.

2 Samuil 8:1 ပူးပေါင်းရင်းမြစ်များ

2 Samuil 19:9

Bara Israel kiamka nani sut ai tilara aisi blahwi kan: “King Debit ba wan waihla nani kingka lâka wina pri wan saki kan, filisteo nani mihta wina sin; ban sakuna, Absalón daukanka sîa lika kuntri ba swi plapaia kan.

2 Samuil 2:24

Sakuna Joab bara Abisai wal takaskras ban Abner nina bliki kan. Yu dimaia kat Amá ilka ra wan, baha lika Guíah ra sa, Gabaón upla iwras tasbaya ra waia yabalka ra.

2 Samuil 22:44

Tawanki aiklabanka nani wina pri ai sakram, main ai kaikram nisan nani wihtka ban kaia, upla nani kakaira apia kapri ba nanara duki daukisa.

2 Samuil 5:17

Filisteo nani walan Debit ba yamni muni, Israel kingka mangkan ba; bara witin nani Debit pliki taki wan; sakuna Debit baha sturka walan ba ra, kan kahbaika pliska ba ra wih yukuwan.

2 Samuil 5:25

Dawan dîa daukaia win ba baku Debit daukan. Bara filisteo nani ba baku pura luan, Gabaón wina Guézer kat.

2 Samuil 7:9

Man wal wari, ani anira man waram ba, waihlam nani mampara buan ba sut yang bui âpu daukri, ninam mayunra tara maikri, naha tasba uplika tara nani ai mayunra bri ba baku.

Lawana Nani 18:43

Upla nani mapara bûi, unsabaia lihki nani ba wina dakbi ai sakram, nisan nani wihtka ai mangkram, upla nani yang kakaira apia kapri ba witin nani ba yang warkki daukisa.

Lawana Nani 60:2

Man mita sika tasba ba nikbi baikram; ¡bara nanara baiwanka nani ba praks, kan kalhwi auya sa!

Lawana Nani 60:8

Moab ba mihti sikbaia bisinka daukri; Edom purara sûski ba lulkamni; filisteo uplika nani purara lika, pura luri ba dukiara winamni.”

Hibru Nani 11:33

Kasak lukan lâka mita, witin nani aiklabi kuntri nani win takan, pain wihta aimakan, bara Gâd mita hilp yaia pramis munan kan ba sin alki banhwan. Layan nani bîla nani prakan,

Hibru Nani 11:34

pauta klauhan karna klauhi kan nani ba daskan, sord ni iki kan ba wina swak takan. Swapni nani ba karna takan; war ra karnakira nani kan, bara ai waihla nani war suliarka daknika nani ba pura luan.

1 Samuil 7:13

Naku filisteo nani ba pura luan kata, bara witin nani kli baku Israel luhpia nani tasbaya mapara dimi waras kan; Samuil raya kan ba piua nani sut ra Dawan filisteo nani mapara karna kan.