2 Samuil 7:7 - DAWAN BÎLA AISKA

⁷ Witin nani aikuki taukri ba piua sut ra, wihta kumi ra sin yang kau makabras, yang upliki nani, Israel luhpia nani tâ bri, yalam dusa ni yang ra tempel kum mâki aikbia.’

2 Samuil 7:7 ပူးပေါင်းရင်းမြစ်များ

2 Samuil 5:2

tânka pali ba kat lika, Saúl ba wan kingka, sakuna kasakka tânka ba kat man sika Israel luhpia nani tâ bri kapram war ra. Ba purkara, Dawan sin man ra pramis maikan, man sika Israel tâ bri pura wihtka aimakaia.”

1 Kronikas 11:2

bamna kasak pali, Saúl ba king kan, sakuna man bui sika Israel ba war ra brih wi kapram bara kli sin brih bal kapram ba. Baha purkara, Dawan Gâdkam ba, witin bui sin pramis mai munan man ba Israel luhpia nani tâ brima bara wihtka tara aimakma.”

1 Kronikas 17:6

Piua sut, witin nani aikuki taukri; upliki nani lalka mangkri nani ra aima kum sin makabras katna, yalam dusa ni prias watla kum paski aikbia.’

Aiseya 40:11

Witin sepad baku ai daknika ba main kaiki aula; sîp lupia nani ba ai klahkla ra twilkisa, swap lupia nani ba, ai lama bîla kat main kaiki alkisa.

Aiseya 66:1

Dawan aisisa: “Kasbrika pura ba, yang iwaiki watla bara tasba ba, yang mini nani kahbaika sa. ¿Anira sip sa utla kum mâki aikaia? ¿Anira sip sa ris briaia pliska kum dauki aikaia?

Jirimaya 23:4

Witin nani ba main kaikaia sepadka nani yabamna, witin nani kli diara kum tâka sibrin dauki kabia apia, dîa kum sin luha kabia apia. Yang, Dawan, kasak aisisna.”

Jirimaya 3:15

Wihta nani yang bîli wali dauki ba yang mita mangki maikamna, bara sins bri lâka ra diara tânka kaiki lâka ni wihtkam aimaki kabia.

Isikiel 34:15

Yang pali sîpki nani ba sepadka kamna, yang pali mita brih wamna ris briaia. Yang, Dawan, kasak aisisna.

Isikiel 34:2

“Man, upla luhpia, yang nini bri Israel sîpka main kakaira nani ba mapara aisas, bara wis: ‘Dawan naku aisisa: ¡Alai kabia, Israel sepadka nani ra, ai wîna kat baman main kaiki nani ba! Sepad nani ba sîp nani ba sika main kaikaia sa.

Isikiel 34:23

Yabamna duki dadaukra Debit ba kli tawi balaia, bara sepad unhsak baku mangkamna, bara witin main kaikbia. Witin baha nani sepadka kabia.

Miqueas 5:4

King ba tawan tâ briaia buan kabia, Dawan ai Gâdka king tara karnika bri ba wal, bara witin nani pri lâka ra iwan kabia, kan Dawan ba tara pâwan kabia tasba aiska ra.

Matiu 2:6

“Bamna man, Betlehem, Juda tasbaya ra, Juda wihtka nani tilara man ba kau sirpi pali apia sma, kan man wina wihtka tara kum takbia, bara witin mita upliki Israel luhpia nani ba tâ bri kabia.”

Apastil Nani Sturka 20:28

Baku bamna, man nani pali dukiamra aihwaki bas, kristian daknika ba dukiara sin, witinka nani dukiara sika Spirit Holikira mita mai mangkan, Gâd sertska uplika nani ba main kaikaia, baha witin ai tâlia ni atkan sa.

Apastil Nani Sturka 21:28

Bara witin nani ai bîla baikra karna winan: “¡Israel waitnika nani, hilp wan muns! Bika, naha waitnika sika plis sut ra smalki taukisa, wan nisanka mapara, bara Moses lâka bara tempel na mapara sin. Baha purkara, kaiks, tempel ra sin Ju apia nani sal dingkan, bara naha pliska holi na tâski daukisa.”

Kli Smalkanka 23:14

Kan Dawan Gâdkam ba kiampkam ra man nani tilamra taukisa, main mai kaiki maikka waihlam nani pura luma dukiara. Baku bamna, man nani kiampkam ba holi kaia sa, Dawan Gâdkam nakra ra, baku apia kaka man nani tilamra kli taukbia apia.

1 Pita 5:1

Nanara man nani daknikam tilara almuk nani bâra ba kupia kraukanka yabisni, kan yang na sin witin nani wal baku almuk kum sna. Yang na Kraist pât wahwanka nani witniska sna, bara naika takaia prana ba witin nani wal aikuki asla brimna.