2 Samuil 7:22 - DAWAN BÎLA AISKA

²² Baha ba mita, Dawanki, tara kaia lâka ba man dukiam. Kan man baku wala âpu sa, gâd wala nani sin âpu sa man tnamya ra, yang nani sut pat walri ba baku.

2 Samuil 7:22 ပူးပေါင်းရင်းမြစ်များ

2 Samuil 22:32

¿Ya ba Gâd sa, Dawan wina tnaya ra? ¿Dîa gâd wala bâra sa ki wan kan kahbaia?

1 King Nani 8:23

bara win: “Dawan, Israel Gâdka, man baku Gâd wala âpu sa, kasbrika purara, baku sin naha tasba mâyara sin âpu, man alki brisma ba baku lâ daukan lâka, bara kupia yamni lâka sut albikam nani ra, baha nani ai kupia aiska kira man dukiam dauki nani ra.

1 Kronikas 16:25

Kan Dawan ba tara pali sa, aitani sa witin ra mayunan kaia ba, gâd nani wal kau sibrinkira sa.

2 Kronikas 2:5

Yang tempel watla mâkaisna ba tara kaia sa, kan wan Gâdka ba tara sa, gâd wala nani ba wal.

Lawana Nani 135:5

Yang kasak kaikisni Dawan ba wan Gâdka sa, witin ba kau tara sa, gâd wala nani sut ba wal.

Lawana Nani 145:3

Dawan ba tara sika, bara aitani pali witin ra mayunaia sa; witin tara sa tânka ba sin sip pliki sakras sa.

Lawana Nani 44:1

Dawanki, yang nani pali walri, damiki nani baha dahra ai win, baha warkka man bui witin nani yua nani ra daukram ba patitara yua nani ra.

Lawana Nani 48:1

¡Dawan ba tara sa! ¡Dawan ba kasak sa, yawan bui witin ra mayunaia sa, ai tawanka bara ai ilka holikira ra!

Lawana Nani 86:10

Man baman sika Gâd; man baman tara sma bara diara tara nani daukisma.

Lawana Nani 86:8

¡Dawan, man wal mai praki kaikaia, dawan wala âpu sa! ¡Man warkkam ba baku, wala warkka âpu sa!

Lawana Nani 89:6

Dawan, man wal mai prakaia gâdka kumi sin âpu sa, tasba ra kasbrika purara sin âpu.

Lawana Nani 89:8

Dawan Gâd, karnika sut brisma ba, karnika sut ba man dukiam, bara kasakka lâka ni kir mai kutbi brisa; ¡man baku wala âpu sa!

Lawana Nani 96:4

Kan Dawan ba tara sa, bara aitani sa witin ra mayunaia: ¡gâd nani sut purkara kau saurakira sa!

Impakan Sturka 10:2

Bara man mita sin luhpiam bara mulam nani ra wiaia sma, yang nahki Idsip uplika nani ra lawaska kiki pulri ba, bara wark aihka tara nani sin witin nani tilara daukri ba. Baku man nani sin kaikaia sip sma yang sika Dawan sna ba.

Impakan Sturka 15:11

Dawanki, ¡gâd wala âpu sa man wal mai prakaia! ¡Kumi sin âpu sa man baku tara, saurka lâka âpu ba! ¡Diara aihka painkira nani daukisma, diara sibrinkira nani sin! ¡Man mamyunra briaia ba aitani pali sma!

Impakan Sturka 8:10

King fero aisi, win: —Yauhka pali puri suns. Bara Moses bila pana win: —Yang baku daukamna, bara man kaikma Dawan wala âpu sa, yang nani Dawanki Gâd ba baku.

Impakan Sturka 8:6

Eran ai dusa ba awala nani purara sakban bara baha wina pikpik nani bal taki, Idsip tasbaya aiska ba banhkan.

Impakan Sturka 9:14

Naha piua ra klala blikaisna man mampara, uplikam tara nani, bara uplikam nani sut mapara sin; bara man kaikma tasba aiska ra yang baku wala âpu ba.

Aiseya 40:18

¿Bamna Gâd lilka ba, man nani bui ya lilka talia daukma? ¿Apia kaka, man nani dîa lilka witin ai talia ba lilka ba wal prakma?

Aiseya 40:25

Holikira Gâdka ba makabi walisa: “¿Man nani bui yang na dîa wal tailia ai daukaia plikisma? ¿Apia kaka, dîa wal baku ai praki ai kaikaisma ki?”

Aiseya 45:18

Kasbrika pura Papaskra ba, witin sika Gâd bara Dawan ba, tasba ba dauki bara paskan ba, witin watlika ra bapi mangkan ba, witin baha paskan ba, bilara diara âpu kaia dukiara paskras kan, sakuna upla nani bâra iwi kaia, witin aisisa: “Yang sika Dawan, bara wala âpu.

Aiseya 45:22

Man nani, yang ra bal bara swaki mai sakamna, tawan tasba wala wina. Kan yang na Gâd sna, bara wala âpu sa.

Aiseya 45:5

Yang sika Dawan, bara kau wala âpu sa, yang tnaiya ra Gâd wala âpu sa. Yang ridi mai daukri aiklabaia dukiara, man kau ai kakaira apia sma sakuna,

Isikiel 36:22

“Bahamna, Israel uplika ra wis: ‘Naku wisa Dawan ba: Dîa daukamna ba man nani tamka apia, Israel luhpia nani, sakuna nini holikira ba, man nani sauhkram, nisan wala nani tilara waram ba ra.

Isikiel 36:32

Yang, Dawan, kasak aisisna: Israel luhpia nani kaiki bas, naha daukisna na man nani baha briaia aitani sma ba mita apia; sakuna swiram brima damra walma daukankam mita aiblakram ba mamrikaia dukiara sika.

Daniel 2:45

Baha sika tânka walpa kumi il wina ip daiwan upla kum mita sin platukbras kan karwi balan, man king tara, kaikram ba. Baha walpaya ba mita sika tasba yamhpuska baku daukan kabia, ayan, bras, slaubla, silbar, gul ba sin. Gâd tara pali mita king man ra mamrikan naika dîa takaia ba. Yaprisauhkankam ba kasak sa, ai tânka sin kasak sa.

Miqueas 7:18

Man wal baku Dawan wala âpu sa, kan uplikam kau swin ba mampara buan ba bara saurka ba sin ban swih tikisma. Man kupiam baiwanka ban pali alki briras sma, sakuna lilia sma kupiam pihni lâka ban mariki kaia.

Kli Smalkanka 3:24

‘Dawan, man albikam na ra tânkam tara bara karnikam ba marikuma. Gâd wala âpu sa kasbrika purara bara tasba ra sin, man diara aihkakira nani daukisma ba daukaia.

Kli Smalkanka 32:39

Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!

Kli Smalkanka 4:35

Baku marikan tânka briaia, Dawan Gâd ba aihwakira sa, witin wina wala âpu.

Kli Smalkanka 4:39

“Baku ba mita, sinskam ra pain ulbi mangks Dawan ba Gâd sa, kasbrika pura bara tasba ra sin witin baku wala âpu sa.

1 Samuil 2:2

¡Dawan, wala kum man holi sma ba baku âpu sa! Gâd, man wan kahbisma ba baku wala âpu sa: ¡Man wal baku wala âpu sa!