2 Samuil 7:21 - DAWAN BÎLA AISKA

²¹ Naha diara aihkakira nani sut daukram, man brinkam ba kat pramis wiram ba, yang baha diara nani ba tânka kaikamna dukiara.

2 Samuil 7:21 ပူးပေါင်းရင်းမြစ်များ

1 Kronikas 17:19

Dawan, naha diara aihka nani na daukram albikam mawan kat, baha ba man brinkam kan bara brinkam ba yarka tânka bribia.

Lawana Nani 115:1

Dawan, maiyunpara, mayunra ba man bris, yang nani ra lika apia mayunra ba man bris, ¡man latwankam lâka ba mita bara man kasakkam lâka tânka ba wal!

Lawana Nani 138:2

Man tempelkam tani luli kriki puri sunamni, tingki mai wiaia, man lamtwanka lâka ba bara kasakkam tânka dukiara. Man ninam bara bîlam aisinka ba diara sut purkara mangkram sa.

Kulki Kaikanka 23:19

Dawan ba lika upla baku apia sa: witin kunin aisaras, witin dîa lukan ba sip lakras sa. Witin dîa daukaia aisi ba daukisa. Pramis daukan kaka, witin ai pramiska daukaia win ba kat daukisa.

Matiu 11:26

Âu, Aisa, kan man baku want kapram.

Matiu 24:35

Kasbrika tasba wal lui wabia, sakuna bîli nani lika aimakan kabia.

Luk 1:72

wan damika nani ra sin umpira kaikbia, bara ai pramiska holikira witin nani wal daukan ba sin ai âuya tikbia apia.

Luk 10:21

Baha sim piua ra, Jisas Spirit Holikira bri ba mita lilia pali takan, bara win: “Aisa, man kasbrika pura bara tasba ba wal Dawanka sma ba, yang mamyunisni, kan man mita sinskira nani wina bara diara tânka kakaira nani wina sin naha diara nani na yukukram bamna, bara tuktan sirpi nani ra ni param marikram. Âu, Aisa, man baku want kapram ba mita sika.

Luk 12:32

“Sîpki nani, si bripara; man nani ba wiria sma, sakuna Aisa ba mita pain lukisa king lâka ba maikaia.

1 Korint 1:1

Yang Pal, Gâd kupia lâka mita Jisas Kraist apastilka kaia ai paiwan sa. Yang bara wan muihni Sóstenes ba wal,

Epesus 1:9

bara witin ai brinka yukukan ra ba sin wan marikan, baha sika witin Kraist bâk diara sut tnata alkaia luki kan ba.

Epesus 3:11

Gâd naha daukan, witin patitara piua ra ban kaia ra ba wina dîa daukaia luki kan ba, bara wan Dawan Jisas Kraist wal tnata kat daukan.

Epesus 4:32

Sakuna, sut aikuki pain banhwi bas, pana pana kupiam swapni bri bas, bara pana pana walkam pâtka swih tiki bas, Gâd bui Kraist ra mai praki pâtkam swih tikan ba baku.

Kli Smalkanka 9:5

Prisant nani ba dukiara apia man nani ra umpira mai kaikan, ai kuntrika ra man nani pliskam brisma ba. Dawan bui man nani mamwan wina saki lulkisa, witin nani ai saurka tâwan. Bara Ebraham ra, Aisak ra bara Jekob ra, man nani damikam nani ra pramis daukan ba daukbia.