2 Samuil 7:10 - DAWAN BÎLA AISKA

¹⁰ Baha purkara, yang upliki Israel nani dukiara plis kum pat ridi daukri sa, witin nani ba baha ra takaskaia bara ai tasbaya bri iwbia. Bahara upla witin nani ra trabil munbia apia, saura dadaukra nani bara upla tataibra nani sin blasi muni kata ba baku munbia apia.

2 Samuil 7:10 ပူးပေါင်းရင်းမြစ်များ

2 King Nani 21:8

Bamna kli aima wala ra Israel luhpia nani ba kangbi sakamna apia, baha tasbaya ai damika nani ra yâri ba wina, witin nani dîa yang adarka yârika ba dauki kabia kaka, baha sin dîa lâka albiki Moses yan ba daukisa kaka.”

1 Kronikas 17:9

Baha purkara, upliki Israel luhpia nani ra plis kum ridi sakri, bara baha pliska ba aihka sakri sa, witin nani bahara iwbia ai tasbaya pali baku; upla kumi bui sin pât munan kabia, kaina piua ra upla saura nani bui taibi bri kan ba baku kabia apia,

2 Kronikas 33:8

Bamna kli aima wala ra, Israel luhpia nani ba sakan kabia apia, baha tasbaya damika nani ra yâri ba wina dîa yang adarka yâri ba dauki kabia kaka, baha sin dîa lâka albiki Moses yan ba daukisa kaka.”

Lawana Nani 44:2

Man mihtam pali ni, idan nani tasbaya wina kangbi sakatma; nisan nani, upla sât wala nani ra klala yaram, bara damiki nani ra yaram, witin nani iwi kan ba tasbaya ra iwaia. Witin nani ra yaram manis sahwan.

Lawana Nani 44:4

¡Yang kingki! ¡Yang Gâdki! Man uplikam nani ra yaram pura luaia;

Lawana Nani 80:8

Idsip wina wain kiwka kum sakram; idan nani ra yaram bâra mangkan.

Lawana Nani 80:9

Baha mangkaia tasbaya ba klin daukram, bara wain kiwka ba ai wakia nani sakata bara kuntri aiska ba banhki daukan.

Impakan Sturka 1:22

Nanara king fero lâ kum daukan ai tasbaya aiska ra, bara naku win: “Hibru luhpia waitna nani nan aisubi takan nani ba sut, Nilo awalka ra lulki banhs, sakuna mairin nani ba lika swirka raya kaia sa.”

Impakan Sturka 15:17

Dawanki, wan brih was man ilkam holikira ra bâra iwaia; baha ilka ba man mita bâk sakram, man bahara iwaia, iwaia watla man mihtam ni alki buki bapram ba.

Aiseya 5:2

Nasla tasbaya ba baikan, walpa nani ba sin sait ra sakan bara wain saumukka yamni ba ni wahbi saki mangkan. Nasla bilara sin, tawer kum purara mâkan; bara wain taibaia watla sin kum paskan, bara wain nasla tara ba wina bîla kaiki kan wain damni nani, sakuna wain mâ swahni baman alkan kata.

Aiseya 5:7

Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.

Aiseya 60:18

Saura munaia daukanka ba man nani tasbayam ra kli walan kabia apia, sauhki tikan lâka, lâ krikanka nani sin walbia apia, sakuna kanra mika walbia, man tawankam kutbanka nina ba ‘Swaki Sakan Tawanka’, man getkam nani ba ‘Mayunra Getka nani’ mâkan kabia.

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Jirimaya 18:9

Piua wala ra yang luki kaikisna nisan kum king tasbaya kum ba kau paski pakaia.

Jirimaya 24:6

yang bui witin nani ba main kaiki kamna, bara kli ai kuntrika tani ra waia daukamni, witin nani diara ailal briaia daukamna tawi waia daukamni, witin nani ba kli slingbamna apia; mangkamna, sakuna kli daikamna apia.

Isikiel 28:24

‘Israel ba kli pât wauhbia apia, kiaya tatwa bara latwan pali ba misbara ni upla wala nani kîa ba mita kaiki ba. Bara ai tânka bribia yang sika Dawan sna ba.’

Oseas 2:18

“Baha yua ra, Israel dukiara yamni daukamni: daiwan wail nani ba wal lâ kum daukamni, tnawira, piuta nani aikuki; pantamangka, sord, war aiklabaia dukia nani ba, naha kuntrika wina sauhki âpu daukamni, yang upliki nani ba, ai âuyapah ris bri kabia dukiara.

Emus 9:15

Witin nani ai tasbaya kat kli bri sal swimna, baha tasbaya wina, upla wala mita kli witin nani ra kangbi sâkbia apia, yang bui witin nani ra yabamna ba.” Dawan, man nani Gâdkam ba, baku kasak aisisa.

Param Marikanka 21:4

Witin nani nakra laya ba sut dikbia, bara prura kau âpu kabia, inanka, pura mata inaia lâka, latwanka sin; kan diara almuk nani ba sut lui wan sa.”

Wihta Nani 4:3

Jabín lika war waginka ayan ni daukan ba 900 bri kan, bara witin bui Israel luhpia nani ra 20 mani saura pali rausauhki kan, sakuna Israel luhpia nani baha piua kat kli Dawan ra ai pura sunan, bara Dawan bui witin nani ra hilp munan.

1 Samuil 13:17

Filisteo aiklaklabra nani ba dakni yumhpa taki balan ai kiampka wina; dakni kum ba Ofrá tani ra wan, Sual tasbaya ra,