2 Samuil 3:8 - DAWAN BÎLA AISKA

⁸ Abner kasak lawan Is-bóset Rispá tâwan aisin bamna, bara pana aisin: —¿Dîa yang na, yul kum baku Juda warkka daukisna ki? Papikam Saúl watla ra yang kasak kapri, ai taya nani, ai uplika nani ra sin bara man ra sin Debit mihta ra mai mangkras kapri. ¿Bara nanara man bui yang dusi kuhbisma mairin kum wal saura daukri wisi?

2 Samuil 3:8 ပူးပေါင်းရင်းမြစ်များ

2 Samuil 16:9

Bara Abisai, Seruiá luhpia ba, king ra win: —¿Dîa muni naha yul pruan na, swiram king tara ra lahtubisa? ¡Nanara pali aikrika lal dakbamna!

2 Samuil 2:8

Sakuna Abner, Ner luhpia waitna ba, Saúl war wihtka tara ba, Is-bóset Saúl luhpia ba Mahanaim ra brih wan,

2 Samuil 3:18

Baha ba aitani sa, nanara piua ba aimakan, Dawan Debit ra pramis munan ba witin bâk Israel nisanka ba swaki sâkbia, filisteo nani ai lâka witin nani purara alki ba bara ai waihla nani karnika ba wina sin.”

2 Samuil 3:9

¡Dawan bui klala karna aikbia, witin Debit wal pramis daukan ba, yang daukras kamna kaka,

2 Samuil 5:2

tânka pali ba kat lika, Saúl ba wan kingka, sakuna kasakka tânka ba kat man sika Israel luhpia nani tâ bri kapram war ra. Ba purkara, Dawan sin man ra pramis maikan, man sika Israel tâ bri pura wihtka aimakaia.”

2 Samuil 9:8

Sakuna Mefi-bóset ai lal makupi bara win: —Sakuna, king tara ba, ¿dîa muni ai albika na ra tawi kaikisa, yang na yul prura kum sna na?

2 King Nani 8:13

Bara Hazael pana aisin: —¡Bara yang na dîa sna ki, yul wal sin kau umpira sna na! ¿Nahki baku diara tara nani daukamna? Bara Ilaidsa mita pana win: —Dawan bui yang ra param ai win sa, man ba Siria kingka kama.

Lawana Nani 76:10

Bara upla kupia baiwanka nani baman mayunra ra lakisma; witin nani ai waihla pali nani ba sin kraunkam takisa.

Aiseya 37:23

¿Ya ninara saura aisi lawaska kikram? ¿Baku sin ya mapara bîlam karna saki aisaram bara Israel sunukira Gâdka mapara namkra nani ba pura kat bukram?

Kli Smalkanka 23:18

Rug lâka wina lalah sakan ba man nani mita swirka Dawan Gâdkam tempelka ra mangkbiara, baku sâtka ba Dawan pain kaikras sa.

1 Samuil 15:28

Bara Samuil bui Saúl ra win: —Prâika kalwan na baku natka ra, Dawan sin naiwa Israel kingka lâka wina mai kalki sakisa. Man wina dakbi sakisa bara kuntrikam uplika wala kum ra man wal kau pain ba ra yabuya.

1 Samuil 17:43

witin ra win: —¿Dîa yang na yul, bara man dus ni ai prukaia aulma? Bara ai gâdka nina ra Debit ra lahtuban.