2 Samuil 24:21 - DAWAN BÎLA AISKA

²¹ Bara Arauna bila win: —¿Yang kingki tara na, dîa muni ai albika na kaikaia aula? Debit pana witin ra win: —Plawar mâ taya sakaia watla mâkram ba atkaia balri, bahara Dawan dukia altar kum paskaia, siknis saura ba tawan wina sakaia dukiara.

2 Samuil 24:21 ပူးပေါင်းရင်းမြစ်များ

Blasi Sturka 50:10

Witin nani Jordan awala lalma tani ra Goren-ha-atad kat wan bara bahara witin nani wik kum takaskan, pruan ba priaska tara kum dauki, ai aisa pruan ba sarka kasak inan.

2 Samuil 24:18

Baha sim yua, Gad ba Debit kaikaia wan, bara witin ra win altar kum paskbia Dawan dukia, Arauna, Jebús uplika ba plawar mâ taya saki ba watla pliska kat.

2 Samuil 24:20

Arauna ba baha yua witin laihura yabal ra kaiki kan, bara kang kaikan king ba ai dukia dadaukra nani aikuki witin ra aula sa. Arauna witin pas king kainara plapi ai mawan tasba kat bawan.

2 Samuil 24:3

Sakuna Joab pana king ra win: —Dawan, king tara Gâdka ba, upla nani nanara bâra ba wal kau aima 100 kum pura praki kau ailal pali daukbia kaka, king tara ban raya iwi ba kaiki kabia; ¿sakuna baha ba dîa sa, dîa muni king tara ba upla sut ba kulki kaikaia brin daukisa ki?

1 Kronikas 21:22

Debit bila Ornán ra: —Man plawar taya sakisma pliska ba yang ra aik, bahara Dawan altarka paskaisna, pliska ba ai atks praiska kasak pali ba kat, baku siknis saura tawan purara bâra ba lubia.

Lawana Nani 106:30

Bara Finees lâ dauki, witin pâtkira sakan, bara baku sikniska saura ba takaskan.

Kulki Kaikanka 25:8

bara Israel waitnika ninara wan tintka watla ba kat; bahara waitnika biara ra saban bara mairka ra sin. Bara Dawan lawanka mita upla nani prui kan ba baku dauki takaskan.