2 Samuil 24:1 - DAWAN BÎLA AISKA

¹ Dawan ba Israel luhpia nani mapara kli lawan, bara Debit ra adar yan upla nani ba kulki kaikaia, Israel bara Juda ra sin.

2 Samuil 24:1 ပူးပေါင်းရင်းမြစ်များ

Blasi Sturka 45:5

Sakun, pliskam pali, man nani sari takpara, kupiam sin baikpara, man nani mita ai atkram ba ra wisi. Gâd mita sika baku dauki, man nani kainamra ai blikan nâra balri, upla rayaka nani ailal ba swaki sakaia dukiara.

Blasi Sturka 50:20

Man nani bui yang ra saura ai munaia luki daukram, sakuna Gâd lika man nani lukankam saura ba wina diara yamni ra lakan ba naiwa man nani kaikisma. Yang na upla ailal rayaka ba swaki sakaia ai mangkan.

2 Samuil 12:11

Yang Dawan, param aisisni: Yang daukamna man pali wamtla bîla wina, saura ba man mampara takbia, man pali mamwanra mairkam nani ba brimna bara tamya kumika ra yabamna witinka wal yapbia, yu lapta ingnika param pali ba kat.

2 Samuil 16:10

Sakuna king ba pana win: —Seruiá luhpia nani, naha lâka na man nani mita daukaia apia sma. Witin bui yang ra laihtubisa kaka, Dawan bui baku witin ra adar yan ba mita sika. Bara baku sa kaka, ¿ya sip sa ki witin ra diara tânka makabi walaia witin dauki ba?

2 King Nani 3:6

Bara Joram Sameria kingka ba buan, bara Israel aiska ra maisa pakan.

1 Kronikas 21:1

Upla dahra kwakwahkra insalka ba Israel luhpia nani mapara taibi munan bara Debit ra munan upla nina ulbi kulkaia warkka kum daukan.

1 Kronikas 7:2

Tolá luhpia nani ba naha nani kan: Uzí, Refaías, Jeriel, Jahmai, Ibsam bara Samuil, witinka nani na Tolá taika lalka nani bara war uplika kupia karnira nani kan. Debit piua ra, ai kiamka nani ba kulkan kan ba ra 22,600 kata.

1 Kronikas 7:40

Naha nani sut lika Aser kiamka nani kan. Witin nani ba ai taya nani bani lalka kan, war waitna kau yamni kupia karnira nani kan, bara waitna nani kau kulkanka lâka bri kan, Taika bani kulki kaikanka ra, kulki sakan sa asla 26,000 waitna nani, war waitnika aitani banhwi ba.

2 Kronikas 32:25

Ban sakuna, Ezequías yamnika nani uya brin ba tingki lâka âpu, bara ai kulkanka ni aibanhwan kan, baha mita Dawan ba kasak ai kupia sauhkan witin ra, Juda ra bara Jerusalem uplika nani ra sin.

Impakan Sturka 7:3

Ban sakuna, yang mita king fero ba lal karna, upla bîla walras daukamna. Bara witin bui man bîlam walbia apia. Yang lika Idsip ra sain nani ailal daukamna, wark aihkakira nani sin ailal daukamna. Bamna

Isikiel 14:9

“Bara prapit kum kunin munbia kaka, bara sturi aisabia ba, yang Dawan kunin munri kabia, baha prapitka ra; bara mihti sakbamna yang upliki nani ra bara klala yabamni, bara sauhki sin âpu tikamni Israel luhpia nani tila ba wina.

Isikiel 20:25

Bara lâ yamni apia kat sin, purara mangkaia kapri, bara lâ nani rayaka sip sakaia apia nani sin.

Libait Lâka 10:6

Baha ningkara Moses bal Eran ra, ai luhpia nani Eleazar bara Itamar ra sin win: —Man nani kumi sin, tâmwa slingwan kabia apia, prâmka sin kalkma apia sari mai dauki baku; man nani baku daukma kaka pruma, bara Gâd kupia baiwanka upla nani purara balbia. Sakuna sari pali takan kabia ba lika, kiamkam nani ba, Israel luhpia nani sut, baha pauta klauhan Gâd blikan, witin nani angkan ba dukia.

Kulki Kaikanka 1:19

Dawan bui Moses ra baha nahki daukaia win ba baku. Sainai upla iwras tasbaya ra upla kulki kaikanka ba daukan kata.

Apastil Nani Sturka 4:28

Baku mika witin nani sut daukan, dîa man patitara piua ra lâ mangkram kata ba, diara nani takaia kan ba kat.

2 Tesalonaika 2:11

Baha mita, Gâd bui swisa mistikka nani ba mita kunin munbia, bara kunin lâka ra kasak kulkbia.

Wihta Nani 2:14

bara baha mita Dawan ba Israel luhpia nani mapara ai kupia sauhkan, bara âimplikra nani blikan bal ai dukia nani bri kan ba sut implikan. Ai waihla nani ai tnaya kir ba mapara sip aiklabras kan, bara baha nani bal aiklabi witin nani sut pura luan.

Wihta Nani 2:20

Ba mita Dawan ba Israel luhpia nani ba mapara ai kupia sauhki, bara win: “Naha uplika nani na ai damika nani wal yang lâ daukri lâka ba krikisa, witin nani lika yang bîli wali daukras.

1 Samuil 26:19

Yang bui king ra puri sunisni, man albikam aisinka na wals: Dawan bui king ba yang maipara blikisa kaka, prisantka kum yabrika bribia kaka lilia kamna; sakuna waitna bui daukisa kaka, Dawan bui lahtubia. Kan nanara Dawan tasbaya wina saki ai lulkan, bara baku plaitukbisa gâd bahki nani dukia daukaia.