2 Samuil 22:3 - DAWAN BÎLA AISKA

³ yang Gâdki, kaini kahbi ba walpaya, yang laima prakaika, swaki ai saki ba karnika, yukuwaiki rayaka kau purara ba, yukuwaika watla kau purara ba, yang sasakriki. ¡Saura munaia lâka ba wina swaki ai sakram!

2 Samuil 22:3 ပူးပေါင်းရင်းမြစ်များ

Blasi Sturka 15:1

Naha diara nani sut ba ningkara Dawan bîla ba Ebram ra balan, bara diara aihka kaikan ra witin ra win: —Ebram, man si bripara, kan yang sika pât tara nani wina man kainam kakahbra sna ba. Man mamna ba sin tara pali kabia.

2 Samuil 22:31

“Gâd yabalka ba wapni pali sa; Dawan pramiska nani ba kat wan kupia mangki briaia ba aitani pali sa; ¡Gâd ba witin ra luki uplika nani sut ba kan kahbisa!

2 Samuil 22:47

“¡Dawan raya ban kabia! ¡Yang kaini kakahbra ba yamni pali sa! ¡Gâd nina ba purara ban kabia, swaki ai saki kaini kahbi ba!

2 Samuil 22:49

Witin bui yang waihli nani wina dakbi ai sakisa, maipara babura nani maipara buan ba wina. ¡Dawan, man swaki ai sakisma upla saura nani mihta wina!

2 Samuil 22:51

Man bui bâk sakram kingka ra, pura luan lâka tara ba yabisma; Debit ra bara ai kiamka ra sin latwan lâka ban marikisma.”

2 Samuil 23:3

Israel Gâdka ba witin aisin; Israel kan kakahbra ba witin bui yang ra ai win; upla purara kasak lâka ra wihta aimaki ba, “Dawan ra sin sibrin luki wihta aimaki ba,

Lawana Nani 14:6

Witin nani mita upla umpira nani brin dauki pliki ba, lawaska kikisa; sakuna Dawan bui witin nani kan kahbisa.

Lawana Nani 140:1

Dawan, pri ai sâks upla watawikira nani wina; kupia lukanka saura bri nani wina, kaini kahbi bas,

Lawana Nani 140:11

Upla twisa yari nani ba wan tasbaya ra ban kabiara; diara saura dauki ba mita nina bliki bara sauhki tikbia.

Lawana Nani 140:4

Dawan, upla saura watawi nani karnika ba wina wan kan kahbi bas, wan kan kahbi bas saura uplika nani ba wina, baha nani mini wapanka nani batakaia wisi dauki ba wina.

Lawana Nani 142:4

Aihkiki tani ra tawi kaikuna bara upla sin âpu sa hilp ai munaia, ¡upla kumi sin âpu sa, yang ra tâi baikaia! ¡Upla kumi sin âpu sa, yang dukira lukaia!

Lawana Nani 144:2

witin sika upliki kasak ba, yang kaini kahbaika ba, yukuwaiki kau purara ba, pri ai sasakra; kaini kahbaika sa, witin ra sin yukuwaiki brisni; witin upliki banhwi ba, karnika mununhtara mangkisa.

Lawana Nani 18:2

Dawan, man sika kaini kahbisma, yang yukuwaiki pliska, yang swaki ai sasakra; yang Gâdki, walpa tara, yang ra ai yukukisma ba, yang kaini kahbaika, ai swaki saki karnika ba, yukuwaiki kau tara ba.

Lawana Nani 27:5

Yua saura nani balbia ba ra, Dawan ai watla ra ai yukukbia; ai distika ra ai dingkbia, ¡witin walpa tara purara ai swaki ai sâkbia!

Lawana Nani 28:7

Dawan sika yang karniki, yang kaini kahbaika sin; kupi witin ra luki tniwan, bara witin hilp ai munan. Baku ba ra kupi ba lilia pali sa; aiwanamni bara Dawan ra tingki wimni.

Lawana Nani 3:3

Sakuna, Dawan, man, yang kaini kahbaika sma, man sika yang praina sma, man sika yang kupi kli bukisma ba.

Lawana Nani 32:7

Man sika yang yukuwaiki watla: pât ai alki ba wina man kaini kahbisma, pri sakan lawana nani ni kaini kir aiwanisa.

Lawana Nani 46:1

Dawan ba sika wan yukuwaika bara wan karnika sin; wan hilpka sa yawan pât bri ba piua ra.

Lawana Nani 46:11

¡Dawan karnika sut bri ba yawan nani wal sa! ¡Jekob Dawanka, yawan yukuwaika sa!

Lawana Nani 46:2

Baha mita sibrin ai daukras, tasba na lui wabia kra, ban kra, il nani ba kabu tihuka kat dimi wabia kra;

Lawana Nani 46:7

¡Dawan karnika sut pali bri yawan nani wal sa! ¡Jekob Gâdka ba yawan yukuwaika sa!

Lawana Nani 5:12

kan, Dawan, man bui baha uplika yamni ba ra, man bui yamnikam yabisma, man kupiam yamni lâka ni, kan kahbaika baku bri kama.

Lawana Nani 55:9

Sauhki tiks Dawan, witin nani ra, dîa aisi ba sip tânka briras dauks, kan yang kaikisna ba saura lâka bara tar baiwan lâka baman bâra sa.

Lawana Nani 59:16

Bara yang lika titan ra, man ra lawana aiwani kamna yang lika lamtwanka lâka, bara karnikam ba wal karna wini upla ra wimna. Kan man sika yang kaini kahbaika bara yukuwaiki trabil brisna ba piua ra.

Lawana Nani 61:3

kan man sika yang yukuwaiki sma. Man sika tawer karna ba baku sma, waihli wina swaki ai sakaia.

Lawana Nani 71:7

Yang na upla sut nakra ra aihka katna, ban sakuna, man ba yang yukuwaiki sma.

Lawana Nani 72:14

Witin nani ai rayaka ba mana tara sa, baha mita taibi, saura muni nani ba mihta wina swaki sakan kabia.

Lawana Nani 84:11

Kan Gâd sika Dawan, witin ingni wankisa bara aihwaki wan kaikisa; Dawan latwan wan kaikisa bara wan kulkisa baha nani ai raya klin brih iwi ba, bara yamni ba bahki kulkras.

Lawana Nani 84:9

Man, Gâd, wan kan kahbaika sma ba, namkra yamni ni wan kaiks, man yaura bâk saki briram ba, king baku kaia.

Lawana Nani 86:14

Man Gâd, trabil babukra bara saura dadaukra dakni kum man mai briras nani ba, maipara bûi, ai ikaia plikisa.

Lawana Nani 9:10

Dawan, man mai kakaira nani ba, man ra kasak lukisa, mai pliki uplika nani ra, lulki swiras sma.

Lawana Nani 9:9

Taiban lâka ra uplika nani ba, Dawan bui kan kahbisa; ai sarka paski ba piua ra kan kahbisa.

Impakan Sturka 15:2

Laiwana ba Dawan ra yabisna, witin lika yang karniki bara swaki ai sasakra sin ba. Witin ba yang Gâdki, yang bui witin ai nina mayunaia sna; witin ba aisiki nani Gâdka, yang bui witin ba purara bukaia sna.

Sins Lâka 18:10

Dawan nina ba tawer kum karnakira sa; upla kasakkira bahara plapi dimisa, ai kan kahbaika pliki brisa.

Sins Lâka 30:5

Dawan ba kan kahbisa ya witin ra kasak luki ba, ai bîla aisinka ban ba kasak aihwa sa.

Aiseya 12:2

Kaiks, Gâd sika swaki ai saki ba; yang baha ba kasak lukisna, bara si briras sna, kan yang karniki sa, yukuwaiki sa sin, witin sika yang swaki sasakriki ba.

Aiseya 32:2

Witin nani kumi bani ba, pâsa krawi ba mapara wan yukuki watla baku kabia, lî auhi ba mapara, wan yukuwaika watla baku, tasba lâwan ra lî kârma nani baku kabia, lapta bitni pali piua ra walpa tara distika wanki ba baku upla iwras tasbaya ra.

Aiseya 45:21

Man nani baku pana pana aisaia want sma kaka, aisi banhs dîa muni ba wis, pana pana makabi wals: ¿Ya mita blasi wina naha sturka na kaiki dahra aisan? ¿Kan pali piu ba wina sturka nani ba ya aisi kaia? ¿Yang Dawan aisi katna apia? Bara Gâd wala kum âpu sa yang wina tnaya ra. Yang tnaiya ra Gâd wala âpu sa pura lalura, swaki sasakra ba.

Jirimaya 16:19

Dawan, yang karniki bara kaini kakahbra, yang yukuwaiki trabil brisna piua ra; nisan nani ba man ra balbia, tasba paskanka takaskan ba wina bal, bara mai wibia: “Kunin gâdka nani, diara bahki, karnika âpu nani ba baman, damiki nani ba ai dukia kukanka baku brin.

Jirimaya 16:9

Yang, Dawan karnika sut brisna, Israel Gâdka, param aisisna: Naha kuntrika ra lilia lawana nani aiwani, lilia dauki ba maya baiki aiwani ba sut takaskaisna. Naha sut man nani yuam ra baku takbia, bara man nani baha kaikma.

Luk 1:47

yang kupi sin lilia sa Gâdki Sasakra ra.

Luk 1:69

Witin Sasakra karnakira kum wankan, ai napakanka Debit kiamka ba tila wina.

Luk 1:71

witin wan waihla nani ba wina swaki wan sâkbia, bara misbara wan kaiki nani ba wina sin;

Kli Smalkanka 32:37

Bara witin ai uplika nani ra wibia: ‘¿Anira sa man nani gâdkam nani ba, baha nani ra kainam kahbaika wisi tniwi kapram ba,

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!

Kli Smalkanka 33:29

Israel, man lilia sma, ¿ya man wal prakaia sa? Dawan sika swaki mai sakan, witin kainam kahbi main mai kaikisa, ¡witin sika pura luram sordka ba! Waihlam nani man ra bawbia, bara ai prautka ba man mita batakma.”

Taitus 3:4

Sakuna, Gâd wan Sasakra ai kupia pihni bara ai latwanka lâka upla nani ra latan marikan ba ra,

Taitus 3:6

Wan Sasakra Jisas Kraist bâk, Gâd Spirit Holikira aihwa pali ba wankan sa,

Hibru Nani 2:13

Naku sin wisa: “Yang lika Gâd ra luki kamni.” Bara witin kli wisa: “Yang nâra sni, Gâd mita luhpi nani aikan ba wal.”

1 Samuil 2:1

Ana naku ai pura sunan: “Dawan, yang kupi ra man ra lilia tara brisni, kan man karniki raya aikisma. Waihli nani mapara aisaia sip sna, kan man tâi baikram bamna. ¡Âu, yang lilia sni!

1 Samuil 2:2

¡Dawan, wala kum man holi sma ba baku âpu sa! Gâd, man wan kahbisma ba baku wala âpu sa: ¡Man wal baku wala âpu sa!