2 Samuil 21:17 - DAWAN BÎLA AISKA

¹⁷ Sakuna Abisai, Seruiá luhpia ba, Debit hilpka ra wan, bara filisteo ba mapara aiklabi ikan. Bamna Debit waitnika nani bui witin ra win pramis takaia, kli war aiklabaia wabia apia witin nani aikuki, Israel ingnika ba daskaia apia dukiara.

2 Samuil 21:17 ပူးပေါင်းရင်းမြစ်များ

2 Samuil 14:7

Bara nanara taiya nani sut maipara buisa, witin nani brin daukisa ai muihni ikan ba ra, luhpia ba witin nani mihta ra mangkamna wisa, bara witin nani bui sin pana munaia, baku prapatika dawanka takaia kumi ba sin ikaia. Bara baku kau masku kum takaski kan aswi ba baha sin daskbia ba ra, mayi kiamka kumi sin tasba purara swibia apia, witin ba yang nini brih waia dukiara.

2 Samuil 18:2

Baha ningkara aiklaklabra daknika baiki sakanka yumhpa wina kum ba Joab wal blikan, baiki sakanka wala ba Abiatar wal blikan, witin ba Seruiá luhpia bara Joab muihnika, bara daknika yumhpika ba lika Itai karnika munhtara, witinka Gat wina ba. Bara witin aiklaklabra sut ra win: —Yang sin man nani wal war ra wamna.

2 Samuil 18:3

Sakuna witin nani pana witin ra win: —Apia, king tara, man baku daukpara, wan waihla nani ba sika, yang nani plapamna sapa, apia kaka kasak prui tiwamna kaka sin, witin nani ba yang nani dukira uya lukras, sakuna king tara sma ba sika, yang nani 10,000 wal sin apia, man kau mana tara sma. Baha mita kanra yamni sa king ba tawan ra takaskaia, bara yang nani tâi baikaia aiklaklabra nani kau bliki kaia.

2 Samuil 22:19

Pât pali ra kapri ba ra yang wal aiklaban, sakuna Dawan lika yang tâi baikan,

2 Samuil 22:29

Dawan, man ba yang ingniki; man, yang Gâdki, tihmuki tara yang ra ban ingni daukisma.

1 King Nani 11:36

Bara ai luhpia ra kiamka kumi yabamna, baku mika albiki Debit ba maiwanra piua bani ingni kumi kabia Jerusalem ra. Baha tawanka yang bui bâk sakri ba, nini bahara swiaia ba mata.

1 King Nani 15:4

Ban sakuna, Debit latwanka ra, Dawan Gâd bui Jerusalem lampka ba ban yan ingwi kan.

Lawana Nani 132:17

Bahara yabrika, Debit karnika kum pâwi takbia. Lamp kumi pat ridi daukri sa, king pliki sakri ba dukiara.

Lawana Nani 144:10

Pura luaia ba, man mita king nani ra yabisma; man sika napakankam Debit pât wina dakbi sakram ba,

Lawana Nani 46:1

Dawan ba sika wan yukuwaika bara wan karnika sin; wan hilpka sa yawan pât bri ba piua ra.

Jirimaya 40:15

Bara Johanán Guedalías wal tnaya ra tawi yukuwi witin ra aisin: —Aik yang wih Ismael ikamna. Bara upla kumi sin tânka bribia apia ya daukan sapa. ¿Dîa muni yang nani na sâp kaia bara witin bal man mai ikaia? Baku takbia kaka Ju nani sut bal man wal asla takan ba kli plapi kum kum takbia, baha ba Juda wina upla nani kau bâra ba mapara slingwanka takbia.

Jan 5:35

Jan lika lamp kumi baku klauhi ai ingnika saki kata, bara man nani mita wilin banhwi katma piua prahni kum ai ingnika ra lilia kaia.