2 Samuil 21:16 - DAWAN BÎLA AISKA

¹⁶ bara waitna tarka tara kum bâra kan, nina Isbí-benob, Debit ra ikaia pliki kan. Ai langsika wirhika ba 66 paun pura bri kan, ai maisa ra sin sord raya kumi bri kan.

2 Samuil 21:16 ပူးပေါင်းရင်းမြစ်များ

Blasi Sturka 14:5

Bara mani 14 alkan ra, king Quedorlaómer ai suldiarka nani aikuki, king wala nani sin witin wal kan ba ai suldiarka nani aikuki asla aidrubi Astarot Carnaim ra balan, bara bahara aiklabi, refaíta nani ra pura luan. Baha wina Ham ra zuzita nani ra pura luan; ningkara emita nani Savé-quiriataim ra kan nani ba ra pura luan.

Blasi Sturka 6:4

Baha yua nani ra, upla tara yakura nani tasba ra bâra kan. Gâd luhpia waitna nani bara upla luhpia mairin nani wal prawan ba ningkara, witin nani ai luhpia baikan ba, baku tara yakura baman takan. Baha nani sika, blasi tasba almukka yua ba wina, waitna karnakira nani bal takata ba, waitna karnakira nani, ai nina tara kulkan ba.

2 Samuil 21:18

Baha ningkara kli aiklabanka wala Gob ra brin filisteo nani wal. Baha piua Sibecai, husatita ba mita Saf ra ikan; Saf ba upla tarka tara nani ba kiamka kan.

2 Samuil 21:20

War wala kli Gat ra aiklaban. Waitna kum bâra kan yari tara, mihta, mina sirpika nani 24 bri kan, mihta sirpika ba matlalkahbi bri kan mihta bani ra, mina ra sim baku. Naha sin upla tarka tara nani ba kiamka kan,

2 Samuil 21:22

Naha uplika tara nani walhwal ba sut, Réfah luhpia nani kan, Gat wina atia, sakuna sut Debit bara suliarka nani mihta ra kauhan.

2 Samuil 5:18

Bara filisteo nani ba kau mapara dimi Refaim ilka bîla ba alki brin.

Kulki Kaikanka 13:22

Négueb bâk lui wan ba wina, Hebrón kat aidrubi balan, bahara Anac kiamka nani bâra kan: Ahimán Sesai, Talmai. Hebrón tawanka ba pas paskan kan, 7 mani Soan Idsip ra paskan ba kainara.

Kulki Kaikanka 13:28

Ban sakuna, baha paskanka nani ba karna pali sa, baha purkara bahara sin kaiki banhri Anac kiamka upla tara nani bâra sa.

Kli Smalkanka 1:28

¿Nanara, yawan na anira waia? Wan tasbaya luhpia nani wan wisa baha tasbaya ra waitna kau karnakira nani bâra sa, witin nani sin kau yari yawan wal; tasbaya nani kir ba tawan tara nani bâra sa, baha sin purara pali kutban sa. Upla nani yari tara Anac kiamka ba sin kaikan bâra sa. Bara baha sut mita yawan sibrin wan kupia lap tiwan.’

Kli Smalkanka 2:10

(Ar tasbaya ba, blasi pali piua ra emita nani bâra kan, upla ailal kan, upla tarka tara nani, nana yari, Anac masraka talia uplika nani bâra iwi kan.

Kli Smalkanka 2:11

Upla nani mita kulkanka yabi pali kan ba lika, baha nani ba refaíta nani, sakuna Moab uplika nani bui lika kulkanka yabi kan emita nani ra.

Kli Smalkanka 2:21

Witin nani tawan tara, upla ailal pali kan, tarka tara, braka yari, nana sin yari, Anac masraka baku kan. Sakuna Dawan bui Amón uplika nani mihta ra swin âpu daukan, bara witin nani baha tasbaya ra takaskan.

Kli Smalkanka 3:11

(King Og baman sika, refaíta nani tila wina takaskan ba; krikrika ba ayan ni paskan, 6 pît bîla yahpika, yarika 14 pît, witin nani kulkanka praiska yawan baha kaikaia Amón tawanka, Rabá ra.)

Kli Smalkanka 9:2

ai uplika nani ba tara, yari Anac kiamka baku. Aisinka kum bâra ba man nani pat nu sma: ‘¿Ya sip sa waitna tara Anac kiamka mapara buaia?’

Jasua 11:22

bara baku Anac upla tara kiamka kumi sin raya swiras, Israel tasba piarkika ra iwi kan nani ba. Anac kiamka tara Gaza ra, Gat bara Asdod ra iwi kan nani baman takaskan.

Jasua 15:14

Caleb baha tawanka wina Anac kiamka nani yumhpa ra kangbi sakan, baha nani nina mâki kan Sesai, Ahimán bara Talmai.

1 Samuil 17:7

ai pahpaya ra aiklabaia dusa twilki kan ba sin. Witin ai langsika ba tara, kwala mamaika wilwaika dusa tara kum baku kan, dusa tâura ayanka ba sin 15 paun pura baku kan. Witin tâura ai hilpika ba wapi kan.