2 Samuil 21:12 - DAWAN BÎLA AISKA

¹² Debit wan bara Saúl dusa yuyaka nani, luhpia Janatan dusa yuyaka nani, Galaad ra Jabés bri kan ba sut wahbi brin, filisteo nani Saúl ra Guilboa ra pura lui ikan bara dusa nani ba, Bet-seán ra pulaia pliska ra swin kan ba wina baha impliki brin kan ba.

2 Samuil 21:12 ပူးပေါင်းရင်းမြစ်များ

2 Samuil 1:21

“¡Guilboa ilka nani, man puramra diwas laya kli kauhbia apia, lî sin auhbia apia, pruan nani langnika takram bamna! Bahara karnakira nani kan kahbaika nani baha nani ai mina ra taiban. Baha ra Saúl kan kahbaika ba siksa takan.

2 Samuil 1:6

Waitna ba pana win: —Yang tâinka briras nahki, sakuna Guilboa ilka ra kapri ba ra, kaikri Saúl ai langsika purara ai tâ baiki bâra kan, bara waihla nani ba sin aras ra uli wagin nani bri pat lamara aula kan alkaia.

2 Samuil 2:4

Baha ningkara Juda waitnika nani wih, Debit ba Juda kingka mangkan. Bara witin nani Debit ra win, Jabés, Galaad uplika nani bui Saúl ba bikan.

2 Samuil 21:11

Rispá, Saúl lila mairin daukan ba, witin nani Debit ra win ba ra,

2 Samuil 21:13

Ningkara Debit adar yan Saúl bara Janatan dusa nani ba, bara langki pruan dusa nani ba sin sut wahbi briaia;

1 Kronikas 10:1

Filisteo nani ba aiklaban Israel mapara, bara Israel luhpia nani plapi banhwan, sakuna ailal pali Guilboa ilka ra prui banhwan.

1 Kronikas 10:12

bamna waitna kupia karnira nani sut ba buan, Saúl wîna tara bara luhpia nani wîna tara ba Jabés ra brih wan, bara bahara usupum dusa kumi munhtara bikan Jabés ra. Bara yu matlalkahbi pura kumi witin nani plun piras kan.

1 Kronikas 10:8

Yauhkika wala ra, filisteo nani upla pruan nani dukia wahbi briaia wan ba ra, kaikan Saúl bara ai luhpia nani aikuki sin pruan kan, Guilboa ilka ra.

Jasua 17:11

Manasés sin naha tasbaya nani brin Isacar bara Aser tasbaya nani ra, kumi bani tawan sirpi nani ai lamara bri ba aikuki: Bet-seán, Ibleam, Dor, Endor, Taanac bara Meguido, bara il nani yumhpa ba sin.

1 Samuil 28:4

Filisteo nani asla taki, Sunem ra aidrubi bahara ai kiampka bapan, bara Saúl Israel luhpia nani sut asla dauki Guilboa ra ai kiampka daukan.

1 Samuil 31:1

Filisteo nani Israel luhpia nani wal aiklaban, bara Israel luhpia nani witin nani sîa plapan, kan manis ikan Guilboa ilka ra.

1 Samuil 31:3

Baha wina kli trisbaya lalulkra nani ba sut asla taki, bara trisbaya nani lulkan ba sut Saúl purara batakan. Bara baha nani sîa Saúl sibrin pali daukan.

1 Samuil 31:4

Baku bamna, ai hilpika sord twilki kan ba ra win: —Sordkam saki baha ni ai iks, naha idanka nani bal ai iki yang wal ai liliaka briaia apia tâwan. Sakuna hilpika ba baku daukaia brin daukras kan, witin sibrin pali dauki kan ba mita. Bara Saúl ai sordka saki baha purara kauhan.