2 Samuil 21:10 - DAWAN BÎLA AISKA

¹⁰ Bamna Rispá, Aiá luhpia mairin ba, sari lâka tukinka krukus kwalka talia dimi, walpa kum purara iwi kau ai pruanka nani ba main kaiki, barli mâ dâkan wina ban lî auhan ba kat, kakna ra tnawira nani sin swin bal piras, tihmia ra daiwan wail nani sin apia.

2 Samuil 21:10 ပူးပေါင်းရင်းမြစ်များ

Blasi Sturka 40:19

Bara yu yumhpa ba bilka ra, king fero man wauhkamtaya nani ba sin saki laki kaikbia dîa tâwan silak ra mai mangkan ba, bara witin adar yabia dus ra mai langki mai ikaia, bara tnawira nani bal mai pibia.

2 Samuil 21:11

Rispá, Saúl lila mairin daukan ba, witin nani Debit ra win ba ra,

2 Samuil 3:7

Saúl ai lila mairin kum bri kan nina Rispá, Aiá luhpia mairin, Abner baha mairka wal yapan. Baku bamna, Is-bóset baha tâwan Abner ra aisin: —¿Dîa muni man papiki lila ba wal yapram?

1 King Nani 21:27

Bara Ahab naha bîla nani sut walan, bara ai prâka nani kalkan bara sari kwalka diman, plun sin piras, baha kwalka wal ban yapan, bara ai kupia bawikira ban tauki kan.

Jirimaya 14:22

¿Idan nani aidulka nani ba tila wina bâra sa ki yaka lî auhaia? ¿Kasbrika yakan ban bâra ba wina bara krawi lî auhaia sip sa ki? ¡Apia, Dawan wan Gâdka! Man mita sika baha nani ba blikisma ba, man sika baha warkka sut daukisma; ¡baha mita yang nani lika man bîlam kaikisna!

Isikiel 39:4

Bara man, suldiarkam bara upla nani yulam kahbi nani ba aikuki, kauhma Israel ilka bîla nani ra. Bahara yabamna tnawira sât sut ra bara daiwan wail nani ra, pibia dukiara.

Oseas 6:3

¡Yawan karna wapi kap, Dawan kakaira takaia! Dawan yawan ra balbia, kasak pali titan yu baiwi uli baku, kasak pali lî auhi tasba buski ba baku mani lapta luan, lî auhaia piua ra baku aula.

Joel 1:18

¡Daiwan uhbi ba baku! Bîp nani ba, bahki ra wataukisa twi pliki, sîp daknika ba sin sut pruisa.

Joel 2:23

¡Saion ra iwi uplika nani, man nani sin liliam bas, Dawan Gâdkam ra liliam pali bas! Lî ailal ai piua kat witin mita yaban auhisa, kauhla piua ra bara baku sin lî piua ra yaban auhisa, blasi lî ai piua kat auhi kata ba, nanara sin kli baku yan auhisa.

Sakaraya 10:1

Man nani bui Dawan ra puram suns, mani laya ba auhaia, imyula nani lipi ba sin Dawan daukisa, ban ailal pali witin blîkbia, bara inma wahia ba upla sut dukiara tasba ra pâwbia.

Kli Smalkanka 11:14

Witin mita daukbia mani piua lî auhaia piua ba sin piua kat brih balaia, bara man nani plawarkam dâki wainkam bara batana laya sin brima.

Kli Smalkanka 21:13

Silak ra kauhbia taim, ai kwalka dimi ba daiki swi si bara waitnika watla ra dimbia, bahara kati kumi ai aisa bara ai yaptika pura mata inbia. Baha ningkara, Israel uplika ba witin wal prawbia bara wal ai maya kabia, maya mairin kaia.

Kli Smalkanka 21:22

“Upla kum kra saura daukan tâwan pruaia pâtka ra lakan, dus kum ra paman ba,

Kli Smalkanka 21:23

ai wîna tara ba tihmia aiska swika lalawaia apia, sakuna baha yua ra mahka bikaia, kan Gâd mapara saura kulkan sa upla kum dus ra pami ikan ba, bara Dawan Gâdkam bui tasba man nani dukiam maikaia ba ra tâski mai kulkbia apia.

1 Samuil 17:44

Ba purkara witin ra win: —¡Nâra bal, man wînam ba tnawira nani ra bara daiwan nani ra sin yarka pibia!

1 Samuil 17:46

Nanara Dawan bui mihti ra mai mangkbia, naiwa yang mai ikamna, lamla sin klaki dakbamna, filisteo aiklaklabra nani wîna ba sin tnawira nani ra bara daiwan nani ra sin yarka pibia. Baku tasba aiska kaikbia Israel ra Gâd kum bâra ba;