2 Samuil 20:9 - DAWAN BÎLA AISKA

⁹ Bara Joab ba Amasá wal aisi kan ba ra, ai mihta aihkika ni witin unmaya kat alkan kiawalaia wisi, bara makabi walan: —¿Muihki, nahki yamni sma?

2 Samuil 20:9 ပူးပေါင်းရင်းမြစ်များ

2 Samuil 15:5

Baha purkara, upla kum ai lakula daukaia ai lamara auya ba ra Absalón witin ra ai mihta sakbi, kiubi alki kiawali kan.

2 Samuil 17:25

Amasá ba Absalón bui aiklaklabra tâura mangkan, Joab watlika ra. Amasá aisika ba Ismael uplika kum, nina ba Itrá, witin ba Abigail wal yapan kan, witinka ba Nehas luhpia mairin bara Seruiá muihnika, Joab yaptika ba.

2 Samuil 18:29

King ba makabi walan: —¿Wahma Absalón ba pain sa ki? Ahimaas pana win: —Joab, king dukia dadaukra ba, yang mahka nâra ai bliki kan bara turban tara taki kan, sakuna dîa pali taki kan ba tânka lika briras kapri.

2 Samuil 3:27

Abner ba Hebrón ra wan ba ra, Joab bui tawan getka ba wina tnaya ra brih wan, witin wal baman sturi aisaia, bamna bahara ai plauya kat sord ni sabi ikan, ai muihni Asael ra ikan ba tâwan pana ikan.

1 King Nani 2:32

Bara Dawan bui ai tâlia ba tahki witin lal ra sunbia, kan witin bui Ner luhpia Abner, Israel war wihtka tara wâl kan ba ikan skiru ni, bara Jéter luhpia Amasá ba sin, witin Juda war wihtka tara pali kan ba.

Lawana Nani 55:21

Ai aisinka nani ba butar lalalnika baku aisisa, sakuna ai lukanka nani ba lika war bukisa. Ai bîla aisinka ba batana baku swapni sa, sakuna baku apia sa, sim sord malika baku brisa.

Sins Lâka 26:23

Silbar ni sumi taya purara lalaubi prakan ba, baku bîla nani swapni painkira aisi ba lika lukanka saura brisa.

Sins Lâka 27:6

Kanra sip sa kasak lukaia wan uplika mita insauhki ba wihki wan waihla mita wan kiawali ba wal.

Jirimaya 41:2

Ismael waitna nani matawalsip brih wan ba baha nani wih sord ni Guedalías ba ikan. Witin ba sika Babilon kingka ba mita wihta tara mangkan kan ba.

Miqueas 7:2

Naha tasba ra upla kasakkira nani, Gâd wal wapni ba âpu takan sa, sakuna kumi bani ba, upla tâlia laikaia baman aihwaki kaikisa; kumi bani ai muihni mina ra alki batakaia kiwka nani mangkisa.

Wihta Nani 3:15

witin nani kli Dawan ra ai pura sunan ba kat, bara Dawan kli upla wala sakaia kan witin nani ba pri sakaia. Bara Dawan Ehud ba sakan baha pri sasakra baku, witin ba diara ai mihta smihka ni dauki kan, witin ba Guerá luhpia, Benjamín kiamka wina kan. Yu kumi, Israel luhpia nani ba Ehud kingka Eglón ra blikan wan, witin nani ai lal mana aibapaia lalahka ba.