2 Samuil 20:2 - DAWAN BÎLA AISKA

² Israel luhpia nani sut Debit ra lulki swin, Sebá Bicrí luhpia ba nina blikaia dukiara. Juda uplika nani sut lika, Jordan wina Jerusalem kat, king wal kasak wapni ban kan.

2 Samuil 20:2 ပူးပေါင်းရင်းမြစ်များ

2 Samuil 19:15

Bamna king ba mahka impakan kli tawi balaia, bara Jordan awala kat wan. Juda uplika nani ai mapara Guilgal kat wan, bahara aikuki prawaia, bara hilp munaia Jordan awala ba luaia.

2 Samuil 20:1

Benjamín kiamka wina watawikira kum, nina Sebá bara Bicrí luhpia waitna, Guilgal ra bâra kan. Witin tawan ra maisa pakan war bukaia, bara naku witin aisi kan: “¡Jesé luhpia Debit wal yawan diara briras, wan prapatika sin âpu! ¡Bamna Israel luhpia nani sut wamtla ra was!”

2 Samuil 20:21

Baha dukiara daukras, sakuna waitna kum, Efraín ilka nani ba wina, nina Sebá, witin war aiklabaia dukia nani king Debit mapara bukan. Man nani bui witin ba baman mihti ra mangks, bara yang tawankam na wina mahka wamna. Mairin ba bila Joab ra win: —Waitnika lal ba, kutbanka na pura wina yang nani bui man ra batakamna.

2 Samuil 20:3

Debit Jerusalem ra kli ai watla ra balan ba ra, ai lila mairin nani matawalsip king watla ra main kaiki kaia bâra swin kan ba, utla kum ra bri si, aihwawakra nani mihta ra swin. Witin nani ra ban main kaiki kan, sakuna witin aikuki lika kli yapras kan. Bahara witin nani ba durka praki swin, piarka nani baku iwi kan pruan yua ba kat.

1 King Nani 12:20

Bara baku kan, Israel luhpia nani sut bui walan Jeroboam ba kli tawi balan sapa, witin ba paiwi brih balan upla nani mawanra, bara witin ba Israel aiska kingka mangkan, kiamka kumi sin swiras kata Debit watla uplika nina blikaia, Juda kiamka baman lika.

2 Kronikas 10:17

Roboam Israel luhpia nani Juda ra kan piua ra witin baha nani purara ban king aimaki kan.

Lawana Nani 62:9

Upla ba diara bahki man luki kaikisa upla umpira ba, upla yuyakira ba wâlsut paun ra mangki kaikma kaka witin wâlsut ba diara apia sa.

Sins Lâka 17:14

Awala lisamra dingkan ba sika unsaban ba tâ krikisa; kau yamni sa mahka waia wihki, kau blahwi saura daukaia ba wal.

Apastil Nani Sturka 11:23

Bernabé bahara wan ba ra, kaikan nahki Gâd upla nani ra ai yamnika yaban ba, bamna witin lilia kan. Bara mahka upla nani ra smalkan ai kupia aiska ni Dawan ra kasak lukaia tânka.