2 Samuil 20:19 - DAWAN BÎLA AISKA

¹⁹ Israel tawanka nani tilara, yawan wan tawanka na kumika ai tânka kasak brisa, lamni lâka bara kupia kumi lâka, ¡baha sika kau tara ba! Ban sakuna man ba ban sauhki tikaisma. ¿Dawan dukia ba dîa muni sauhki tikaisma?

2 Samuil 20:19 ပူးပေါင်းရင်းမြစ်များ

Blasi Sturka 18:23

Witin Dawan lamara kau itwi dimi wan, bara witin ra makabi walan: —¿Upla pâtkas nani ba sin, pâtkira nani ba wal aikuki baku iki tikma ki?

2 Samuil 14:16

Âu, king tara, yang ra walma kaka, sip kabia swaki ai sakaia baha uplika yang nani ra ai daiki sakaia brin dauki nani ba wina, yang luhpi ra bara yang ra sin, naha tasbaya Dawan dukia na wina.

2 Samuil 17:16

sturka ba pat pali Debit ra wiaia dukiara, pain kupia kraukaia baha tihmika ba upla iwras tasbaya ra yapaia apia, sakuna pat pali Jordan baila wala ra lui waia, ai uplika nani ra bara witin ra sin ikan kaia apia ba mata.

2 Samuil 20:18

Bara mairin ba mahka aisin: —Blasi piua ra aisi kan: ‘Ya diara kum tânka walan dauki kan ba, Abel ra makabi wali kan.’ Bara baku wapnika taki kan.

2 Samuil 20:20

Joab pana witin ra win: —¡Yang baku daukaia lukras! Tawankam na sin, sauhki slingbi tiki swiaia lika apia.

2 Samuil 21:3

Debit bui witin nani ra makabi walan: —¿Yang nani dîa man nani ra daukaia sip sna? ¿Man nani ra saura mai munan ba mana dîa dauki bara kli wapnikam daukamna, Dawan uplika yamnika briaia ba?

1 King Nani 8:53

Kan man, Dawan, bâk sakram man dukiam baku nisan wala nani tila wina; man wisatma ba albikam Moses bâk, damiki nani Idsip wina sakatma piua ra.”

Lawana Nani 106:5

Bâk saki briram uplika nani liliaka ba yang kaikamni, baha nani liliaka ra yang sin lilia takamna, baha uplika nani man uplikam ba wal.

Lawana Nani 124:3

raya wan langki piaia kan, witin ai lawanka tara, yang nani maipara buan ba ra.

Lawana Nani 33:12

Lilia pali sa baha uplika Dawan mita witin nani ai Dawanka aimaki ba, witin mita ai uplika nani kaia bâk sakan ba.

Lawana Nani 78:71

Sîp daknika nani ninara tauki kata ba, ai uplika nani ra main kaikbia wisi, Israel luhpia nani sepadka aimakan.

Jirimaya 51:34

Jerusalem, Saion tawanka ba, aisisa: “Nabucodonosor, Babilon kingka ba, yuya sirpi ai dauki ai langkan; plit kum bîla man ba baku ai dauki swin. Kabu daiwra saura tarka tara kum baku taki, ai langkan; dîa want ba kat ai âuyapah ai pin; bara tâka ba swin lulkan. ¡Babilon bui saura ai munan mana ba aibapbia! ¡Caldea uplika nani bui aibapbia, upliki nani ikan ba mana!”

Jirimaya 51:44

“Bel, Babilon gâdka ba, klala yabamna, langkan yaba munrika aikabia, nisan nani witin ra kli plapbia apia. ¡Babilon kutbanka nani ba pat kauhan!

Inanka Nani 2:16

Waihlam nani sut ba, ai bîla kwâkan sa man mampara. Warbanka tilara bara saura munaia luki daukanka ra wisa: “¡Yawan bui witin ba aiska sauhki tikan sa! Naha yua sika, yawan aihwa bîla kaiki kata ba; ¡lâs kat nanara yawan kaikisa!”

Inanka Nani 2:2

Dawan mita Jekob watla nani sut sauhki tikan sa, umpira kaikras kira; ai lawanka nani wal Juda pranakira kan kahbaika pliska nani sut sauhki tikan sa; ai wihtka tara nani bara kingka nani sin tasba kat batakan sa, swira lâka ra.

Inanka Nani 2:5

Dawan ba waihla kum baku takan sa: witin bui Israel aiska ba sauhki tikan; ai wihtka tara watla nani sut sauhki âpu tikan, ai kan kahbaika pliska nani sut batakan, bara sarka lâka, inaia lâka ba kau ailal daukan sa Juda luhpia mairin tilara.

Kulki Kaikanka 16:32

bara waitna nani an pali Coré wal asla takan kan ba sut langkan, ai watla uplika nani bara dîa dîa bri kan ba sin sut langkan.

Kulki Kaikanka 26:10

sakuna tasba ai bîla kwâkan ba ra, baha nani wâl bara Coré sin langkan. Baha daknika aiska ba sin pruan, kan upla 250 pauta klauhan ba mita ikan. Naha na lika upla raya nani ba mapara kupia kraukanka kum kata.

1 Korint 15:54

Bara yawan wan iwanka ra saurakira tânka ba, sip kli saura daukras lâka ba bribia, yawan wan wîna pruaia lâka bri ba sip kli pruras ra tawbia kaka, baku mita aimakan kabia Ulbanka ra dîa ulbi swin ba: “Prura ba sauhki tikan sa pura luanka ba mita.

2 Korint 5:4

Yawan lika naha tintka ra iwi na piua ra, wan mamna lulkisa bara sari sin wan daukisa. Wan wîna tara almuk na wina prâk baku daiki sâkbia lika wiras, kuna brin wan daukisa, wîna tara raya ba ni wan dingkan kabia, baha mita naha wîna tara pruikira na, raya ba mita âpu daukan kabia dukiara.

Kli Smalkanka 20:10

“Man nani tawan kum lamara aiklabaia dukiara dimi auma ba ra, tâura kupia kumi lâka pas wins.

Kli Smalkanka 32:9

Jekob uplika nani ba Dawan dukia nani sa.

1 Timoti 2:2

Tâ bri nani bara wihta nani sin sut ba pura sunaia sa, yawan wan rayaka na sâpkira bara kupia kumi lâka bri kabia; bara baha ba aiska pali Gâd ra yabi, bara sins lâka kat brih iwi kaia.

Wihta Nani 5:7

Israel tawanka lupia nani ba lulki swih upla nani ba sut âpu taki kan. Baha piua ra sika yang buri, ¡yang, Débora, Israel yaptika kum!

1 Samuil 10:1

Samuil batana laya batil kum brih, Saúl lal ra laikan bara win: —Dawan bui naiwa ai uplika Israel luhpia nani wihtka bâk mai sakisa, ai uplika Israel ra. Man bui witin nani lâka daukma bara ai waihla nani ai kaina kir ba mihta wina sin pri sâkma. Batana mai laikisna na sika Dawan bui wihta mai mangki ba tânka marikisa.

1 Samuil 26:19

Yang bui king ra puri sunisni, man albikam aisinka na wals: Dawan bui king ba yang maipara blikisa kaka, prisantka kum yabrika bribia kaka lilia kamna; sakuna waitna bui daukisa kaka, Dawan bui lahtubia. Kan nanara Dawan tasbaya wina saki ai lulkan, bara baku plaitukbisa gâd bahki nani dukia daukaia.