2 Samuil 2:1 - DAWAN BÎLA AISKA

¹ Baha ningkara, Debit bui Dawan ra makabi walan, bara win: —¿Yang Juda tawanka nani kum ra waia sna ki? Dawan bui witin ra pana win: —Âu, man waia sma. Debit kli makabi walan: —¿Ani tawanka ra yang waia sna? Bara Dawan pana win: —Hebrón ra.

2 Samuil 2:1 ပူးပေါင်းရင်းမြစ်များ

Blasi Sturka 13:18

Bamna Ebram, ai tintka watla kum bukan, bara Hebrón tawanka tara lamara usupum dusa manis pâwi kan ba tasbaya ra waitna kum nina Mamré mâki kan ba bâra iwi kan, bara baha lamara wih iwan. Bahara Ebram altar kum paskan Dawan dukia.

Blasi Sturka 32:2

Jekob witin nani ba kaikan bara witin naku aisin: “Naha uplika nani na Gâd uplika kwâra kum sa.” Bamna witin baha pliska nina ba Mahanaim mâkan.

2 Samuil 15:7

Mani walhwal alkan ba ra, Absalón king ra win: —Yang bui king ra mamkabisni, ai swika Hebrón ra wamna, Dawan ra pramis takri ba bîli kat daukaia.

2 Samuil 2:11

baku ba ra Debit Juda kingka aimakan mani 7 pura bakriki, ai kingka lâka kiapitalka ba Hebrón ra kan.

2 Samuil 5:19

Naha mita, Debit ba Dawan wal aisin, bara makabi walan: —¿Filisteo nani wal aiklabaia sip sna ki? ¿Pura luanka lâka ba aikma ki? Bara Dawan pana win: —Âu, aiklas, kan pura luanka lâka ba maikamna.

2 Samuil 5:23

bara Debit kli Dawan wal aisin, bara Dawan pana kli witin ra win: —Mai kaiki bâk wih aiklapara, sakuna kutbi brih nina wina bal dimi aiklas, bara pura luma balsam dusa nani pâwi ba kat wama ba ra.

1 King Nani 2:11

Debit lika Israel aiska purara mani 40 king aimakan, baha tila wina mani 7 ba Hebrón ra, bara mani 33 ba lika Jerusalem ra.

1 Kronikas 29:7

Dawan tempelka warkka ba daukaia dukiara yan gul 165,000 kilo bara gul mâ 10,000, silbar 330,000 kilo, bara bras lika 600,000 kilo, bara ayan sin 3,300,000 kilo nani.

2 Kronikas 11:10

Sorá, Aialón bara Hebrón, naha nani lika kaina kahbanka bri tawanka nani kan Juda bara Benjamín wal ra.

Lawana Nani 143:8

Aikrika titan ra lamtwanka lâka ba tânka brimna, kan man ra kasak lukanki ba mangkri sa bamna. Aik tânka brimni ani ba yang wataukanki ba, brin ai dauki nani ba man ra mai wisna ba ra.

Lawana Nani 27:4

Diara kumi yang bui Dawan ra makabisni, yang diara kumi baman plikisni, rayaki yua nani sut ra ai tempelka ra wih mayunaia, bara ai yamnika prana ba kaikaia.

Isikiel 36:37

‘Yang Dawan sna ba, aisisna: Diara kum kau daukamna. Israel luhpia nani witin nani ai dukiara dîa daukaia makabia ba yamna; witin nani ba upla ailal daukamna sîp daknika kum baku.

Kulki Kaikanka 13:22

Négueb bâk lui wan ba wina, Hebrón kat aidrubi balan, bahara Anac kiamka nani bâra kan: Ahimán Sesai, Talmai. Hebrón tawanka ba pas paskan kan, 7 mani Soan Idsip ra paskan ba kainara.

Kulki Kaikanka 27:21

Sakuna Jasua ba prîs Eleazar mawanra buaia sa, bara prîs Eleazar ai nina ra luki Urim bâk yang ra ai aisabia. Jasua mita Israel luhpia nani ra lâ nani mangki yabi kabia, dîa dîa sut daukaia ba.

Jasua 15:13

Jasua Caleb Jefuné luhpia, Juda kiamka nani ba tasba tar baiki yaban. Dawan dîa witin ra win ba kat, Hebrón ba yaban, baha lika Anac waitna tarka tara masraka nani tawanka kau tara ba.

Wihta Nani 1:1

Jasua pruan ba ningkara, Israel luhpia nani bui Dawan ra makabi walan, witin nani walaia brin dauki kan, ai kiamka nani ba tila wina ya kiamka ba pas Kenan uplika nani ba mapara war aiklabaia waia ba.

1 Samuil 10:22

bamna Samuil Dawan ra kli makabi walan ba ra, Dawan bila win, Saúl bâra sa, sakuna witin diara nani tilara yukuwisa.

1 Samuil 23:2

witin Dawan wal aisaia wan. Dawan ra aisi, win: —¿Filisteo nani ba mapara aiklabaia man adar aikisma ki? Dawan bui witin ra pana win: —Âu, baha nani mapara aiklas bara Queilá tawanka ba pri sâks.

1 Samuil 23:4

Debit kli Dawan wal aisi baha tânka plikan; Dawan pana win: —Mahka Queilá ra waia yabalka ra aimaks, yang bui filisteo nani ba mihtam ra mangkamni.

1 Samuil 30:31

Hebrón ra bara anira witin ai uplika nani wal wataukan ba tasbaya sut ra yan.