Debit lika Olivet ilka albangkika bâk ai mina baman ini uli wan, sari tukinka ai lal purara praki. Upla nani sut witin wal auya kan ba sin, ai lal pura praki ini uli wan.
King ba pat ai dara walan dîa takan ba, bamna get purara rum kum ba ra ulan, bara mahka inan. Wapi ini aisi kan: “¡Yang luhpi Absalón! ¡Yang luhpi Absalón! ¡Yang luhpi! ¡Yang ni man wamtlika ra pruaia kapri! ¡Luhpi Absalón, yang luhpi!”
Joab king watla ra wan, bara witin ra win: —King tara ba ai warkka dadaukra nani ra swira daukisa, naiwa yua witin nani mita king tara luhpia waitna nani ba, luhpia mairin nani ba, maya nani bara lila mairin nani ba sut swaki sakan sakuna.