2 Samuil 19:28 - DAWAN BÎLA AISKA

²⁸ King tara, man mamwanra yang papiki luhpia nani sut ba pruaia aitani pali kan. Naha man albikam na paiwram kan king tibilkam ra iwi plun piaia. ¿Kau dîa wala king tara ra makabaia sip sna ki?

2 Samuil 19:28 ပူးပေါင်းရင်းမြစ်များ

Blasi Sturka 32:10

Kupiam yamnika, kupiam pihni lâka nani sut man bui yang ra daukram ba, baha yamnika nani ba yang briaia aitani apia sna. Jordan awala na yang lui wari, bara brih waia dus kumi baman mihti ra bri katna. Bara nanara yang luhpi nani ailal pali, kiamp wâl pitka kat brisna.

2 Samuil 14:17

King tara, yang warkkam dadaukra mairin, man pana dîa wima ba walaia bîla kaikisna kupi âuyapah briaia. King tara, man ba tnaya bani ra laki kaikisma, yamni bara saura ba, sim Gâd insalka baku. ¡Baku sin, king tara, Dawan Gâd ba man wal kabia!

2 Samuil 14:20

Sakuna witin naha daukan ba, diara nani taki ba tânka ba wiria natka wala ra lakaia dukiara. Ban sakuna, king tara ba sinskira pali sa, Dawan insalka kum baku sa, naha kuntrika diara nani taki ba tânka ba sut brisa.

2 Samuil 15:26

Sakuna witin bui yang ra yamni ai kaikras sa wibia kaka, nâra ai brisa, ai kupia lâka ba kat yang ra daukaia, witin yamni luki ba kat.

2 Samuil 16:3

King ba makabi walan: —¿Anira sa dawankam mulika ba? Sibá pana win: —Witin Jerusalem ra takaskan, bara lukisa ai damika kingka lâka kan ba, nanara Israel luhpia nani witin ra laki yabia.

2 Samuil 19:29

King bui witin ra pana win: —Kau sturi aisaia âpu sa. Yang pat adar yâri Sibá man wal tasbayam ba tar baiki briaia.

2 Samuil 9:10

Baku ba mita man, luhpiam nani bara albikam nani sin sut, tasba baikma witin ai dukiara. Plun mâ nani ba plun watla ra kuki sunma bara baku dawankam taika nani ba kan sunan kabia. Mefi-bóset ai mulika ba lika, ban yang wal tibilki ra ban kaia ra plun pi kabia. Sibá ai luhpia waitna nani 15 bri kan, ai albika nani lika yawanaiska kum,

2 Samuil 9:13

Sakuna Mefi-bóset mina wâlsut skahwa kan ba, Jerusalem ra iwi kan, witin king tibilka wina ban plun pi kan bamna.

2 King Nani 8:3

Bara baha mairka ba 7 mani luan ba ningkara kli tawi balan ai tasbaya ra, filisteo nani tasbaya ba wina. Baha ningkara, king ra wan ai watla ba bara ai tasbaya ba yabia wiaia.

1 Samuil 26:16

Man daukankam ba yamni apia sa. Dawan nina ra swer takisna, man nani pruaia ba aitani sa, man nani dawankam kan kahbras kapram, Dawan bui bâk sakan kingka ba. ¡King langsika ba, laya watla ba sin lal lamara kata ba pliki kaiks, sâkma sapa!