2 Samuil 19:24 - DAWAN BÎLA AISKA

²⁴ Mefi-bóset, Saúl luhpia ba sin bal takan, king wal prawaia. Baha yua king taki wan ba wina, witin kli yamni pain tawi balan ba kat, witin ai mina sikbras, ai unmaya sin irbras, ai prâka sin tuskras kan.

2 Samuil 19:24 ပူးပေါင်းရင်းမြစ်များ

2 Samuil 12:20

Baha walan ba ra Debit tasba wina buan, lî aihtaban, isint aimakan, kwala klin diman bara tempel ra wan Dawan ra mayunaia. Ba ningkara ai watla ra wan, plun piaia bara diara sin diaia.

2 Samuil 15:30

Debit lika Olivet ilka albangkika bâk ai mina baman ini uli wan, sari tukinka ai lal purara praki. Upla nani sut witin wal auya kan ba sin, ai lal pura praki ini uli wan.

2 Samuil 16:3

King ba makabi walan: —¿Anira sa dawankam mulika ba? Sibá pana win: —Witin Jerusalem ra takaskan, bara lukisa ai damika kingka lâka kan ba, nanara Israel luhpia nani witin ra laki yabia.

2 Samuil 9:11

bara witin pana king ra win: —Diara bani king adarkam wiram ba, naha albikam na witin baha daukbia. Bamna piua bani Mefi-bóset lika Debit tibilka ra plun pi kan, king luhpia nani kumika baku.

1 King Nani 2:8

Baku sin, Guerá luhpia Simí ba man wal sa, Benjamín kiamka Bahurim wina ba. Yang Mahanaim ra auna kan ba ra, witin bui sika saura ai lahtuban, ban sakuna baha ningkara Jordan kat balan yang wal prawaia; bara yang Dawan nina ra swer takri witin ra ikbia apia.

Impakan Sturka 19:10

bara Dawan kli witin ra win: —Was bara upla nani ra wis, naiwa bara yauhka wal ba, witin nani ridi takaia sa yang ra mayunra kum dauki aikaia. Witin nani ai kwalka nani ba tuski sakaia sa,

Aiseya 15:2

Dibón uplika nani ba il ra uli wan tempel ra dimi inaia, Moab ra, Nebo bara Medebá pura mata inbia; ai tâwa ba irban kabia, ai unmaya sin sut irban kabia.

Jirimaya 41:5

Siquem, Siló bara Sameria wina sin 80 waitna nani balan, uplika nani ba ai unmaya irban, prâka nani ba kalwan, taya ba sin insauhkan kan, witin nani mita ai taya ba klakan. Witin nani bri balan plun nani kîa pain angkaia dukia nani Dawan ra sakripais dauki yaia tempelka ra.

Matiu 6:16

“Man nani plun piras sma ba ra, kuninkira nani ai mawan sari bri ba baku daukpara; kan witin nani baku daukisa plun piras ba upla nani kaikbia dukiara. Kasak pali mai wisna, baha wal pat ai prisantka brisa.

Roman 12:15

Lilia uplika nani wal liliam bas, bara ini uplika nani ba wal sin ini bas.

Hibru Nani 13:3

Silak ra mangkan uplika nani ba kupiam krauki bas, man nani sin witin nani aikuki silak watla ra kapram kan baku. Rausauhkan uplika nani ba ra luki bas, man nani sin witin nani wal baku pât wahwi kapram kan baku.