2 Samuil 18:9 - DAWAN BÎLA AISKA

⁹ Absalón muyul kum ra uli auya kan, Debit suliarka mawan kat pah takan. Muyulka ba plapi usupum dusa tara munhtak wih diman, bara Absalón tâwa ba dus tnawa ra blakan bara pâsa ra bahara aipami kan, muyulka lika plapi taki laihura wan.

2 Samuil 18:9 ပူးပေါင်းရင်းမြစ်များ

2 Samuil 13:29

Baku ba mita, Absalón adarka win ba dauki, ai albika nani Amnón ba ikan. Bamna king luhpia nani sut buan, bara ai muyulka ra uli plapan.

2 Samuil 14:26

Ai tâwa ba twakni yari kan, ba mita wirha taki kan, mani bani aima kum ai tâwa ba paun matsip klaki kan, king watla paunka numbika kulkanka ba kat.

2 Samuil 17:23

Ahitófel kaikan witin diara daukaia lukan ba baku sip takras kan, witin ai birikuka ba satil mangki uli ai watla ra wan; bara witin ai tawanka ra ai watla bîla dukia nani sut wapnika mangki si, ailangki pruan. Baku pruan, bara bri si ai papika raitika ra bikan.

2 Samuil 18:10

Upla kum baha kaikan bara plapi wih Joab ra win: —Yang kaikri Absalón usupum dusa ra aipamisa.

2 Samuil 18:14

Joab pana witin ra win: —Yang lika man wal kau taimki tikaia apia sna. Bamna witin langsa yumhpa brin, bara yumhpika sut Absalón kupia kat saban, witin kau raya kan usupum dusa ra aipami.

2 Samuil 18:8

Aiklabanka ba baha tasbaya aiska ra kan, baha piua ra unta tara ra kau ailal pruan, sord ni ikan ba wal.

Job 31:3

¿Ban apia, watawikira bara saurakira nani wal ba dukia sa pât tara briaia ba?

Sins Lâka 20:20

Ya ai papika ra bara ai yapti ra lahtubi aisi ba, ai lampka ba daskan bara tihmia tara ra prubia.

Sins Lâka 30:17

Ya ai aisika bahki kaiki ba bara ai yaptika almuk takan ba lawaska kiki ba, aitani sa kuskuspiram mita nakra nani ba daiki sakaia, bara yakal nani mita pibia.

Jirimaya 48:44

Antin tatakra nani mita alkras kabia ba unta ra kauhbia, unta wina bal takbia ba mina alkaika ra mina alkbia, Moab uplika nani ra klala yabaia piua ba yang bri balamna. Yang, Dawan, kasak aisisna.

Matiu 27:5

Bara Judas lalahka ba tempel ra lulki si, mahka taki wih, ailangki pruan.

Mark 7:10

Kan Moses win: ‘Aisikam bara yaptikam wal kulks’, bara ‘Ya ai aisika bara ai yaptika wal ra lahtubia kaka, mahka pruaia aitani sa.’

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

Kli Smalkanka 21:23

ai wîna tara ba tihmia aiska swika lalawaia apia, sakuna baha yua ra mahka bikaia, kan Gâd mapara saura kulkan sa upla kum dus ra pami ikan ba, bara Dawan Gâdkam bui tasba man nani dukiam maikaia ba ra tâski mai kulkbia apia.

Kli Smalkanka 27:16

‘Ya ai papika ra, apia kaka ai yapti ra kulkras kabia kaka, lahtuban kabia.’ Bara upla sut bui wibia: ‘Baku kabia.’

Kli Smalkanka 27:20

‘Ya ai papika mairka wal yapbia kaka, lahtuban kabia, kan baha ba kulkanka yaras sa.’ Bara upla sut wibia: ‘Baku kabia.’