2 Samuil 18:29 - DAWAN BÎLA AISKA

²⁹ King ba makabi walan: —¿Wahma Absalón ba pain sa ki? Ahimaas pana win: —Joab, king dukia dadaukra ba, yang mahka nâra ai bliki kan bara turban tara taki kan, sakuna dîa pali taki kan ba tânka lika briras kapri.

2 Samuil 18:29 ပူးပေါင်းရင်းမြစ်များ

2 Samuil 18:22

Ahimaas bui sin, kli Joab ra win: —Ban sakuna, ai swis yang sin Etiopía waitnika ninara plapamna. Sakuna Joab kli witin ra win: —Luhpi, ¿man dîa muni ban waia want sma? Baha sturka wima mana, man prisant kum sin brima apia.

2 Samuil 18:30

King bui witin ra win: —Man tnaya ra tawi, bâra bas. Bara baku daukan, tnaya ra tawi bâra bûi kan.

2 Samuil 18:32

King ba Etiopía waitnika ra makabi walan: —¿Wahma Absalón ba pain sa ki? Witin pana win: —Yang aitani lukaina kan dîa baha wahma ra takan ba baku, king tara mapara babura nani sut ra sin baku takaia kan.

2 Samuil 20:9

Bara Joab ba Amasá wal aisi kan ba ra, ai mihta aihkika ni witin unmaya kat alkan kiawalaia wisi, bara makabi walan: —¿Muihki, nahki yamni sma?

2 King Nani 4:26

Was wal prawaia bara makabi wals nahki sa, bara wals ai maya ba nahki sa bara sin ai luhpi ba nahki sa. Alba ba wan, bara mairin ba bui win witin nani yamni sa.