2 Samuil 18:2 - DAWAN BÎLA AISKA

² Baha ningkara aiklaklabra daknika baiki sakanka yumhpa wina kum ba Joab wal blikan, baiki sakanka wala ba Abiatar wal blikan, witin ba Seruiá luhpia bara Joab muihnika, bara daknika yumhpika ba lika Itai karnika munhtara, witinka Gat wina ba. Bara witin aiklaklabra sut ra win: —Yang sin man nani wal war ra wamna.

2 Samuil 18:2 ပူးပေါင်းရင်းမြစ်များ

2 Samuil 17:11

Nanara aitani, yang kupi lukra na mai wimna, Israel luhpia nani sut Dan wina Beerseba kat paiws; witin nani ailal pali sa, kabu auhika mâ ailal ba baku sa, bara man bui tâ bris war ra aiklabaia waia.

2 Samuil 21:17

Sakuna Abisai, Seruiá luhpia ba, Debit hilpka ra wan, bara filisteo ba mapara aiklabi ikan. Bamna Debit waitnika nani bui witin ra win pramis takaia, kli war aiklabaia wabia apia witin nani aikuki, Israel ingnika ba daskaia apia dukiara.

2 Samuil 23:18

Abisai, Joab muihnika bara Seruiá luhpia ba, baha 30 kupia karna sibrin âpu nani ba wihta tara kan. Piua kum ra witin bui waitna 300 ai langsika ni ikan. Bara baku witin 30 nani ba tilara kulkanka tara brin,

2 Samuil 8:16

Suldiar nani sut wihtka tara ba Joab kata, Seruiá luhpia ba; wala ba Josafat, Ahilud luhpia, king wauhkataya âiulbrika.

1 King Nani 2:28

Bara diara takan ba sturka Joab ra balan, kan Joab lika Adonías daukanka ba pain kulkan, sakuna Absalón daukanka ba saura kulkan. Bara Joab Dawan tintka watla ra plapi wih, altar ra bîp aringka nani ba tnaya ra yukuwan.

Lawana Nani 3:6

Upla tausin nani tnaiya kir ai kutbi bri ba, maipara aiklabaia dukiara, yang baha nani sibrinka briras sna.

Wihta Nani 7:16

Baha wisi si, witin ai uplika nani 300 ba daknika yumhpa ra baiki lakan, bara kumi bani mihta ra sîp aringka ba mangkan trumpit puhbaia, bara lî watla nani bîla baman bri kan ba bilara sin pauta klauhan mangki yaban.

Wihta Nani 7:19

Gedeón baku lâ ba dauki, bara waitna nani 100 ba aikuki waihla nani kiampka tnaya wala ra tawi, tihmia wâl bakriki suldiar nani saiwan wina aihwaki nani ba saki, wala nani bri sal dingkaia ba piua bîla kaiki kan. Baha nani bal takan ba ra, witin nani aringka ba puhban, bara sumi nani ai mihta ra alki bri kan ba baikan.

Wihta Nani 9:43

bara witin ai suldiarka nani ba dakni yumhpa ra saki bara witin nani unta ra wih yukuwi kan. Bara Siquem uplika nani ba tawan wina taki aula kan, bara witin nani yukuwi kan ba wina taki bal, uplika nani aula kan ba mapara aiklaban.

1 Samuil 11:11

Yapra wala ra, Saúl ai uplika nani sut ba dakni yumhpa ra baiki sakan, bara kau lalma kahbras kan pat ai waihla nani lila kat diman kan, bara witin nani ra iki kan, yu wal lal kat. Ya nani kau raya kan ba yakabrira takan, bara witin nani tila wina upla wâl pan asla apia kata.