2 Samuil 18:19 - DAWAN BÎLA AISKA

¹⁹ Ningkara Ahimaas Sadoc luhpia ba, Joab ra win: —Man ra mamkabisni ai swis plapi wamna king ra wiaia, Dawan bui wapni lâka ba daukan ai waihla nani karnika wina pri sakan ba.

2 Samuil 18:19 ပူးပေါင်းရင်းမြစ်များ

2 Samuil 15:27

King ba Sadoc prîs ra win: —Wals, man, Abiatar luhpiam nani wâl ba kira, âmyapah kli tawan ra was. Man luhpiam Ahimaas wal, bara Abiatar ai luhpia Janatan wal.

2 Samuil 15:36

Ai luhpia nani Ahimaas bara Janatan sin bâra sa, witin nani bâk bîla bliki bas bara dîa taki ba sut ai wi bas.

2 Samuil 17:17

Janatan bara Ahimaas wal En-roguel ra wih yukuwi kan, tawan ra sip dimras kan bamna, bara wark tatakra mairin kum wih sturka ba witin nani ra win, baha walan ba wal witin nani mahka taki wan, Debit ra wih sturka ba wiaia.

2 Samuil 18:20

Sakuna Joab pana witin ra win: —Man naha sturka na naiwa wih aisaia ba aitani apia. Piua wala ra man sip kama, sakuna naiwa lika apia, king luhpia ba pruan ba mita.

2 Samuil 18:23

Ahimaas pana win: —Prisant brimna lukras sakuna, yang plapi wamna. Joab witin ra win: —¡Ban kaka, plapi was! Bara Ahimaas il bîla bâk plapi, Etiopía waitnika ba kan dakban.

2 Samuil 18:31

Baha piua ra, Etiopía wina ba balan, bara aisin: —Wan kingka tara, man naha sturka nani na wals: Naiwa Dawan lâ kasak ba daukan sa wan kingka ra, baha nani ai mapara buan nani ba karnika wina pri saki.

Lawana Nani 10:14

Man bui kaikisma, saura munaia, watawika lâka bri ba; man baha kaikisma, ¡witin nani briaia ba, pana man bui witin nani ra yama! Hilpkas uplika nani ba, ai lâka man mihtam ra mangki swisa; man sika rau takan nani ba hilpka aimakisma.

Lawana Nani 10:18

Bara tuktan rau bara taiban lâka ra uplika nani ba, wapnika aisi dauks. ¡Baha mita upla tasba wal paskram ba, kli sirang wan ikbia apia!

Lawana Nani 7:6

¡Dawan, bus man, lawanka tara wal; waihli nani kupia baiwanka mapara taki bus! ¡Man, lâ kasak ba daukaia wiram, yang tâiwan aimaks!

Lawana Nani 9:16

Dawan witin bui ai tânka mairikan: ¡lâ wapni ba aisi daukan! Watawikira ba silak ra aimakisa, witin mita paski kahbi swin ba iliska ra.

Lawana Nani 9:4

Man sika wihta kasakkira: man iwaikam ra iwram, kasakka lâka kat aisi lâika daukaia.

Jirimaya 51:31

Upla kum kli upla wala witin nani plapi bal Babilon kingka ra win, tawanka tara ba pat pura luan sa.

Roman 12:19

Muihki laitwankira nani, saura mai munan ba tâwan upla ra pana saura munpara, sakuna swis Gâd mita uplika ba ra klala yabia, kan Ulbanka ba wisa: “Yang mita lika klala yaia sna; bahamna Dawan bila: Swis yang baha ba kasakka lâka ra aibapamna.”