2 Samuil 17:23 - DAWAN BÎLA AISKA

²³ Ahitófel kaikan witin diara daukaia lukan ba baku sip takras kan, witin ai birikuka ba satil mangki uli ai watla ra wan; bara witin ai tawanka ra ai watla bîla dukia nani sut wapnika mangki si, ailangki pruan. Baku pruan, bara bri si ai papika raitika ra bikan.

2 Samuil 17:23 ပူးပေါင်းရင်းမြစ်များ

2 Samuil 15:12

Baku sin Absalón, Debit waitnika lâ kakaira nani ba tila wina, kumika nina Ahitófel ai tawanka Guiló ra iwi kan ba, baha sin paiwan ai tilara kaia, witin sakripais dauki ba ra. Baku bamna, mapara baku ra daknika ba kau ban ai karnika alki auya kan, Absalón nina blablikra nani ba sin kau ailal taki kan.

2 Samuil 15:31

Upla nani wina kumika Debit ra win, Ahitófel ba sin kumika Absalón wal prawi ai mapara buisa. Debit bui Dawan ra ai pura sunan, Ahitófel daukaia luki ba sut yaka bahki ra tawbia.

2 Samuil 16:23

bamna baha piua ra, Ahitófel wina sturi tânka kum makabi walaia ba lika Gâd bîla wina makabi walan baku kulki kan. Baha baku sika Ahitófel bîla karnika ba Debit dukiara, baku sin Absalón dukiara.

2 Samuil 17:22

Bamna Debit, ai uplika nani sut witin wal auya kan ba aikuki buan, bara aihni pali witin nani Jordan awala baila wala ra luan. Yu baiwan kat upla kumi sin yakan ninara takaskras kan.

1 King Nani 16:18

Bamna Zimrí kaikan tawan ba brin kan, witin king iwaia ba watla ra dimi wan, bara watla ba pauta ni angkan, king ba baha bilara ami pruan.

2 King Nani 20:1

Baha yua nani ra Ezequías ba sikniska saura pali alkan, pruaia man kan. Bara Aiseya, Emus luhpia ba balan witin ra kaikaia bara win: —Dawan ba naku wisa: ‘Man wamtla uplika nani ra lâs bîla nani smalks, kan man pruaisma; man sikniskam na wina rawma apia.’

Job 31:3

¿Ban apia, watawikira bara saurakira nani wal ba dukia sa pât tara briaia ba?

Lawana Nani 109:20

Baku Dawan waihli nani ra mana aibapbia, baha nani, yang maipara saura aisi nani ba ra.

Lawana Nani 5:10

¡Gâdki, witin nani ba klala yas! ¡Man dauks, witin nani lâ daukan lâka ba, tawi slingbaia! Witin nani ba lulki swis, saura ailal daukan ba mita, witin nani ba man mampara buan bamna.

Lawana Nani 55:23

Gâdki, upla âikra nani bara kuninkira nani sin, raya kabia apia; ai rayaka ba bakriki man kabia; man bui munrika raiti tihuka ra wabia, sakuna yang lika kupi aiska man ra kasak lukisna.

Sins Lâka 16:18

Praut lâka ninara sauhki tikan lâka sin aula; pura luaia spiritka ba ninara, kauhanka tara sin balisa.

Sins Lâka 19:3

Upla ai taniska lâka ba mita ai yabalka inipis ra lakisa; bara witin ai kupia ba Dawan mapara lawan baman sa.

Aiseya 38:1

Baha yua nani ra Ezequías ba sikniska saura pali alkan, pruaia man kan. Bara Aiseya, Emus luhpia ba balan witin ra kaikaia, bara naku win: —Dawan ba naku wisa: ‘Man wamtla uplika nani ra kasak bîla smalks, kan man pruaia sma, man sikniskam na wina rawma apia.’

Matiu 27:5

Bara Judas lalahka ba tempel ra lulki si, mahka taki wih, ailangki pruan.