2 Samuil 17:20 - DAWAN BÎLA AISKA

²⁰ Absalón nina blablikra nani bahara wan ba ra, witin nani mairin ba ra makabi walan: —¿Ahimaas bara Janatan wal anira sa? Mairin ba pana win: —Witin nani nahak bal lui wan awala tani ra. Bara Absalón nina blablikra nani ba witin nani pliki wan, sakuna witin nani wal prawras kan bara kli Jerusalem ra tawi wan.

2 Samuil 17:20 ပူးပေါင်းရင်းမြစ်များ

2 Samuil 15:34

sakuna man kli Jerusalem ra wama ba ra, Absalón ra wima kaka: ‘King tara, naha man albikam na man dukiam dauki kabia, man aisikam dukia nahki dauki katna ba baku’, baku lika man tâ baikma Ahitófel diara daukaia luki ba slingbaia,

Impakan Sturka 1:19

Bara mairin nani ba mita pana king fero ra naku win: —Hibru mairka nani ba sika Idsip mairka nani baku apia sa. Witin nani isi pali luhpa baikisa. Yang nani auna piua ra, pat ai luhpia baikan sa.

Libait Lâka 19:11

“Man nani implikpara. Man nani kunin aisapara, pana pana kunin munpara.

Wihta Nani 4:20

Bara Sísara witin ra win: —Man nâra takaski, tintkam watla durka na aihwaki kaiki bas; bara upla kum kra balbia bara mamkabi walbia kaka upla kum wamtla na ra sa sapa, man bui witin ra wis nâra upla âpu sa.

1 Samuil 21:2

Debit pana win: —King adarka ai blikan wark kum daukaia, witin bui yang ra ai win upla kum sin baha tânka briaia apia sa, dîa mata ai blikan ba bara dîa adarka nani sin yang bri aulna ba. Waitna nani brih taukisna ba sin, yang wal plis kum kat prawaia piua mangki swiri sa.