2 Samuil 17:14 - DAWAN BÎLA AISKA

¹⁴ Israel luhpia nani sut bara Absalón sin, Husai lukanka ba kau aitani kulkan, Ahitófel lukanka ba baku apia. (Baha sika Dawan bui baha lukanka ba yan Ahitófel daukaia lukan ba bahki ra lakaia, bara Absalón purara pâtka ba kauhaia.)

2 Samuil 17:14 ပူးပေါင်းရင်းမြစ်များ

Blasi Sturka 32:28

—Ninam Jekob ba, ban baku mâki kabia apia. Nanara wina man ninam ba Israel mâkan kabia, kan Gâd wal bara upla wal sin aitwaki man ban pura luram bamna.

2 Samuil 15:31

Upla nani wina kumika Debit ra win, Ahitófel ba sin kumika Absalón wal prawi ai mapara buisa. Debit bui Dawan ra ai pura sunan, Ahitófel daukaia luki ba sut yaka bahki ra tawbia.

2 Samuil 15:34

sakuna man kli Jerusalem ra wama ba ra, Absalón ra wima kaka: ‘King tara, naha man albikam na man dukiam dauki kabia, man aisikam dukia nahki dauki katna ba baku’, baku lika man tâ baikma Ahitófel diara daukaia luki ba slingbaia,

2 Samuil 16:23

bamna baha piua ra, Ahitófel wina sturi tânka kum makabi walaia ba lika Gâd bîla wina makabi walan baku kulki kan. Baha baku sika Ahitófel bîla karnika ba Debit dukiara, baku sin Absalón dukiara.

2 Kronikas 10:15

King ba upla nani bîla walras kata, kan baha ba Dawan bui pat baku daukan kata, Dawan ai bîla ba kat daukaia prapit Ahías, Siló wina bâk aisin ba, Jeroboam, Nabat luhpia ba dukiara.

2 Kronikas 10:8

Sakuna witin almuk nani kupia kraukanka yan ba tnaya ra lakan, bara witin wal pâwan wahmika nani wina kupia kraukanka makaban, bara baha nani ai mawanra banhwi kan.

2 Kronikas 25:16

Sakuna prapit ba kau naha aisi kan ba ra, king ba naku win: —¿Dîa yang nani mai mangki banhri king ra lâ marikaia? ¡Baha lâka ba swis! ¿Apia kaka, mai iki banhbia want sma? Prapit ba kau diara kumi aisaras, sakuna naku win: —Yang kaikisni Dawan mai sauhki tikbia naha daukisma mita, bara yang mai wisna walras sma bamna.

2 Kronikas 25:20

Ban sakuna, Amasías ba bîla walras kan, baha ba Dawan bui baku daukan, Joás mihta ra mangkaia dukiara, kan witin Edom gâdka nani ra plikan bamna.

Nihimaya 4:15

Bara wan waihla nani ba walan, yang nani ai mapara aiklabaia kapri ba, bara Gâd mita sin witin nani daukaia luki kan ba slingbi sauhkan, bara yang nani sut kli tawi balri taim, kutbanka paskaia warkka bri banhri.

Job 12:17

Dawan mita munisa sinskira nani ai sinska lâka ba tikaia, bara lâ dadaukra nani ba sinskas takisa.

Lawana Nani 9:15

Idan nani ba, witin nani bui unta pakni salhkan ba, baha bilara kauhbia; mina nani ba alkbia, witin nani bui ilis paski yukuki swin ba ra.

Lawana Nani 9:16

Dawan witin bui ai tânka mairikan: ¡lâ wapni ba aisi daukan! Watawikira ba silak ra aimakisa, witin mita paski kahbi swin ba iliska ra.

Impakan Sturka 9:16

Ban sakuna, yang mita mai swiri raya kaia, yang karniki ba kaikaia bara tasba aiska ba sin yang tâinka bribia ba dukiara.

Sins Lâka 19:21

Upla kupia ra diara daukaia lukanka nani manis bâra sa; sakuna lâ tânka, Dawan lukan ba kat lukras sa kaka ban kabia.

Sins Lâka 21:30

Dawan mapa ra, sins lâka nani ba bahki baman takisa, diara tânka alkaia lâka, lâ tânka smalkaia sin âpu sa.

Aiseya 8:10

Daukaia luki ba lilka dauks, kan baha ba sauhki tikan kabia; dîa lâka upla wala ra kabia want ba kat daukbia apia, kan Gâd ba yawan nani wal sa bamna.

Inanka Nani 3:37

Ahkia piua ra diara kum aisisa ba ra, diara kum takisa ba ra, baha lika Dawan adarka sa.

Emus 9:3

Witin nani Carmelo ilka bahna ra uli yukuwi kabia kra sin, yang wih bâra ban pliki saki alkamna; kabu tihuka mununhtara dimi wabia yang kaikamna apia wisi, bara bahara yukuwi kabia sin, bahara kabu daiwra tara blikrika, witin nani ra langki pibia.

Luk 16:8

Bamna dawanka ba wark uplika watawikira ba âuya mâira pali diara nani daukan ba kaikan, witin ra mayunan. Kan tasba uplika nani ba ridi banhwisa pana pana ai bisniska nani ba pain daukaia, sakuna ingni uplika nani lika baku apia.

1 Korint 3:19

Kan naha tasba sinska lâka ba Gâd mapa ra sins âpu dukia baku sa. Ulbanka ra wi ba baku: “Gâd mita sinskira nani ba ai âuyama lâka kat prak alkbia.”

Kli Smalkanka 2:30

“Sakuna king Sihón ba baku brin daukras sa yawan ai tasbaya lila bâk lui wabia, Dawan, man nani Gâdkam mita, witin ba apia mai wiaia, lal karna daukan, man nani mihtam ra mangkaia, naiwa yua param taki ba.

Jasua 11:20

kan Dawan mita ai waihla nani ba kupia karna daukan, Israel luhpia nani mapara buaia, baku ba ra, Israel luhpia nani mita sut sauhki tikaia, umpira kaikan luha, Moses ra Dawan mita adar yabata ba baku.