2 Samuil 16:23 - DAWAN BÎLA AISKA

²³ bamna baha piua ra, Ahitófel wina sturi tânka kum makabi walaia ba lika Gâd bîla wina makabi walan baku kulki kan. Baha baku sika Ahitófel bîla karnika ba Debit dukiara, baku sin Absalón dukiara.

2 Samuil 16:23 ပူးပေါင်းရင်းမြစ်များ

2 Samuil 15:12

Baku sin Absalón, Debit waitnika lâ kakaira nani ba tila wina, kumika nina Ahitófel ai tawanka Guiló ra iwi kan ba, baha sin paiwan ai tilara kaia, witin sakripais dauki ba ra. Baku bamna, mapara baku ra daknika ba kau ban ai karnika alki auya kan, Absalón nina blablikra nani ba sin kau ailal taki kan.

2 Samuil 15:31

Upla nani wina kumika Debit ra win, Ahitófel ba sin kumika Absalón wal prawi ai mapara buisa. Debit bui Dawan ra ai pura sunan, Ahitófel daukaia luki ba sut yaka bahki ra tawbia.

2 Samuil 17:1

Baha ningkara Ahitófel bui Absalón ra win: —Ai swis waitna 12,000 bâk saki brimna, bara naha tihmia pali Debit nina bliki rausauhkaia taki wamna.

2 Samuil 17:14

Israel luhpia nani sut bara Absalón sin, Husai lukanka ba kau aitani kulkan, Ahitófel lukanka ba baku apia. (Baha sika Dawan bui baha lukanka ba yan Ahitófel daukaia lukan ba bahki ra lakaia, bara Absalón purara pâtka ba kauhaia.)

2 Samuil 17:23

Ahitófel kaikan witin diara daukaia lukan ba baku sip takras kan, witin ai birikuka ba satil mangki uli ai watla ra wan; bara witin ai tawanka ra ai watla bîla dukia nani sut wapnika mangki si, ailangki pruan. Baku pruan, bara bri si ai papika raitika ra bikan.

Job 28:28

Bara Gâd mita upla nani ra win: “Dawan dukia ba kasak daukaia ba, baha sika sins lâka ba, saura wina tnaya ra tawaia ba sika, diara tânka kaikaia lâka.”

Job 5:12

kuninkira nani diara daukaia ai kupia ra luki paski ba sauhki tikisa, bara lukanka ba batakisa.

Lawana Nani 19:7

Dawan lâka smalkanka ba kasak yamni pali sa, kan rayaka raya yabisa. Dawan adarka bîla ba kasak ban buisa, ai dahra yamni walras nani ba, sinskira daukisa.

Lawana Nani 28:2

Man ra diara makabi, karna wini puri sunisna ba wals, mihti nani sakbi man wamtla holikira ra winisna ba.

Smasmalkra 10:1

Kukas pruan kum ba bisbaya sa bara kîa pain ra sauhkisa. Sinskas lâka nani isti ba dukiara kau aisisa, sins lâka kulkanka kau bri ba wal.

Jirimaya 4:22

“Yang upliki nani sika kiamapara, ai kakaira apia —Dawan baku aisisa—. Witin nani tuktan baku diara luki kaikras, laki sin kaikras. Diara saura daukaia sinska lika manis brisa, sakuna yamni daukaia tânka lika briras.”

Jirimaya 8:9

Sakuna baha nani sinskira puli ba swira daukan kabia, daiwan nani alkaika ra alkan sinska lap tiwi ba baku. ¿Witin sins lâka brisa aisi ba anira sa, yang bîli nani lulki swin na?

Kulki Kaikanka 27:21

Sakuna Jasua ba prîs Eleazar mawanra buaia sa, bara prîs Eleazar ai nina ra luki Urim bâk yang ra ai aisabia. Jasua mita Israel luhpia nani ra lâ nani mangki yabi kabia, dîa dîa sut daukaia ba.

Matiu 11:25

Baha piua ra, Jisas naku win: “Aisa, kasbrika purara ba bara tasba Dawanka, yang tingki mai wisna, kan sinskira nani ra bara diara lan nani ra naha dukia nani na yukukram, sakuna tuktan nani ra latan marikram.

Luk 16:8

Bamna dawanka ba wark uplika watawikira ba âuya mâira pali diara nani daukan ba kaikan, witin ra mayunan. Kan tasba uplika nani ba ridi banhwisa pana pana ai bisniska nani ba pain daukaia, sakuna ingni uplika nani lika baku apia.

Roman 1:22

Witin nani bila sinskira nani sa, sakuna witin nani sika kau sinskas ba;

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.

1 Samuil 30:8

bara witin mahka Dawan wal aisin ba ra, makabi walan: —¿Baha âimplikra daknika ba nina blikamna ki? ¿Bliki alkaia sip sna ki? Dawan pana witin ra win: —Nina blîks, kan bliki alkma bara priski brih wan nani ba pri sakma.